منتدى مقاطعة - عرض مشاركة واحدة

**ستار نت** · 17-06-2010, 09:05 PM

الاسعار تختلف من منطقة لمنطقة ، لكن أعتقد أن الأسعار هنا قديمة شوي..
ماتلاقي مقاول يشتغل الحين المتر ( مصنعية ) بـ 80 ريال ، ولأني امر بالتجربة
حاليا ، فكان لازم توضيح ؛ مثلا حفر الأرض حسب نوعيتها.. رملية أو جبلية
تكون محتاجة تكسير . بالنسبة لي كان في أرضي منطقة ضخرية بارزة بارتفاع
مترين ومساحة قاعدتها تقريبا 150 م مربع يعني ماخذة ربع مساحة الأرض
كلفني البوكلين بالساعة يشتغل بـ 100 ريال ، عمل خصم 10 ريال للساعة
وكان إجمالي المبلغ لمجرد تعديل وتسوية سطح المنطقة الصخرية 4500 ريال
هذا وانا اللي قايل له كفاية ، وقف شغل ، وإلا كان وصل المبلغ شيئ وشويات
بعد كذا تجي مرحلة ترحيل الدمار وهذي حكايتها حكاية ماودي أشغل دماغكم فيها
المهم... كلفتني تسوية الأرض حوالي الـ 15 ألف ريال .
علما بأن مساحة الأرض 600 وإجمالي مساحة البناء 1365 متر مربع .
اتفقت مع المقاول على سعر 110 ريال للمتر مساحي مصنعية بس ، وهذا أقل
سعر لقيته في السوق ، الكل ماينزل عن 120 كحد أدنى .

رش اسمنت النضافة على قد القواعد بس بـ خرسانة مواصفات 5 أكياس اسمنت
جبت ( البومبه ) 32 م مكعب × 200 ريال للمتر مع مراعاة 5 ريال في المتر
المجموع 5775 ريال ، والحين اشتريت حديد إجمالي 9 طن مقاسات متنوعة
كلفني 27190 ريال . ادعولنا ربي يسهلها ويكفي المبلغ اللي معاي أكمل عمارتي
ولو جلست انتظر صندوق التنمية اللي مقدم فيه قبل اكثر من 7سنوات وللحين دوري
بعيد حسب آخر رقم وصل ، أظن مابياخذ القرض الا عيالي .