بندة تستغقلنا
 

لو امكن تصور الفواتير والمنتج عشان توثق العملية بالصور والبراهين حتى يتم التشهير بهم
اكيد رجعت لهم الفاتوره قبل تصويرها عموما انصح اي واحد قبل مايشهر ياي تاجر انه يوثق كلامه
قدر المستطاع قبل ماينشرها في المنتدى حتى يصير لها مفعول

نصب وإحتيال , كم واحد لم يراجع الفاتوره ومشت عليه , ولكن الله العلي العليم سوف يحاسبهم , يوم لا تنفع الأموال , حسبي الله عليهم

عذر اقبح من ذنب , قديييييمه كم مره سمعنا هذه الأعذار الله اكبر يالخبرة ما يبغالها خبرة ولا شيء ولكن يقولون إذا عدت بسلام هذه النصبه وإلا العذر موجود , وهم احرص منا يعني بالله بيجيبون واحد من غير ما يدربونه هم يحسبون للهلله الف حساب اللي لهم فقط اما للمستهلك ما عندهم مشكله .

يا اخوان التمس لاخيك عذرا
ما اظن الرجال استقصد يلهف 43 ريال، وش مصلحته وايش مصلحة بندا، جل من لا يسهو
ما ادافع عن الجماعة، لكن انا لي تجربة ايجابية جدا معهم، بذات مرة كنت اتسوق من بندا عزيز مول، والكاشير مرر احد الاصناف على قارئة السعر مرتين وانا ماخذ حبة وحدة، وللاسف ما راجعت الفاتورة الا بعد وصولي للبيت، قمت مباشرة بالاتصال على الرقم المدون على الفاتورة، وفعلا رد علي الموظف واخذ التفاصيل بادب وفعالية، الوقت، السوق، رقم الكاشير، رقم الصنف، وسعره، واخذ اسمي ورقم الهاتف وقال نكلمك بعد 48 ساعة اقصى حد وعطاني رقم الشكوى، وفعلا اتصلو وخبروني امر نفس السوق باي وقت ومعي الفاتورة لتسوية الحساب، مريت بعد كم يوم، وفعلا خيروني ابغى ثمن الصنف ولا اخذ حبة اضافية، اخترت اخذ حبة اضافية ورحت احضرتها عن الرف لخدمة العملاء وانتهت المشكلة
والان ما تقوله دليل اخر على شفافيتهم وتعاونهم
المهم برأيي هو مراجعة الفاتورة، وانا لي ثقة بانه لو لك حق تحصله عندهم، ولا نزكي على الله احد

نعم هذا عين العقل لابد من محاولة حل اي مشكله مع المؤسسه وقبل التشهير يتم توثيق
بالصور والتواريخ