انت عارف يا أخي رياض أنا اشتكيت لزميل في أحد المنتديات من هذه المشكلة لعله يفيدني بحل تقني يرجعلي حقي وهو اللي بعتلي رابط موضوعك و انا اشتركت في المنتدى مخصوص عشان أرد عليك
أنا بقى اشتركت بسرعة 2 ميجا بس بعد اسبوعين وأكترمن 7 ساعات مع خدمة العملاء لدرجة ماكنت هاشتم واحد فيهم لامهك لامؤاخذة حيوانات وده حتى رأي المبيعات بتوع الشركة نفسهم وبعد ما قعدوا يستغبوني ويعملوا عليا بيفهموا وخلوني حسيت انه لازم أنتقم وبدأت أدور في المواقع عن أي طريقة تخلينا على الأقل أخد سرعتي اللي أنا دفعت تمنها وده لسبب بسيط أن أنا كنت متعود على الخدمات ديه من الشركات في مصر وبالرغم من اني كنت مشترك مع شركة تي اي داتا وهي تابعة للمصرية للإتصالات يعني شركة حكومية (لايسري عليها القانون الا بالوسايط) والله كان لما مشكلة انقطاع الانترنت في مصر لمدة اسبوعين واللي حصل عندي انه جودته قلت لمدة 3 أيام فقط ولكنهم أعفوني من الاشتراك طول الاسبوعين والاشتراك الشهري ل 2 ميجا يعادل 150 ريال سعودي وبتدفع شهر بشهر

لكن أنا لما رحت أشترك ولأني عارف اني هادفع مبلغ وقدره واشتركت 6 شهور ودفعت 1500 ريال وعشان لاأثق في الشركات السعودية لامؤاخذة وعارف انه أي انترنت أكتر من 1 جيجا ليميت ممكن يقولوا عليه غير محدود السعة سألت خدمة العملاء هل عندكم استخدام عادل قلي لا قولتوا ها فتح الداونلود من ساعة ما اوصل البيت مش هيخلص غير بعد 6 شهور قالي ربنا يعطيك العافية ولو اعرف انهم هيعملوا كدة والله لكنت سجلت المكالمة وديه أكتر حاجة مزعلاني انهم أكدولي قبل ما اشتري انه ما فيش استخدام عادل لانهم زي ما بنقول في مصر ضربوني على قفايا
دلوقتي هل ممكن نشتكيهم عند الهيئة مثلا ونتهمه بالبخس في الموازين هي مش نفس الحكاية ولا ايه
لو كانوا في مصر وعملوا معايا كده كنت بلغت عنهم الشرطة ورفعت عليهم قضية وخدت منهم مش أقل من 100000 تعويض

ولو حد يقدر يفيدني بطريقة انتقم منهم يبقى جزاه الله خيرا