الرجبة انتبهو منه
 

السلام عليكم الرجبه الي بشارع السويدي العام مقابل لبنده وبنك البريطاني

المحل هذا يتنوع في الغش الاول يحاول دايم يتلاعب في المتبقي لك بتعمد

وحصلت معي اكثر من مره اذا شريت بمبلغ لبد يرجع الباقي ناقص وتعرفون

اكثرنا يالسعوديين فينا الطيبه الزايده ناخذ المتبقي ولا نعد بعدهم مدري ثقه او

خجل او احترام لمشاعر البائع وهذا الشي المفروض انه مانخجل منه هو اذا عطيته

فلوسك حسبها قدامك ولا يـتأكد انها مو مزوره والمفروض نعمل مثل اية عامل

نتأكد من المبلغ قبل المغادره

ثانيا
المواد الغذائيه كم مره وانا احصل منها منتهي الاصلاحيه ولا فيه رقيب مدري وش عمل

البلديه تشخيص بس با لومينا الصفره:clap_1:و االفيتارا هذا الي اشوفه دوران بدون فائده

حياك اخوي

المواد المنتهية او الغش او رفع الاسعار وتلاعب المحلات هذي مسؤولية التجارة
بلغ الغش التجاري التابع لوزارة التجارة
يا من خلال تلفونهم 8001241616

أو من خلال نموذج الشكاوي هنا
http://www.commerce.gov.sa/mok2/form.asp

والله صادز انا كذا مره يزرفون مني يا3 اريل او 4 صرت اعد اغراضي قبل واحاسب

مو بس الفرع الي تقوله كل فروعه وبرضه المحلات الي عمالتها من الجنسيه اليمنيه ولايزعلون علينا

بس صرت ادقق مره والله لو نص ريال ماابي احد يستغفلني

نعم اوافقك الرأي الاسعار بهذا المحل اغلى من البقالات رغم انه محسوب على الجملة، الاسواق المركزية افضل، مرة اخذت منه حليب شكلاته 200مل نادك طازج شده 6حبات عطيته عشرة ابغاه يرجع الباقي قال باقي ريالين قلت ليش قال الحبه ريالين قلت انا اشتريه من العثيم بريال قال الزول مش ممكن قلت تأكد من سعرك اتصل على مندوب نادك قاله بريال طبعا رجع لي اربع اريل و كم من الاشخاص باعهم بريالين الله اعلم.
طبعا هو جنب المخبز صرت اخذ الضروري اللي سعره معروف فقط واقول سبحان موزع الارزاق ومسخر الناس لبعض رزق هذا من هذا حتى مع الغبن والغلا.

اسعار محلات الرجبه تختلف من محل لأخر لأنها ليس تعود لشخص وأنما تعود لجنسيه معين
وقبل شراء اي منتج منهم أنظر إلى تاريخه ثم سعره والتدقيق عليه في الحساب


وبارك الله فيك أخي طارح الموضوع على التنويه

أغلب عمليات النصب بارجاع الباقي هي ان البائع يقوم بارجاع الباقي على انك اعطيته 50 ريال مثلاً وانت معطيه مية ريال أو يرجع لك الباقي على انك معطيه عشرة ريال وانت معطيه عشرين او كما في السابق تعطيه ميتين ويرجع لك الباقي على انك معطيه مية .

هذي صارت معي كثير وكفشتها كثير وبعدها يبتسم البائع ويرجع الباقي مع ابتسامة صفراء . ويمكن مشت علي كثير بدون مااكتشفها:crying:

المشكلة ولا مرة صار معاي العكس ...عشان نحسن الظن فيهم .

وعليكم السلام ورحمـة الله وبركآته
صدقت أخوي مدري حنآ كذآ
حآليآ اشوف زوجي يدقق ويمحّص
وفعلاً يكون هنآك غشّ بـ3 أو 4 ريآل .. !!
اسآس المليون ريآل لذلك لاتستهينون بحقكم أبد لو هلله

والله ياخوان انتبهو منه اسمه زهرة الرجبة كلمة ( زهرة ) صغيره والرجبة كبيره

واقسم بالله هذا المحل يتحايل على ناس كثر حتى الاطفال ماسلمو منه يتحايل عليهم بالباقي

والي بحيي اكتشفوه ولا ياخذون منه الان وهو من الجنسيه

اليمنيه مع احترامي لهم

صحيح كلامك يختلفون وهو كاتب اسمه ( زهرة ) صغيره والرجبة كبيره

وانا راح اصور المحل لكي ياخذون الحذرمنه الي ساكن بالسويدي

حسبي الله عليه

منتهى النصب والوقاحه فعلا

صحيح كلامك