السلام عليكم
الدكتور سليمان والاخوة الاعضاء
الحمدلله والصلاة على سيدنا محمد
عندنا مقولة بالعسكرية (اذا ما تشغل العسكري يشغلك) وهي مأخوذة من الاتراك والمصارية والسودانيين الي اسسوا الجيش السعودي
والمقولة الثانية (جوع ؟؟؟؟؟ الله يكرم القراء الاعزاء يتبعك) وهذي وصية من اعلى مستوى
والمقولة الثالثة (فرق تسد) من نابليون مع انه قعدبها لكن اسس مقولة عظيمة
الان لو ان الدولة كل شيء فيها ميه ميه تحسبون انا بنصير السويد والا سويسرا مضرب الامثال لا والله ان يجي الملك والوزراء ما تلقى احد عند بيبانهم طيب وين يروح بند الشرهات
والعمالة الاجنبية تصاب بالنحافة ما تلقى اجنبي لانا حطينا راتب الكناس 20الف والطباخ مثلة ووطنا العملة والبلد ولا تلقون احد يعتب مكة والمدينة لانهم مو في حاجة الدعاء خلاص بطرانين ولا فقراء ولا ناس عند الشوارع ولا دعارة ولا مخدرات والسجون ما يجيهم احد بعدين وش نسوي نقوم نفصل العسكر حقين السجون لان مالهم داعي والمرور يخلي المخالفة عدم ربط الحزام 5000ريال والله ما تجمل والله اني لاقطع الحزام وبعدين يخافون المسئولين اننا ننافسهم على اوربا بدل ما نشجع السياحة الداخلية هؤهؤهؤ سياحة داخلية مين والناس نايمين وبعدين الناس اذا صار عندهم فلوس من يجيب عيال ما حنا فاضين نبي نبطر زيادة ونصدع الحكومة نبي موظفين من برى ونبي ناس يشغلون الفراغ الي سببه غنى الناس وبطرهم وشركات زي تويوتا من يطالع فيها والله محمد جميل يفتح مشروع (نافذة اسراف جميلة )بدل باب رزق جميل وبعدين بناتنا كيف يلعبون في المدارس مو في حاجة رياضة لانها تروح نادي صحي كل يوم ونسواننا والله ما يعطوننا وجه الزوج راكب VXR والمرة بوجاتي
والصرافات الي تشقق الفلوس من يطوبر عندها تقول لاجئين يدورون ماء
وبعدين المهيدب من ياكل رزه والله مشويات 24 ساعة
وبلا انترنت بلا كلام فاضي المنتدى هذا يصير من اثر الماضي وش نقاطع وكيف نفضفض عن انفسنا
والعلماء والشورى والمجالس البلدية ولائحة مالها حصر من البطالة
والله لو اتقينا الله في انفسنا وداومنا على الاستغفار ان الله يرزقنا حكومة عادلة وبطانة صالحة لكن نسينا الله فانسانا انفسنا ولن يغير الله ما نحن فيه حتى نغير ما بأنفسنا
ولاحول ولاقوة الابالله
والله من وراء القصد
آسف للاطالة