أبي فزعتكم .. تفصيل مطبخ
 

يـا جـماعة أبي أفضل شركة أو محل يفصل مطابخ في الرياض .. كل يمدح شغلة

والكل يقول شغلي عليه ضمان 10 سنوات و 5 سنوات !! أنا اللي يهمني الجــوده

رحت إلى ( إيكيا ) وطلبوا سعر فوق الخيال ولا يتشرطون عليك وصل كهرب وكسر

البلاط ع لشان يجون ويركبون واللي يركبون المطبخ شركة ثانية وووو شغله وحوسه..

المـهـم الـلـه لا يهـيـنـكـم ...

دلوني على أفضل محل أو شركة يفصلون مطبخ ... ويفكني من النصابين

هلا والله نفود السر ..

1- ....فيه عرض لشهر رمضان المبارك .....
عند معرض "فنون سيدتي" مقابل البنك البريطاني اللي بشارع التخصصي قبل شركة الكهرب .... ب 7777 ريال ...

يعطونك 6 متر فوق

و4.20 متر تحت

مع:

ثلاجة كوين اعتقد انها 21 قدم
وفرن
ومجلى
وشفاط
وزاوية

2- ....سعود لمطابخ الألمنيوم

في حراج بن قاسم - سوق المحمل محل رقم 134

المسئول مأمون (سوداني) جوال 0565871925

فيه ناس مجربينه لابأس به ... يبدأ المتر من 550 ريال الى ..... حسب طلبك فهل تبي رخام طبيعي او صناعي للمجلى ... وشفاط .. وسلة والا ....

ناس فصلو عنده ويقولوا لا بأس به ...

واحد فصل عندهم 12 متر مجلى رخام صناعي وشفاط وسله ...طلع عليه حوالي9500 ريال

كما ان عنده جاهز ......

اتصل به ...وبالتوفيق .....

المطابخ يا اخوي متنوعه
شي الامنيوم كامل ..وشي خشب كامل ..وشي الامنيوم والابواب خشب ..
و المودرين اللي يلمع (صاج )
مر على صناعية المطابخ اللي بـ شارع الامير سلمان وشف المحلات اللي فيه
واحرص على المفصالات تكون 180 درجه .. و اسئل عن الفورمايكا كم ملم

مشكورين وماقصرتوا ...

أنا طلعت لشارع الأمير سلمان وكل واحد يقول أنا أحسن وراح أفعل وحط الموديل اللي حابه ..

بس حسيت انه فيه كثير منهم يتعلم !!! ليه كل واحد أتفق معه أقوله بشرط أدخل ورشتكم وشوف

الشغل ..!!! يقعد يتممممتم علي !!

أما إقتراح عميدة المنتدى المفصلات تكون 180 درجة معلومة تنحط في الجيب ..

اكثرهم ...... ما عندهم ورش يفصلون عند الغير

روح لمخرج 17 على الدائري هناك ورشات رخيصه وجودتها ممتازه