أين أجد الخبز الجيد؟؟
لا حظت في الآونة الأخيرة ان الخبز الذي نحضره من المخبز القريب من منزلنا يصبح بعد يوم لونه وطعمه غريب وشكله كأن له أسبوع ... وقد ذكرت لي إحدى الأخوات ان المخبز الفرنسي بالروضة يبيع خبز رائع لا تشبع منه....فهل ممكن أحد يفيدنا بمخابز أخرى جيدة ؟؟
|
لو انتي في جدة
خبز سوبرماركت الصواري لا يعلى عليه |
ان كنت في الرياض
اي نوع خبز تقصدين عندك سنابل السلام في حي السلام وله فروع معروفه خبز لبناني طبعا الخبز الصغير افضل وصامولي عنده ممتاز وخاصة للي يحب يكون مقرمش سنابل الريان مقابل مستشفي اليمامة خبز لبناني وعندهم مناقيش زعتر رائعه لكن للاسف تخلص على طول مخابز القادسية في الربوة خبز اللبناني وصامولي بالحليب خبز الفرنسي الدانوب وبندة خبز فلبيني يكون الصغير في بندة بس زادو سعره كان بريال صار ريالين وقللوا الكمية خبز الكودو برضوا بندة |
شكراً على الرد ..وأنا من جدة
|
استغربت أول شيء لما قلتي المخبز الفرنسي بالروضة وأنا حافظ الروضة عشتها أيام الصبا ما أخبر فيه مخبز بهالاسم ولما رديتي على انك بجدة زال العجب ..
أتفق مع الاخ اللي ذكر مخبز سنابل الريان ... ولهم فرع بشارع عبدالرحمن الناصر بالخليج وعنده صامولي نخالة ماحصلش واذا اشتريت 5 يعطيك وحدة ببلاش .. أما فرعه اللي بمخرج 11 بالروضة جمب ثربة فهو خاص بالحلويات فقط أسواق السدحان كان خبزهم حيد الان خرب والسبب كما يقول لي محاسبهم انه تغيروا من لبنانيين الى هنود.. مخابز القادسية زي ماذكر الاخ اللي قبلي في مخرج 14 جيد بس شويه وسخ !! عندي كان عادة أيام الوسوسة كنت اذا جيت اشتري خبز استاذن المحاسب اشوف وش اللي داخل والله اشوف الدواهي بس وش نسوي ... .. ولأني من عشاق الخبز والشاي في أي مكان انزل فيه.. ففي لندن محل مخبوزات اسمه paul عمري ماذقت خبز مثله بحياتي يقول باللوحة انه من عام 1889م !! اذا زادت البزنس ان شاء الله فتحت له فرع هنا :) |
من جد ماقد حصلت خبز لباني بالرياض كويس !!
قبل اسبوعين كنت بجده عندهم خبز لبناني خيااااااااااااال ! طعم وشكل وكبر ! أكثرمخابز الرياض الاتوماتكيه خبزهم لونه ناشف وبدون طعم !! ياليتي تذكرون لنا مخبز في شرق الرياض خبزه ممتاز علشان نجيب حق اسبوع .. |
فين في جده؟؟
|
طريق المدينة النازل من عند كورنر العربية للعود - شارع اسمه قاسم زينة " شارع رايح جاي" !! يمين طريق المدينة بحيث تصير العربية للعود على يسارك وعلى طول جهة الغرب تلاقيه في الجانب المقابل من الشارع محل صغير نوعاً وبجانبه محل حلويات موليه ...
في نفس الشارع يمين فيه بنده وفيه قاعة أفراح ... إن شاء الله أكون عرفت أوصف... إن شاء الله ما يتغير زي باقي المخابز اللي للأسف فيها لون الخبز غامق وناشف ويتكسر من ثاني يوم. |
خبز الراية والصامولي اللي فيها طيب جربيه في جدة
|
صراحة المخبز الفرنسي اللي تقول عليه نورة ممتاز
|
| الساعة الآن 04:35 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by