منتدى مقاطعة - عرض مشاركة واحدة

**ApuTURKI** · 16-06-2010, 08:35 PM

اقتباس:

المشاركة الأصلية كتبت بواسطة بن الوطن

حكومتنا بنت سبعين الف وحده سكنيه للاردن والموطنون ذبحهم غلاء الاجار نحن الدوله الوحيده اللي مواطنوها مايملكون شي في بلدهم حتى قطعه ارض صغيره البنجالي والهندي وغيرهم يملكون قطع ارضهم في بلدهم

السلام عليكم..
أعزائي الأعضاء...

بن الوطن

على طاري هالمساعدات والمكرمات اللي تجير باسم خادم الحرمين..
تهيض احزان اللي له فوق عشرين عام ينتظر ياصله دوره بالصندوق العقاري ..
علشان يستلم (طفسته) اللي يقال لها منحه.

عموما..يستاهلون اخواننا المواطنين الاردنيين...

وعزاءنا لإخواننا المقيمين السعوديين.

بعد العذر من صاحب الموضوع. ومنكم جميعا على أي شطحات من هان او .هاون...شو بدنا نساوي يازلمه ما كله على بعضه حكي تانكول ...

قال والكلام للمقداد من قوة الصدمة واليأس اللي حسيت فيها .. !!

وخوفا اني ( اجيب العيد قبل رمضان ) .. فضلت اني انطم وابلع لساني

يقول والكلام للمقداد كتبت موضوع من اول الليل ..
بس يوم راجعته خفت ونشف ريقي وبغيت اجحد يدي اللي كتبته واتبرأ منها !! ) قلت إذا عندي واسطة كبيرة وامي تدعي لي .. فاكيد الربع الطيبين بيخففون محكوميتي من قصاص بالسيف لرميا بالرصاص .....عموما اقول : علاقة المواطن بثروات الوطن كعلاقة الجن .. بالزئبق الاحمر ..!! (( تحضره وتشوفه ولكن لا تستطيع ان تاخذ منه الا بعد موافقة الإنسي ))...... يالله ... ان شاء الله من بكرة يجي النعيمي ( وزير النفط ) يشيك آبار البترول ... يلقاها انقلبت بقدرة قادر صلصه ..!! ( فرصة تصير التبرعات اصناف - تمر - صلصه - ) .. ثم نشوف تاليتنا مع عرب الشمال ..ولو ان فيه تجارب سابقة عام 1990 ؟؟... انا بروح اقدم على قرض ولا مسكن لي هناك .. مادامها ( مليارين ونصف المليار ) اكيد تشطيبها بيكون فاخر وبيلحقني السرى عالسريع .. معليش اعذروني عالخربطة بس والله من قوة الصدمة اتخيل لو النفط يقولون له يالله قوم ..بنبيعك .. وبناخذ من قيمتك 2,5 مليار ريال بنعطيها للاردن .. اتوقع يقول : لا والله اقعد بمكاني احسن لي وإن شاء الله نومة اهل الكهف .. ولا اروح للاردن ..!! (لبنان اتوقع من غير ما نضغط عليه ..طبعا اللي هو النفط .. اتوقع يواااافق دون قيد او شرط ..( الساعة المباركة ).........

عموما : يستاهلون اخواننا المواطنين الاردنيين وعزاءنا لإخواننا المقيمين السعوديين....!!

زورني في السنة مره ................................ حرام تنسوني بالمره ...!؟؟

مع تحيات المرسلين :

الاخ : حفر الباطن من خميس مشيط ..!!

الاخ : وادي الدواسر من الخرخير ..!!

الاخ : تبوك اللي تنسيك امك وابوك ..!!

الاخ : الليث ( مو الابيض ) .. من بيت ولد عمه تثليث ..!!

وكذلك الاخوات :

الاخت : سكاكا من تنومة ..!!

الاخت : تيماء .. من نيسان ..!!

الاختان الشقيقتان : الانسة ... العبيلة .. والكهله ..شواله .. من طبرجل ..!!

مع تحيات المخرج مفتاح ابو جلمبو ..!!

الاخت : شرورة .. من جده ..( كني هسترت ) ..

ابرد خاطري بالمليارين والنص .. قبل لا يجيني سكر والا ضغط ..ثم اروح المستشفى وما القى علاج واجلس اعيييييييييييييط ..والعبيلة تعيييييييييييييط .. والزرقاء تزغررررررررط .... !! وزغرطي يا تفيده ...!! آآآآآآه يا كبدي يللي انجرحتي وين اداويك ...!!!

ناخذ اتصال من الاخت بريده من الدمام ..تفضلي اختي : احب ابارك للاخوة المواطنين الاردنيين هذه المكرمة من حكومتنا الرشيدة ( رشيدة مين يا تفيده ..!! ) هذه المكرمة ليست غريبة على حكومتنا الرشيدة التي عودتنا على تلك المكرمات لأبناء بلدها ..
ولي طلب اخير ... تفضلي اخت بريده ..ياليت الاخت تفيده تزغرررط لنا شووويه ..!! حاضرين ..يالله زغررررررررطي يا تفييييييييده ..... ولولوولولولولوووووووووووووول .....

وبعد هذه القصة الجميلة والعبر المفيده احبائي الصغاروالكبار والمباحث وامن الدولة تحيا الحكومة ويحيا العدل
والله اكبر ...!! يجب علينا جميعا ... ان نردد :

بلادي وإن جارت علي عزيزة ***** وأهلي وإن ضنوا علي كرام *****

والى اللقاء في حلقة جديده
من
برنامجكم السنوي