ما بقي الا يحرمون الموظف من الراتب حتى يسدد مخالفاتة

من المفروض انهم يراجعون انظمة المرور الموضوعة قبل خمسين سنة ويحسنون من مستوى افراد الامن
الي الواحد همة في اليوم يخلص البوك حق المخالفات والظاهر ان الدوام عندهم مالة عدد ساعات او ورديات بل بالبوك الي يخلص البوك يسلم وفوق هذا كلة ما يقبلون اي شكوى على اي مخالفة

في احد الايام كان عندي كابرس ss 96 ومريت من تفتيش فطلبني الرخصة والاستمارة وقال لي ((سفط على جنب))

وقفت وجلس في السيارة حسب النظام شوي الا هذا بالمكرفون وبكل (قلة حياء) : ((انت يا الي بالكابرس تعال))

نزلت ورحت لة قالي امسك هذي مخالفة (تنزيل) ؟؟؟

با ابن الناس هذي السيارة من بلدها تجي كذا

تدرون وش رد علي؟؟؟

(((اقول لا يكثر يعني انا ما اعرف شغلي ؟؟ ولا بجي واحد مثلك يعلمني؟؟ (بكل وقاحة) احمد ربك غيرك ياخذ مخالفات وهو ما يدري)!!!!!!!
طبعاً اول ما قال كذا انا انصدمت اخذت المخالفة ورحت السيارة وجلست اقرأ فيا

وانا متضايق و فجأة ...........!

اخينا في الله غلط بكتابة المخالفة في رقم الهوية ولوحت السيارة !!!!

هذا هو واقع رجال الامن في الميدان الا من رحم الله فبعد ان يأخذ المخالفة بكل ضلم يجبر على السداد وبدون نقاش