قصتي مع البسامي للنقليات ((سرقة+سرقة)
مرحبا اخواني حبيت انقل لكم ما حصل لي بالامس مع شركة البسامي للنقليات بالرياض بتاريخ 08-08-2011 حيث نقل سيارتي ولاول مرة من منطقة ما.... الى الرياض بمبلغ 300 ريال!! وقالوا لي الوصول بعد 4 ايام الا انها وصلت لي بعد يومين فقط وارسلوا رسالة لي بوصولها..... وعندما اتتيت لاستلامهتا تفاجاءت بسرقة جهاز من داخل سيارتي بقمية تتجاوز 1300 ريال!!! الجهاز عبارة عن كاشف سرعة من نوووع طيب!!!!!! فرفضت استلامها وتوجهت الى مدير الفرع بطريق خريص!!!!! فقال لي بالحرف الواحد: لسنا مسوولين عن اي غرض داخل السيارة او خارجة!!!!!!! حتى السيارة نفسها ممكن نضمنها او لا!!!!!!! لكن سجل شكواك بورقة راح نكلمك!!!!!! سجلت شكواي -وشكواي على الله- وسلمتها لمدير الفرع الذي قد استلمها وهو يضحك عندما قراها....... خلاصة الكلام: 1- شركة البسامي للنقليات من الشركات اللتي انصح بمقاطعتها قدر المستتطااااع 2- لا يوجد اي امان على اي غرض لك بسيارتك دامك مع البسامي!!!! 3- لا يوجد نظام في المملكة العربية السعودية لمصلحة المواطن!!!!! 4-انصح كل شخص بالابتعاد عن اي شركة لا تحترم العميل ومنها البسامي والمراعي والقائمة تطووول..... يسمح بنقل الموضوع لاي منتدى لنصح الجمييع وتحذيرهم من هذة الشركة النصابة والحرامية!!!!!! |
حياك الله يا دكتور
شي جيد وصلت لك السيارة ,, ما انسرقت هي باكملها ؟!! هاكم السيرة النيرة لنقليات البسامي !!!!؟ هنا https://www.mqataa.co/vb/search.php?searchid=3036348 الله يعينك وعلمنا وش يصير عليك |
دكتورنا الفاضل الاخوة الاعضاء
ما اخذ بالقوة لا يسترد الا بالقوة والشاطر يفهم |
طيب هل في بديل .. !!
هنآ المشكلة .. :( |
البديل كثير
سعيد البسامي الفايز الرسام وغيره كثير ,,,, |
اخي الكريم تحملني
انت غلطان المفروض ماتترك شئ خاص بك تعرف انظمتنا ضعيفه اما لا سمح الله صار بالسياره ادخل بعيونهم النصابين |
صراحة كان البسامي في السابق خدمات وامانه والتزام بالعقود
اما الان فقد تغيرت الامور للسوء للاسف والله المستعان |
السلام عليكم ..
من زمان متابعكم .. بس موضوعك خلاني اسجل .. واكتب وش سار معي مع البسامي حسبي الله عليكم ونعم الوكيل .. اللي حصل انها سارت سرقه نفس اللي سارت لك بس اللي انسرق .. ( ذهب ) وكانت من ابها الى الرياض .. كم سنه نشحن من عندهم ومافي اي مشكله .. بس قبل كم سنه وضعوا الاهل الاغراض بالغلط مع الملابس .. اللي يقهر ان كل شي محيوس وباين انهم ناوين ع سرقه شي وانسرق كم خاتم وحلق وسلسال .. رحت اشتكيت وجلست وراهم سنه وولا طلعت بشي ( وردهم انهم غير مسولين عن اي شي داخل السياره) والى الحين كم سنه ولا في نتيجه .. يمكن مااحد يصدق قوه عينهم سرقه ذهب بس وربي هذا اللي حصل |
من يلاحظ التعليمات خلف ورقة االاستلام
يلقى يحق للشركة لا يحق للشاحن |
معليش اخوي ماهي غلطتهم .... وهم طبيعي ماهم مسئولين عن اغراضك داخل السيارة وهذا تقولك اياه اي شركة صيانة ولا اي مكان تحط فيه السيارة
يعني انت ترسل سيارة لاماكن بعيدة وتمر في استراحات و طرق سريعة و اماكن خالية من البشر احيانا وتبي اللي فيها ماحد يقرب منه .... معليش لو انك في عصر الخلفاء الراشدين اذا كان الجنوط وهي راكبة ماتستبعد تروح كيف شي قابل للنشل بدون فك وقس على ذلك السيارات المستورة من خارج السعودية عبر الميناء ممكن تجيك ناقصة مسجل,, جنط .. وهلم جرا واصلا الجهاز اللي انته تتكلم عنه غير مسموح و متوعد مدير المرور .. اللي يلقاه معاه.... فكويس جت على كذا |
| الساعة الآن 01:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by