مساحة السعودية = مساحة اليابان !!!؟ والا انا غلطان؟!
سلام عليكم
سؤال .. اليابان مساكين .. ما عندهم مساحات .. خلاص خلصت اراضيهم ... و هذا سبب وجيه "بقوة" لارتفاع اسعار الارض والاجارات طيب ... السعودية ... اللي الله اعطاها مساحات مد البصر ... ليه ترتفع فيها اسعار الاراضي و الايجارات عشان كذا ... انا استنتجت " عقل مواطن بسيط" ان مساحة السعوديه .. تساوي مساحة اليابان ... قبل سنة .. في رمضان ... لقيت "فيلا" صغيرة بـ 730 الف ريال .. ولسه ما خلصت .. باقيلها شويه شغل ..مساحتها حول 380 متر مربع ... الاسبوع اللي طاف ... مريت ولقيتها زي ما هي ... لسه ما خلصت .. و طالب فيها الرجال مليون و خمسين الف ... يعني زيادة 320 الف ..خلال سنة !! طيب نسأل الرجال ليه؟ يقول ... الارض سعرها ارتفع !؟ طيب .. ما علينا منه .. الاخ الثاني صاحب مجموعة دوبلكسات ... كان في مرحلة تمهيد لصبغ البوية ... يعني الدوبلكس خالص ... بس صبغ ... و تركيب لمبات ... رفع السعر في اسبوع واحد 100 الف ريال ... اسأله ليش .. يقولي : سعر الحديد ارتفع !؟؟؟ ما رديت عليه .. وش اقول له .. اقوله يا "حمار" وش دخل سعر الحديد في "الصبغ" ما حبيت مشاكل ... امرنا وحيلتنا لله !!! |
صادق والله اخوي
اصلا اذا قل العرض وزاد الطلب وغاب الرقيب والحسيب اعتقد انها ارض خصبة للطماعين والنصابين الله يعينك وشكرا على الموضوع |
اقتباس:
والله جبتها بيت تقل قوطي صلصه 200 متر يعني لاحوش ولاغرف فوق المليون |
ااااااخ بس منهم لله :mad::( |
تلقاه ادلخ ضاحكين عليه العمال والمقاول ويبى يضحك على الناس..
قوله روح دور لمسجدك مؤذن يا عنز!!! يسلمووووووو |
هي بصراحة ... جملة واحدة
من امن العقوبة ... ساء الأدب سواء عقوبة الدنيا او الاخره ! |
يمكن بوية حديد؟؟
فعلا .. من أمن العقوبة. |
هاها
شر البليه ما يضحك
امس رحت معرض الظهران الدولي ... فيه معرض للعقارات والاسكان تخيلوا يا سكان الشرقية .. وبالاخص الدمام ... انه شقة مساحتها 176 متر مربع ... بــ 470 الف ريال!!! يعني لو شريت ارض في الظهران (سعر المتر 1000 ريال) مساحتها 250 متر مربع تكلفك 250 الف ... وتبنيها دور واحد بس ... على قدك ... يكلفك 150 الف ... تطلع بـبيت صغير بحوش في الظهران ... احسن مناطق الشرقية ... ما يكلفك 400 او 500 الف ... مو احسن من شقة في الدمام !؟ انا عارف ان فيه واحد بيقول مافيه ارض 250 متر مربع في الظهران .. بقوله لا فيه ... تشتري انت وواحد ارض 500 متر مربع وتقسمها !! شي يقهر !! |
الله يعن الي بيشتري لا ويا ليت البناية ذاك الزود
ما تجلس سنه الا والمواصير تسرب 3-4 سنين ولا البوية تتقشر طبعا على ما قال اخونا ابو هشام لان البوية من حديد!!!!!! حسبي الله عليهم’’’,,, يعطيك العافية داكوتا’’’’’,,,..... |
الشكوى لله
ربنا على هالظلمة الله ينتقم منهم الدعوى صارت فالته وكل مين ايدو الو |
| الساعة الآن 08:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by