اولاً اخي الحمد لله على السلامه وفي الحديد ولا فيك

ثانياً نقطه مهمه الكثير لا يعرف عنها وهي موضوع التأمين الكثير تغريه العروض "بدون دفعه بدون كفيل بدون اول قسط بدون مصاريف ادارية بدون وبدون وبدون ..." وهذا كله مع احترامي كلام فاضي ولو جيت على هذه التنازلات من قبل الشركه ترى هي في صالحهم مو في صالحك

بدون دفعه يعني راح تقل فائدتهم اذا دفعة لهم دفعه اولى
بدون كفيل نظام التأجير ومن يوم عرفناه بدون كفيل
بدون مصاريف ادارية وهذا المفروض اصلاً
بدون اول قسط هذا الربح الوحيد لك وشوف عاد كم

ارجع لموضوع التأمين واللي هي المشكله الرئيسيه والاختلاف الكبير بين الشركات

عبداللطيف جميل يأخذ حوالي 4.35% سنوياً يعني خلال 4 سنوات يأخذ 17.4%
ولو صار عليك حادث لا سمح الله في اخر شهر من الاقساط وراحت السياره بالكامل قال لك مع السلامه ما لك اي شيء عندي انت ماخذ السيارة بنظام التأجير والان السياره سيارتنا

التأمين يعوض عبداللطيف جميل وانت الله يعوضك ان شاء الله

السرقه في التأمين كالتالي:
يقول لك اذا صار هلاك كلي او سرقه كليه او جزئيه للسيارة مالك شيء عندنا

عجيب

طيب ليش من الاصل تأخذون تأمين عشان الحوادث البسيطه اللي تكلفك قيمه صدام او شمعه

المهم انا صار لي تقريباً نفس اللي صار لك بس بشكل اخر

لما راحت سيارتي للتأمين قرروا على السيارة هلاك كلي

قلت لهم ليس قالوا السياره تكلف 35 الف ريال

رحت جبت ورشه من افضل الورش وقلت له ابغى اصلح السياره بقطع وكاله وبأعلى سعر "استغرب اني اطلب منه اغلى سعر"

طلعت علي بـ 7 الاف ريال

طيب كيف صارت بـ 35 ألف ما أدري

"عشان كذا هم يرفعون قيمة اصلاح السياره لان اذا كان اصلاح السياره اعلى من قيمتها يرفضون تصليحها"

المهم ما أطول عليكم كتبت خطاب لمدير التأمين فيصل افندي "انذاك"

وعليه قرروا انهم يعطوني السياره مع مبلغ تعويض من التأمين وخصموا منه دفعه اولى وكنت راضي جداً على تصرفهم

وبالتالي نصيحتي لك اكتب خطاب للمسؤلين في تويوتا وواجههم وطالب بحقك

اذا ما انصفوك اتجه لموقع شركة تويوتا الام على النت واكتب شكوى لهم طبعاً باللغه الانجليزيه

ترى والله عيال عبداللطيف جميل ما ينامون الليل اذا عرفوا انك راسلت الشركه الام.

---------------------------------------

الاخ اللي يقول ادعوا على العلماء اقول له اتقى الله في نفسك هم لهم نظرتهم الشرعيه الصحيحه والتلاعب من الشركات