تسممت واصبحت من ضحايا مطعم بيت الشوايه
السلام عليكم وانا جايه من السفر كنت ميته من الجوووع وطلبت غدا من بيت الشوايه مع سلطة خيار وانا اكل ماحسيت ان الاكل فيه شئ لكن بعد المغرب حسيت:blink: بدوووووووخه وحراره في جسمي اشووووي الا اعزكم الله استفراغ قلت يمكن الجو متغير عليه لكن زادت الحاله في الليل صاااارت حرارتي مرتفعه بزياده وجاني هذيان والله شفت المووووووت وبنتي بعدجاها اسهال بس الحمد لله تمكنتها وذهبنا للمستشفى وقالوووو تسمم واضح:crying: واعطو بنتي مغذي في الوريد وادويه وانا ادويه واستمرت الحاله معي قرابه 4 ايام خلااله ماقدرت اكل شئ نهااااااائي توووووووبه تووووووبه ماعاد اشتري منك يابيت الشوايه وعلى فكره اخوي تسمم منه قبل كم شهر بس مو نفس المطعم لا له فرع ثاني في منطقه اخرى حسبي الله عليهم ربي ستر عليه الحمد لله
|
ماشي افضل وانظف من اكل البيت
والحمدالله على سلامتكم.. اجر وعافيه يارب |
ماتشوفين شر
ويازين اكل البيت |
حمداً لله على سلامتك وما تشوف شر.
نصيحة لاتأكل سلطة خضراء من أي مطعم كان حتى لوكان نظيف.لأنها سريعة الفساد. شكراً |
خطاكم السوء ..
كان بلغت البلدية اقتباس:
واضف ايضا كل انواع السلطات ابعدوا عنها .. اغلب المطاعم ما تغسل الخضره .. فان سلمت من التسمم تطلع لك دوده او خنفسه ! |
سلامات سلامات ودفاعة شر واتفق مع الاخت جمرة ياليت توثقين الحالة من فاتورة الشراء الى مراجعة المستشفى وتسلمينها للبلدية
|
الحمدالله على السلامة ماتشوفين شر
وغريبه والله على بيت الشواية الناس يذكرونه بالخير من ناحية النظافة والتنظيم ياليتك تحددين مكان فرعهم اللي تسممتي منه عشان الناس يتجنبونه |
انا لي فترة اخذ منة ماجاني شي لكن مااخذ سلطات
|
أولا .. الحمد لله على السلامة وما تشوفين شر أختي. ثانياً ... بما أني عزوبي أنا عميلهم من 5 سنوات وما جاني شيء ولله الحمد .. أكلهم نظيف وشغلهم زين .. صحيح أحياناً يجي الأكل بااارد لكن ما شفت منهم شيءوبصراحة هم من أفضل المطاعم الموجودة في السوق ... هههه ولا تنصحيني أروح لمطعم بخاري أفغاني. ثالثاً .. أختي الحبيبة المفترض أنك ما تسكتين وتتصلين على خدمة العملاء وتشرحين لهم الملاحظة صدقيني من واقع تجربه ستجدين كل رعاية وأهتمام وهذا ما حصل معايا أمس .. دايماً أطلب مكرونه وتجي باااارده اتصلت في خدمة العملاء وأنا محبط كالعاده لكن أنصدمت لما وجدت أهتمام وأتصل فيني مدير التشغيل وسألني عن الملاحظة بشكل دقيق وكان مهتم بالموضوع وكمان أعتذر لي. رابعاً ... المفترض تبلغين البلدية بهذه الكارثة. خامساً ... أحنا كسعوديين مشكلتنا نسكت ونعديها ونمشيها ولا نتكلم ولا نبلغ .. وهذا بحد ذاته خطأ. |
اكبر خطاء وخليني اقول عيب فينى عامه انا نسكت على الخطاء ليش ما اتصلتي بالشرطه والشرطه راح بطريقها تجيب البلديه وتسوي معاينه للمطعم ويتحمل غرامه او تقفله البلديه واذا فتحوه مره ثانيه ففي الموضوع واسطه راح ترفعين لوزارة الداخليه علشان الكل يجازى على امر زي هذا يعني روح المواطن رخيصه يسوون في هالشي وسلامتكي وما تشوفين شر الحمد لله اني ما اكل من المطاعم الا نادر ويا زين اكل البيت
|
| الساعة الآن 10:16 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by