stc اهااا علينا هالحركات !!!
كانا ياما كان كان ياماكان في قديم الزمان مواطن بسيط اسمه لاتدف كادح يحط القرش على القرش عشان تصير قرش في حسبة حراميتنا لايمكن تصير قرشين للمواطن.. قرش ويحمد ربه ريحة ابوعلي ولا عدمه عندنا شركة سعودية 100% حاطه دوبيها ودوب المواطنيين رغم انهم ماقصروا معها من فتره جتني فاتوره باسمي ورقم ما اعرفه بمبلغ تجاوز السبعمية ريال وشغلت الواسطه وألغوها من باب الخطأ فحجرهم رجع لهم امس تفاجأت بفاتورة جتني على رقم ملغيه من سنة تقريبا وتم صرفه لمواطن آخر بعد الغائي له بأسبوعين شوفوا البلاهه وعانى المواطن من كثر الاتصالات اللي تجيه على انها لي المهم الفاتوره كانت صدمه اترك لكم التعليق http://im25.gulfup.com/2012-05-01/1335838944531.jpg |
حقهم ياخذوه بالهللة و لايسيبوه لو إيش يصير.
و إنت يالمواطن (البقرة الحلوب) لو حصل و حطوا على ظهرك كم ألف بالغلط فما في أي مشكلة .. سددها اول وبعدين أعترض و إن طلع الغلط منهم تأكد إن حقك حيوصلك على داير مليم في مدة قصيرة لا تتجاوز كم سنة. |
اقتباس:
حنا قرش على قرش يغدي هللة :( عسى بعد الرئيس الجديد يتعدل وضع الشركة وتخفف علينا شوي من السرقات والتلاعبات والاخطاء ... وش بتسوي يا ابا حصيصة ؟ بتقدم شكوى او تدور على واسطة |
هذا مبلغ متبقي عليك من حساب آخر فاتورة عليك ....
لما ألغيت خط هاتف جاتني الفاتورة بالسالب ( أي أنني أطلب STC فلوس :D ) أعتقد أني أول مواطن يطلب STC فلوس و بكل راحة ذهبت لفرع STC لطلب المبلغ فرد على الموظف إتصل على 907 ليحول المبلغ لأحد أرقامك الثانية ( يعني بالعربي فلوس ما فيه يا مواطن تبغى حلول المبلغ لرصيد ) و جلست مع 907 قرابة الشهرين لأتأكد من تحويل المبلغ مع الفاتورة الجديدة ولم يحول المبلغ :mad: . المهم مراجعه من مكتب خدمة عملاء الى 907 لمدة سته أشهر !!! حتى إنني في أحد المرات قال لي موظف خدمة العملاء كلها مبلغ بسيط لا تحرق أعصابك عليها فرديت عليه لو لي هلله بطلعها منكم مثل ما تطلعوها مني و آخر إتصال كلمت المشرف و هددته إذا لم يحول المبلغ سألغي جميع أرقامي الجوال و الهاتف و الإنترنت و لا أبغى أي خدمة منكم و أبغى فلوسي كاش قال ما نقدر نعطيك كاش دور واحد إتفق معه و حولة المبلغ المتبقي لك لحسابه !!!!! شي محير ..... و الدرس المستفاد من STC STC حياة أصعب |
اقتباس:
كلنا عيال قريه وكلن يعرف اخيه عشان كذا عارفين ان اغلب السعوديين مهب حقين طلايب وخاصه زي هالمبلغ ولكن ثلاثه ريال على اربعه على اثنين على سبعه تطلع ملايين |
اقتباس:
حبيبي سعودي صارلي سنه او اكثر ملغي الرقم وراح ملاكه لواحد ثاني من ثاني اسبوع من الغائي للرقم ولاقد جتني فواتير من يومها الا هاذي جتني امس يابن الحلال هاذي عباره عن احجار ترميها الاتصالات في المياه الراكده من باب ان لقحت ولا ماضرها الجمل انا اقول ياالاتصالات استحوا على دمكم وشوية المدمغين اللي عندكم كمخططين ارباح والله لن ينفعوكم ابدا حافظوا على العلاقه مع المواطن ولاتصيرون مثل كفارة العشير |
تكفي لا تتنازل
كل ماصرت فاضي سو قضيه بشكل رسمي |
اقتباس:
وش اهب ؟؟ تعوذي من ابليس لا اصير سردين:D خلي اتفرغ لهم لكن وش ذنب صاحب التفلون يقطعونه لازم الغيها ولا رح يلغون الارقام اللي باسمي ماهو الحرامي مستعد يسرق هدب العيون |
السلام عليكم
تخبرون سالفة الفواتير قبل سنتين يوم غيرو النظام وتدبلت الفواتير أضعاف مضاعفة عندي جوالين وتلفونين ثابت STC مريت أحد مراكزهم وفصلت الفواتير عن بعض علشان لو قطعوا واحد ما تنقطع البقية وسحبت عليهم بالجوالين واحد طلعوا عليه 1600 والثاني 600 وطلعت جوالين من زين شريحة شهر علي وشهر عليهم وتذوقت طعم الراحه والصدق بالفواتير كانت فاتورة جوال الاتصالات الشهريه حوالي 400 ريال أما زين وفي أشهر العيدين لا تزيد عن 200 ريال والشهر الي بعده تكلم بي 200 بلاش طبعاً فصلوا الجوالين حقين STC وما فصلوا الهواتف الثابته نصيحة للجميع قاطع الاتصالات وموبايلي لأنه ماشيه معهم على نفس النظام وطلعوا بداله شريحة زين شهر عليك وشهر عليهم وبشوفون التوفير وراحة البال مع العلم إن أكبر المساهمين فيها رافضي لكن الشكوى لله تظل هي الأصدق من تجربتي والله أعلم |
ارباح شركة الإتصالات
صحيفة الإقتصادية
الثلاثاء 15 ربيع الأول 1433 هـ. الموافق 07 فبراير 2012 العدد 6693 هذا جزء من مقابلة مع المهندس سعود الدويش رئيس شركة الأتصالات السعودية نص المقابلة على الرابط http://www.aleqt.com/2012/02/07/article_624064.html واعتبر رئيس مجموعة الاتصالات السعودية تلك النجاحات عاملا انعكست نتائجه على الملاءة المالية للمجموعة وحققنا بذلك نموا في الإيرادات من 34 مليار ريال في عام 2006م إلى أكثر من 56 مليار ريال بنهاية عام 2011م, إلى جانب أن الربحية ارتفعت من 16 مليارا إلى 20 مليار ريال بنهاية العام الماضي, مبيناً أن كل تلك الإنجازات ساعدت الشركة على تبوؤ مكانة مرموقة على الخريطة العالمية وجعلتها تحتل الموقع 14 كأكبر مشغل على المستوى العالمي، وتطمح لتكون في مصاف أكبر عشرة مشغلين في العالم. |
| الساعة الآن 10:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by