اكبر مسرحيه هزليه في التاريخ
كنت كغيري اتلقف البضائع الوطنية بكافة اشكالها وانواعها دعما للمنتج الوطني لكن اكتشفت مؤخرا بأني احد المشاركين في اكبر مسرحيه هزليه في التاريخ ياسادة ياكرام بعد مادخلت مزارع في الخرج في موسوعة قينيس للارقام القياسيه على حد زعمهم اكبر مزرعة ابقار في العالم ويوم طاح الدولار وارتفعت الاسعار طلعنا نشرب بودرة مستوردة !!! حتى الدجاج الوطني طلع يأكل ويتغذى من برا !! وزاد الطين بله اغلب المنتجات المشهوره عالميا يوم تقرأ بيانات المنتج تلقى بالبنط العريض : (( صنع في السعوديه )) او منتج سعودي 100% سالتكم بالله هذا ماهو ضحك واستخفاف بعقولنا ؟؟؟!! من متى صار السيرلاك والبامبرز سعودية 100% من متى صار البيبسي والكولا سعودي ياسادة ياكرام من يقول عندنا صناعة فهو لايفقه شي كل المصانع وهالزحمه اللي غاثينا فيها ماهي الا اعادة تعبئة لمنتج خارجي وحنا الشعب المسكين ينضحك علينا بالعبارات الوطنية الرنانة والدولة انواع التسهيلات للمصانع على بالهم يدعمون مصانع سعودية واخرة هالمصانع والزحمه يبدلون العلبة والقرطاس ويكتبون صنع بالسعودية والله انها قمة المهازل ومن اليوم ورايح لن اشتري اي منتج طبع عليه (( صنع في السعودية )) لان من استخف بعقليتك وضحك عليك مرة لن استامنه ابدا والمؤمن لايلدغ من جحر مرتين منقوووووووووووووول |
المصانع الى عندنا وخصوصا المشهوره منها
ماهي الا فروع ووكالات لمصانع اجنبيه تم تزويدهم بالمعدات والخبرات والتقنيه والتكنلوجيا المستخدمه لديهم وهذه حقيقه نضرا لتجربتي بالمجال الصناعي لأنك حتى لو تذهب الى وزارة التجاره او الغرفه التجاريه او الهيئه العامه للمواصفات والمقاييس لا يمكن ان يزودونك بالتقنيه او التكنلوجيا وهذه هي اهم شي في المجال الصناعي وبهذا يجب عليك ان تستعين بالخبرات الأجنبيه أختصارا لوقتك |
طيب والحل ؟:mad:
تعبنا من الغش والنصب في كل مكان يا خوفي بكرة اذا جينا نتزوج يقولون حرمتك سعودية 100% ولاجا ليلة الدخلة وفتحنا الطرحة تطلع made in China:D:D:D |
اقتباس:
خخخخخخخخخخخخخخخخخ اما زوجتك تطلع صينيه هذي مستحيل لأنهم مابعد قرروا تفعيل منظمة الزواج العالميه على وزن منظمة التجاره العالميه |
معلب في السعودية هذا فخر صناعتنا:) |
الحكمة ظالة المؤمن يأخذها أنّا وجدها
|
المكينة تشيكية والمحتوى يأتي من الهند والعلبة من الصين والعامل اللي يعبي من بنغلاديش ومشرف الخط من سوريا والمحاسب من السودان والموزع مصري ومدير المصنع من لبنان والمالك ..........؟؟؟
ثم يكتبوا صناعة سعودية!!!................. فشّر!! |
وين المصداقية يضحكون علينا ويستغلون طيبة الشعب حسبنا الله عليهم
اجل حليب السعودية؟؟؟!!!!!! |
| الساعة الآن 08:36 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by