ما تلاحظون فواتير موبايلي تدبلت اربع مرات ! اصبحت لا تطاق
 

اولا كنت معجب بموبايلي
وبفواتيرهم :p

كانت تجيني الفاتورة شهريا ما تزيد عن 100-120 ريال

صحيح انهم غايثيني بالفاتورة شهريا وما يمديني اسدد الا وهم طالعين بفاتورة ثانية لكن الجيب وما يريد

يعني 100-120 ريال شهريا ارحم من فواتير الاتصالات السعودية اللي كل شهرين ب 700-800 ريال أول !!

يعني صراحة يبغالك ميزانية كل شهرين علشان فواتير الاتصالات السعودية

لكن

لاحظت من تالي ارتفاع قيمة الفاتورة خلال الستة اشهر بشكل لا يطاق، اصبحت الفاتورة الشهرية لموبايلي توصل 500 ريال !!

تخيلوا

هذا غير الازعاج اللي يجيك من كثر الرسائل ... شارك في مسابقة !! كأنهم ناقصين فلوس

كله كوم وتجاوز الحد الائتماني كوم !! واذا قررربت من الحد الائتماني وقفوا الجوال على طول بدون ما يشاورونك !!

وعلشان ترجعه يبغالك تمسك خط وتتفاهم مع موظف موبايلي اللي ما يطلع الا في المناسبات

للاسف علشان تكلم موظف موبايلي يبغالك تنتظر اقل شي 10 دقايق يعني بالعربي تفضي نفسك يوم علشاان تكلم طويل العمر

والشي اللي مزعجني زيادة ان الفاتورة شهرية ... صراحة قمة القرف !!

لذلك استخرت وشكلي ابرجع لشركة الاتصالات السعودية

نار الاتصالات ولا نار موبايلي

اقلها

ان الفاتورة كل شهرين

واذا اتصلت ردوا على طول

بصراحة كلامك صحيح ...... موبايلي تغيرت مرررررررررررة

عندنا في الحي ندفع فلوس ع الخدمة و ما عندنا ابراج !!

قبل 4 سنوات الشبكة تمام والان رديئة ما نقدر حتى نكلم احد !!!

لاء و لنا سنة مشتكين و هم جالسين يدرسوا يحطوا برج في الحي !!

امس صارت لي مأساة !!

كان يوم عصيب فعلا

رحت لموبايلي علشان اصفي الفاتورة ... المهم دفعت الفاتورة

ورحت الى STC وأخذت رقم

طبعا السرا طويل

وانا في صالة الانتظار قلت خلني اتأكد من الفاتورة هم سدووها والمبالغ الغير مفوترة صفروها والا لا

المهم دقيت على رقم موبايلي الماني 0560101100

طبعا يقطع في وجهك النظام اكثر من مرة ... طبعا عادي لأنك في الاول والاخير مواطن حقير

تقول الحين نشحد منهم

المهم مسك الخير ووصلني الى مرحلة المليون قصدي مرحلة الاستعلام عن الفاتورة

الا واتفاجأ بمبلغ غير مفوتر لم يتم سداده

قلت في نفسي ما دام السرا طويل ليش ماتروح لموبايلي وتسدد المبلغ وترجع

رحت لموبايلي وقلت للموظف يا اخوي استهبال هو .. والا النظام عندكم يبيض فواتير

قال معليش النظام توه يتحدث

قلت له الى متى انتظر ؟ افرض جاني نظامكم بعد سنة وطلع لي فاتورة جديدة

قال لي خلاص هذي اخر مرة ... تقول بزر وبيتوب

المهم سددت الفاتورة ورجعت منتصرا الى STC

طلبت تحويل الخط

وفي الصباح الباكر صبحوني موبايلي بفاتورة جديدة

المهم اتشت واتصلت على موبايلي وبعد ما قطع النظام في وجهي اكثر من مرة لدرجة اني وانا اكلم الموظف قطع مرتين

المهم لعنت سلسفيلهم وقالوا راح يلغون الفاتورة

باي باي موبايلي

كانت ايام حلوة لكن ختامها تبن ونعال

حماية ضعيفة للمستهلك = تلاعب كبيرمن الشركات

المفاجأة الكبرى

عندما شيكت على المبالغ الغير مفوترة حصلت المبلغ 43 ريال وعدد الدقائق الصادرة اقل من 20 دقيقة

يعني الدقيقة بأكثر من ريالين

لاحظوا ان الفاتورة الجديدة ستصدر في ايول يوم في الشهر يعني مبلغ 43 ريال لا يشمل رسوم

وين اللي يقولون الدقيقة ب 25 و 30 هللة

انا عندي نفس الملاحظه بعد .. كل شهر تزيد شوي ...

قسما بالله صادق انا بعد مثلك ماني ملحق سداد مايمدي كل يومين ياجماعه والله يومين مو اكثر مسدد 250 او 300 والله اني مااكلم
قبل يازينهم

اقول هج عن الفواتير خلك سوا لا ينقطع واذا معك كلم