وين احصل عوده ممتاز
تقبل الله منكم الصيام والقيام وكل عام وانتم بخير"
أخواني حاب أشتري بخور أوعوده خشب ورحة شركة العربية وقال لي المصري في ماليزي وفيه اندنوسي وفي هندي وكمبودي نبقها للبيت ولي الصلوات والمناسبات نتبخرونطيب وين أحصل العوده الممتازه وعند مين أتمنى منكم مساعدتي |
في أي مدينة ؟؟
|
في مدينة جده
|
اي والله تكفى يا شيخ عبدالله
اذا تعرف في الرياض و الشرقيه ياليت ويكون سعرها مناسب مو غاليه |
1 مرفق
بالنسبة للمحلات في الرياض ما أعرف لأني من أهل جده .. لكن..
إنتشرت مؤخرا العودة الخشب الصناعية بأسعار رخيصة جده .. الأوقية بـ 20 و 30 ريال للنوع الأندونيسي و ريحتها حلوة (صحيح ما تقارن بالشيء الحقيقي لكنها مهي بطالة) .. بل بالعكس تعتبر جيدة جدا لتبخير المساجد و المساحات الكبيرة لأن ريحتها قوية و في نفس الوقت رخيصة و تلقاه يباع في أماكن كثيرة خاصة عند بوابات الإدارات الحكومية زي الأحوال و كتابة عدل و المحكمة. فيه نوع ماليزي (صناعي برضه) ريحته أحلى لكنه أغلى شوية .. شريته من المعرض السنوي الرمضاني (العام الماضي) الأوقية كانت بـ 80 .. و الشركة المسوقة له كانت من الرياض (مايحضرني إسمها الآن لكن أبحث عنه بإذن الله). هذا شكله: ملف مرفق 5098 أما العودة الخشب الأصلية .. شخصيا أفضل الكمبودي خاصة الأنواع اللي عند القرشي. لكن ما يمنع الواحد يبحث و يقارن الأسعار و التجربة دائما خير برهان .. حتى لو يضطر الواحد يشتري كمية صغيرة خاصة في حالة أنواع العودة الغالية (ربع أوقية أو أقل) و ياخذها البيت يجربها و يحكم برواقة. و كمان لا ننسى إن معرض المواد الإستهلاكية الرمضانية شغال هذه الأيام في مركز المعارض (بجده) و إحتمال وجود محلات تبيع هذه الأمور كبير (لسه ما زرته). |
صدق ابو هشام
زمان اشتريت صناعي من النت 4 اوقيات 100 ريال ماتغيرت ريحته ابدا وكان ممتاز جدا |
مشكور عزيزي أبوهشام اليوم بروح لعبد الصمد القرشي ونشوف الكمبودي وزي ماقلت راح اشتري نص توله وجربها لشهررمضان
|
2 مرفق
بالتوفيق أخي الكريم.
بالنسبة للأخوان في الرياض .. العودة الماليزي اللي تكلمت عنها لقيت مكتوب على علبتها: "عذاري" للعود و البخور .. بس برضه غير متأكد من أنها العلبة الأصلية. على فكرة .. العودة الخشب الأندونيسي الصناعي هذا شكلها: ملف مرفق 5101 و ترى حباتها كبيرة .. يعني ممكن تقصوها لأحجام أصغر وتستفيدوا منها بشكل أكبر ملف مرفق 5102 و مثل ما قلت .. ممكن تلقوها عند ابواب الدوائر الحكومية خاصة كتابة عدل و المحكمة .. و ترى فيه منها أنواع مختلفة الجودة .. بس بصفة عامة .. اللي في الشارع عادة متوسط الجودة رخيصة السعر مقارنة بنفس البضاعة في المحلات بضعف السعر. |
الله يعطيك الف عافيه
بالنسبه للمناطق في جده ..الرياض...الشرقيه فيه محلات (الماجد للعود) في رمضان يعمل تخفيضات 50% وعنده جميع انواع العود |
هلابك اخوي روح لعبدالصمد القرشي واطلب العوده الكمبودي ابو 500ريال عليها تخفيض انا جربتها طلعة زينها ودمتس بخير
|
الساعة الآن 08:44 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by