ده ايه الحقد ده
ومش عارف بصراحه ايه مشكلتكم مع المصريين
ولو افترضنا ان الدكتور اللي بتقولي عليه قذر فعلا فده مش معناه ان المصريين كلهم مش كويسيين
اديكي مثال تاني واحد سعودي مسكوه في العماره اللي قدامنا وهو معاه بنت مش ولا بد من اياهم والحمد لله اتهرا ضرب واقلام على افاه لحد مانسوه اللبن اللي شربه وهو صغير
فهل ده معناه ان كل السعوديين مش كويسيين ... لا طبعا
مصر افضل بالكتير من الصوره اللي رسمينها الصغار في عقولهم وانا معرفش بنيتي فكرتك عن مصر عن طريق ايه بالظبط مجرد كلام فارغ واستخفاف بالناس لكن كلام جد وواقع مفيش
كله هوااااا
وانا عن نفسي عشت احلى ايام عمري في مكه واعز اصدقائي وتقدري تقولي انه اكتر من اخويا سعودي وبشيله في عنيا شيل ساعة مايجي مصر وبيبقى طاير بيا لما انزل مكه فمينفعش اتكلم عن السعوديه زي مانتي اتكلمتي عن مصر واقول فيكم وفيكم
خليكي حليمه ومحايده ياعميدة المنتدى عشان محدش يزعل منك
وصدقيني مصر مش محتاجه منك تقولي عنها كلمه حلوه او وحشه
مصر حتفضل ام الدنيا شئتي ام ابيتي
ونسيت اقلك مصر فازت باستحقاق على الجزائر والحكم كوفي كودجا اتوقف لاجل غير مسمى لانه مطردش فوزي شاوشي من اول احتكاك يعني لافزنا بالطرد ولا بضربة الجزاء
فزنا لان في رجاله في الفريق واللي تابع البطوله حيعرف قد ايه رجالة منتخب مصر ضربوا مثل ممتاز لكل المنتخبات في اللعب النضيف والاخلاق العاليه
ومفيش دليل يثبتلك ان الجزائر فرقه تعبانه اكتر من هزيمه الجزائر 3 زيرو قدام مالاوي في اول مبارياتها وانتي اكيد عارفه ان فرقة مالاوي فرقه ضعيفه جدا او ممكن متكونيش عارفه
مش مهم عندي
تحياتي
د/ احمد جلال المصري