منتدى مقاطعة - عرض مشاركة واحدة - تريد أن تعرف ماذا يحدث في شركات التأمين ؟؟؟

**zidane** · 25-02-2009, 10:20 AM

اقتباس:

ثانياً:مايحدث في شركة التأمين من نصب واحتيال
يخبرني أخي وهو يعمل في المعارض على ان هناك عمليات نصب وعلى مستوى رفيع
وهي أنن يقوم أحد الاشخاص بشراء مركبة مصدومة ويأمن عليها وبطريقته يعمل لها كروكي للحادث ويرفع لها تقرير من شركة التأمين بأنها تالفة ليأتي التعويض ويوزع على كل من اشترى السيارة وعلى من عمل كروكي للحادث وعلى من رفع التقرير للشركة بأن هذه المركبة تالفة بسبب حادث (ضذ الغير )لينتهي المطاف بعصابة نصب وأحتيال

واحد شرى سيارة مصدومه ويأمن عليها تأمين ضد الغير اللي مايحتاج معاينه في بعض الشركات وعلى قولتك بطريقته يجيب له كروكي لحادث وهمي او مفتعل بعدين يقدمه لشركة التأمين عشان تعوضه بقيمه الضرر
وشلون صارت شركة التامين مشتركه معهم في النصب والاحتيال ؟؟؟
المفروض العنوان اللي حاطه انت يكون مايحدث على شركات التأمين من نصب واحتيال مهوب مايحدث في شركة التأمين من نصب واحتيال !!!
بالشكل اللي كاتبه انت صايرة الشركة مشتركه معهم في النصب والاحتيال والصحيح ان شركات التامين هي اللي تتضرر من النصب والاحتيال ..

عموما بالنسبه للشركة اللي اتعامل معها ( التعاونيه ) اذكر مسوين حمله قبل فتره الظاهر في رمضان عن الاحتيال وانه اذا سبق وكنت مشترك في عمليه احتيال على الشركة وقررت ترجع المبلغ اللي اخذته منهم بغير وجه حق انك تودعه في حسابهم في البنك بدون مايطلب منك اي معلومات ولا اي مسائله قانونيه ..والشي الثاني عندهم مكافاه ماليه بنسبه معينه للي يبلغهم عن حوادث نصب واحتيال ويكون معه اثباتات واضحه .

اقتباس:

انا أمنت في احد الشركات المعروفة تامين على المركبة وسويت حادث , يوم جيت اجدد
قالوا لي لازم تدفع نسبة عشان الحادث اللي سويته طبعا تركتهم وطلعت
سالفة النسبة هذي ماكانت مكتوبة في عقد التأمين يوم رحت أأمن لييييش ؟

معليش اخوي مشكلتنا كلنا ناخذ اوراق وعقود من البنك او شركة تامين او غيرها ولا نقرا وش نوقع عليه او وش نشتري ووش الاشياء اللي ممكن تصير ...بس انا يجيني اشعار تجديد سيارتي سنويا من التعاونيه وكاتبين لك فيه انه ( بافتراض عدم حدوث تغيير في موضوع التامين وبشرط عدم وقوع خسائر او مطالبات خلال هذه المده من تاريخ هذا الاشعار حتى تاريخ انتهاء التامين فسيكون اشتراك التجديد كما هو موضح اعلاه )
اشرحها لك اكثر يعني اذا كان تامين سيارتك 375 ريال وسويت حادث... في نهاية عقد التامين اكيد بتجيك زياده على السعر الاول لانك مسوي حادث لانه مهوب منطقي اساويك بالشخص اللي مامن وماسوا اي حادث ..بالنسبه لمبلغ الزياده عاد هذي على حسب المبلغ اللي دفعوه عنك يوم سويت الحادث وكل ماكان المبلغ كبير والنسبه اللي عليك في الحادث كبيره او بالكامل اكيد بيزود السعر .