هل نحتاج حقيقة إلى المطاعم----(حل Xحل)---
بسم الله الرحمن الرحيم حياكم الله أولاً أشكر من قام ببناء هذا المنتدى الهااااااااااااااااااااااااااااام والقوي أسأل الله أن يجعله في ميزان حسناته ثانياً أنا يوم شفت المواضيع كثيرة عن المطاعم، كلها تقريباً عن المطاعم إما لارتفاع سعرها أو لقلة جودتها أو لعدم النظافة التي جُعلت عنوان على بعض المطاعم فخطرت على بالي فكرة قلت دائماً حنا نقنع أنفسنا بترك هذه المطاعم طيب والبديل ؟؟؟؟؟؟؟؟؟؟؟ بتقولون أكل البيت طيب نقول أكل البيت توه يجي والا من زمان موجود نقول من زمان وهو موجود طيب ليش إذاً لجأنا للمطاعم هل هناك نقص في بيوتنا لكي نلجأ للمطاعم؟ ما أتوقع.. طيب وش السبب إذاً؟ أنا أتوقع أهم سبب هو أنه هناك أكلات موجودة في المطاعم لا توجد في البيوت مثل الشاورما (أكبر مثال) الغالبية ما قد سواها في بيته كذالك البرجر وما أدراك ما البرجر هذا قليل ما يسونه الناس في بيوتهم مع أنه متوفر في الأسواق وجاهز بس يحتاج قلي أو شوي وخذ غيره من الأكلات الي بعض البيوت ما قد سوتها أبداً مثل البروستد و بعض المشويات الغريبة وأصناف السندويشات المنتشرة في المطاعم وإلخ ... طيب إذاً هذا السبب من أهم الأسباب شلون نحل الوضع؟ أنا الفكرة الي جت في رأسي أن الإخوة في منتديات مقاطعة حفظهم الله ووفقهم في منتداهم يفتحون قسم خاص بأكلات المطاعم ما أقول كل واحد يصف لي أسماء الأكلات فيها لا.. أنا أبغى نتعاون وكل واحد يعرف مقادير ومكونات أكلة معينة وطريقتها ينزلها في القسم هذا خاصة الأكلات الغالية في المطاعم وبكذا بنكون سوينا نفس الأكلات الي في المطاعم لكن في بيوتنا هذا الاقتراح طرى على بالي وقلت ما أبخل عليكم به فأنتم تقدمون لي خدمة لا يستهان بها في هذا المنتدى وأظن الأعضاء يستفيدون وااااجد من هذا المنتدى كما هي حالي أنا إذا ملخص الفكرة منتدى فرعي يهتم بطرق صنع الأكلات المنتشرة في المطاعم (وخاصة الغاااااااااااالية) وإن شاء الله ما يقصرون الأعضاء وجزاكم الله خير ------------------------------- لفته أخيرة: الحمد لله أننا نجادل ونناقش أمر مطاعم وهي عند أغلبنا ليست من الضروريات وغيرنا يطالب بالماء والخبز اليابس عشان يسد جوعة ويبعد الهلاك عن أطفاله فالــــــــــــحــــــــــــمـــــــــــــد لـــــــــــلـــــــــــه |
اخي الكريم لا اعتقد ان سبب الاكل في المطاعم هو أنه هناك أكلات موجودة في المطاعم لا توجد في البيوت ..
طيب خذ عندك الكبسة موجوده في كل بيت ومع ذلك شف الزحمة عند مطاعم الكبسة بجميع انواعها .. انا من الاشخاص المدمنين لأكل المطاعم سابقاً ومع ذلك قاطعتها والآن كل اكلي في البيت .. المسألة تعود لاقتناع الشخص نفسه .. |
والله يا أكل البيت انه افضل من اكل ارقى
واحلى مطعم ,,,,,, والنظافة تكفي عن حلاوة الطعم ,,,, |
أهم شيء تعاون صاحبات الشأن في إنجاح هذا الأمر. :)
|
العزابيـــــــــــــــــــــــــــــــــــــة وش يسوون
|
ههههههههههههههههههههه
أولاً عفواً على الانقطاعه والعزابية يتعودون على الطبخ طيب يا أخوان أليس الطعم له دور في جلب الناس من بيوتهم بعض حريمنا الله المستعان طبخ الله بالخير |
في أحيان كثيرة أكل المطاعم لاطعم ولا فائدة.
كل المسألة فشخرة إن كان المطعم غالي (عشان يقولوا للناس تعشينا في المطعم الفلاني). أو تكاسل (محد له نفس يدخل المطبخ و يتعب شوية). تحياتي. |
السلام عليكم
مع احترامي لكلا باسمه الافضل مقاطعة الحريم الي ما يطبخون في بيوتهم تقوم الظهر شوشتها كبرها وتتصل جوال خذ معاك غدا وهو يقول حاظر ياحبيبتي وتتصل بعدها خذ معاك سفرة وصحون بلاستك يقول حاضر وتتصل قبل يوصل جيب بيبسي العائلة يمكن يقول البعض اني متحامل ولكن الحقيقة دائما نغطيها بالسذاجه كيف تبي حالنا يصلح واقسم بالله انه لا يصح الا الصحيح |
أكل المطاعم للتغير فقط
|
إلا و إنتي الصادقة ..
صاير أكل البيت إللي للتغيير. |
| الساعة الآن 09:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by