واخيرا سيسمح للمراءة بقيادة السيارات بالسعوديه
السعودية تعتزم رفع الحظر على قيادة النساء للسيارات GMT 6:15:00 2008 الإثنين 21 يناير
بي. بي. سي. لندن: نشرت صحيفة الديلي تليجراف البريطانية تقريرا قالت فيه إن السلطات السعودية تعتزم رفع الحظر المفروض على قيادة النساء للسيارات. وقالت الصحيفة إن المسؤولين السعوديين أكدوا هذه الخطوة التي سيصدر مرسوم بها. وأشارت الديلي تليجراف إلى أن هذه الخطوة تهدف إلى احتواء الحملات المطالبة بالمزيد من الحرية للمرأة، والتي شملت مؤخرا قيام نساء بقيادة السيارات في تحد للتهديدات باعتقالهن. وكانت الأسرة المالكة السعودية قد أحجمت سابقا عن تأييد هذه الخطوة بزعم أنها لا تحظى بتأييد كامل من الشعب السعودي. ويرجع تاريخ هذا الحظر إلى ثلاثينيات القرن الماضي عندما تأسست المملكة العربية السعودية. ونسبت صحيفة الديلي تليجراف إلى مسؤول سعودي القول "هناك قرار بالتحرك بهذا الشأن لأنه طالما ان البنات التحقن بالمدارس منذ ستينيات القرن الماضي فهذا يعني أنهن قادرات على قيادة السيارات عندما يكبرن". ونقلت الصحيفة عن المسؤول القول إن قرارا بهذا الشأن سيصدر في المستقبل القريب. ونقلت الديلي تليجراف عن عضو إصلاحي في مجلس الشورى السعودي القول إن إلغاء الحظر يمثل جانيا من الاستراتيجية "الذكية" للعاهل السعودي الملك عبد الله بن عبد العزيز في الاصلاح. وكانت نساء سعوديات قد صعدن حملتهن بهذا الشأن حيث قادت فوزية العوني، ابرز ناشطة نسائية سعودية، قافلة من السيارات يقدنها نساء معرضات أنفسهن للاعتقال. ونسبت الصحيفة إلى العوني القول "كسرنا حاجز الخوف ونريد من السلطات أن تعرف أننا هنا، وأننا نريد قيادة السيارات والكثيرون يؤدوننا في ذلك". الكسبان اهل وكالات السيارات نهني المراءة بذلك |
والله ان يبطوووووون
مهب كفايه علينا الزحمه مهب كفايه اقساط الواحد الحين بدال ما يشيل هم انه يشتري سياره لولده الحين المره تبي سياره والبنت بعد ما باقي الا الخدامه الفايده من قيادة المرأه انعدام البطاله يعني الشاب السعودي يشتغل اي شي تلقاه في محطه يعبي بنزين وتلقاه في مغسلت سيارات وتلقاه سمكري ولا كهربائي ولا بنشري بس المشكله في نقاط التفتيش هل بيوظفون الجنس الناعم في الشرطه والمرور او بخلون عساكرنا على ما هم عليه والله بستانسون العسكر وبيكشخون |
لاحول ولاقوة الابالله
|
بالله احنا قادرين نسوق من زحمه
الشوارع في كل ارض عشان يجون هالحريم ويسوقن هذي افضل سياره تناسبهم http://www.rawasco.com/images/products71.jpg |
هناك نقطة أخرى غفل عنها الناس..
قيادة المرأة للسيارة ستساعد على تقليل عدد النساء في البلد .. نتيجة الحوادث .. مثلهم مثل الشباب. طلب خاااااص من الجميع... إذا نزل قرار السماح بلغوني بالموعد عشان أقدم إجازة شهر أقعد في البيت لحد ما تخف الفرحة بالقرار و الزحمة في الشوارع. |
اقتباس:
|
اقتباس:
تمنينا يافوزية منك ان توصلي للسلطات مطالب وحقوق المطلقات والارامل واليتامى http://www.rawasco.com/images/products71.jpg ابو أياد ما يحتاج تضيف الصورة المرأة من واجبات الاهتمام ببيتها واجوا أن لايكون القصد منها استهانة بالمرأة |
من فوائد قيادة المرأه للسياره :- اقبال الشباب على العمل في محطات البنزين والبناشر. 2-زيادة أرباح الورش 50% بسبب كثرة الحوادث 3-منافسة الضباط للجنود في العمل الميداني 4-ارتفاع نسبة الشهامة لدى الشباب 5-عدم بقاء الشباب داخل المنازل سياقة المرأة للسيارة يحجم بل يمنع مشكلة تهور الشباب وقطع الاشارات المرورية فسيحرص الشباب كل الحرص على ان لا تفوته اشارة حمراء لعل الله ان يرزقه(( ببنت الحلال )) . 3/ سعـــــودة محلات البنـــــشر بنسبة 1000%100 لان الشباب كل واحـــد بيفتح له بنشر وبينتظر تبنشر سيارة وحده من البنات عشان يصلحها وهذا غير الشباب اللي بتلقاهم على الخطوط منتشرين تقل جراد كل واحد بعفريتته ومفك الكفرات . 4./ بيكثر التقديم على وظايف المرور وخاصة ابو سبيته اللي يجلس عند الاشارات يعني زين اذا مالقيت المرور يشترطون شهادة الطب للى يبون وظايف عندهم من كثر الطلبات عليهم . 5/ سعودة محطات البنزين يعني بدل الهنود بتلقون اللي يشتغلون فيها كلهم سعوديين بس في المقابل افلقوني لو اصحاب المحطات بيكسبون ريال واحد يعني تجي البنت تقول لاابو الشباب صب بنزين بعشره ريال طبعا ابو الشباب بيحط لى البنزين في التانكي وبيفتح فمه ويناظر بالبنت ماايدري الا هو معبي تانكي السياره لللاخر يعني FULL طبعا يوم بيجي يحاسبها بتعطيه عشره ريال مثل ماقالت له عب وياليته ياخذ لعشره ريال بعد الا يطمر ويحلف عليها ماتدفع ريال ويقول هالمره خليها علينا . 6/ توفير فواتير التلفونات يعني ام صويلح اللي كانت تتصل على ام دحيم وتجلس تكلمها بالساعات بيصير التلفون مال امه داعي يعني ام صويلح بتمر ام دحيم والا بتقابلهافي شارع وكلن بسيارتها وهاتك سواليف وهروج وهذا طبعا له عيوب يعني طبعا وهم يتكلمون بالخط بيقفلونه وبتصير زحمه ماهيب طبيعيه بس افلقني لو احد فتح فمه وقال لهم حركو السيارات زين ان ماباشرو عليهم ببارد والا بعشاء وهن بسياراتهنوبيقولون لهم خذوووو راحتكم على الاخر اصلا حنا ماورانا شي وين الابطال اللي الواحد ثواني يوقف سيارته مايدري الا مليون واحد يقوله حرررك من هنا والا والله لادبغك يا ......... ! 7/ وعلى فكرة فائدة قيادة السيارة لا تقتصر على المراة ( الانسة) بل حتى (المدام) المتزوجة ومن ذلك انه اذا حصلت خصومة بين الرجل وزوجته واحتد الامر وعلت الاصوات وامتدت الايادي(وصفقها وصفقته) واحمرت الاعين وتطاير الشرر منها وارغى وازبد كل منهما... عندها ستقول الزوجة لزوجها ( ودني لهلي) وسيقول الزوج( ماني مودي) وستستمر المشكلة ولكن لو كان للزوجة سيارة فستخرج رغما عن زوجها وستقول له ( اروح ورجلك فوق رقبتك) . 8/ كذالك من فوائد سياقة الزوجة هو انها تساعد في احضار الاولاد من المدرسة وكذالك يمكن للمرأة ( الزوجة) ان تسهم كما اسلفت في مصروف البيت وبذالك بان تمارس مهنة( الشيّاب ) اي تحميل الركاب .. وهنا اوصي المرأة بإقتناء الهايلكس الغمارتين وإذا لزم الامر (( دينا)) لتحميل الطوب ونفل العفش والرملى والخرسانة . منقول |
اللحين رجال الامن من شرطة ومرور مو قادرين يلحقون على الزحمه والفوضى اللي صايره فمابالك اذا قادة
النساء السيارة يعني راح تكلف الدولة الشي الكثير باقي بدري على قيادة النساء. يعني كله كلام جرائد شكرا على النقل |
ان شاء الله لن يطبق
وما ادري ليه الموضوع هذا يثار بين فترة وأخرى.... سبق ورفض من مجلس الشورى بناء على فتوى هيئة كبار العلماء فما الجديد في الموضوع |
| الساعة الآن 08:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by