انتبهو ياشباب ( مهم جدا )
 

مساكم الله بالخير


اخواني الاعزاء .

اشتريت سياره تاهو 2011 lt طبعا اقساط من الجميح اللي بمخرج 10

من شركة ( تأجير ) استلمت السياره واليوم الثاني كنت فاضي قلت اقلبها شوي

واشوف فتحت الكبوت و حصلت الصداء في القزوز كلها يمين ويسار وراس المكينه

كمان مصدي وعمود الدركسيون فيه صداء ايضاً ( لاحول ولاقوه الا بالله )

قلت اشوفها من تحت وحصلت عمود الكردان والصلايب مصديه مرره

كلمت الموظف اللي باعني السياره في نفس الفرع قال لي كل السيارات اللي عندهم

كذا تعال شوف بعينك في الصاله لأنها جالسه في البواخر شهر ونصف طبيعي تصدي

السوال ليش مايعلمون الناس انها مصديه قبل الشراء وطبعا هذا الصداء خطر

على وعلى عيالي لو سافرت عليها عمود دركسيون وعمود الكردان والصلايب مصيبه لو

انكسر واحد منها ونت ماشي .

الآن ابي نصيحتكم وش اسوي وكيف اتعامل مع الوضع الحال

( وحسبي الله ونعم الوكيل )

الله يعينك على مابتليت به ...
اخوي صور لنا الصدا

لما وديتها لهم هل عرضوا عليك اصلاحها ؟

تشتري سيارة على انها سليمة وتطلع مصدية ! هذي يعتبر كالغش تواصل مع مكافحة الغش التجاري بوزارة التجارة ... لك حق راح يستردونه لك باذن الله

هذا رقمهم المجاني كلمهم 8001241616

او ادخل على موقعهم وارسل لهم الشكوى http://www.commerce.gov.sa/mok2/form.asp


بعيد شوي عن الموضوع
السيارة وقت ماشريتها كان عليها عرض او لا ؟

جزاكم الله الف خير فعلا المفروض يكون الواحد حريص

وبالنسبه للاخت جمرة غضى نعم السياره كان عليها عرض

تأجير وماأدراك ماتأجير حسبي الله عليهم تبغى نصيحتي أرمي سيارتهم عليهم مثل ماأنا عملت وروح دور غيرهم بس أهم شيء لايكون عليك متأخرات حتى لأيضعونك في قائمة البلاك لست (سمه) وإذا حاب تخليها معاك أحرص على أن لايكون التأمين ( سلامه ) لانه تأمين أسم فقط على الورق وعند حدوث مكروه لاقدر الله من حادث أونحوه مايصلحونها لك ويماطلونك >>> من واقع تجربه

ياليت لو تجيب لنا صور حتا يكمل الموضوع
ومعوض ان شاء الله

السلام عليكم ورحمة الله وبركاته

أزيلك راسل جي أم سي

رح لقوقل أكتب جي أم سي بالانجلزي

أول صفحة أظغط على ترجمة الصفحة
وبعدين أذا فتحت أظغط على أتصل بنا
وبعدين تلقا أيميل جي أم سي
أظغط عليه وحدد الخيار الي أنت تبيه

والسلام عليكم ورحمة الله وبركاته

شكرااااااااااااااا كثير
والغش يستمر والجهات الحكومية في نوم كتير صديق

اخى الكريم

لا تقلق كثيرا
القزوز وعمود الدركسون واى جزء مافيه بويه معرض للصدأ السطحى
والصدأ اللى لاحظته ان شاء الله ما فيه مشكله
واذا تبغي تطمن أكثر خذ مفك (سكروب ) وأفرك مكان الصدأ بتلاحظ يطلع معك بسهوله
ومثل ما ذكرت هذا صدأ سطحى ،،، وأغلب السيارات كذا .

بالتوفيق

هو شف امر طبيعي انك توسوس اذا شريت سيارة جديدة هذا امر منتشر بين الناس

لكن ان شاء الله ماتكمل 6 شهور الا والحالة خافة عليك وترتاح

بس كحل مؤقت حاول ترش عليها قار عشان يوقف الصدا ماينتشر انا سيارتي مستعملة شريتها ولقيتها مرشوشه قار من تحت يوم سالت العامل قال افضل لك عشان تحافظ على الحديد