الحيرة مع الافران الصغيره
 

سلام عليكم

الحاجه ماسة لفرن كهربائي صغير بكهرباء 110 فولت بسعة 35 لتر وفوق حتى 43 لتر
وقد لفيت الوكالات والمحلات الكبرى والصغيره مثل محلات الاواني ووجدت اغلبها صيني وماركات غريبه .
1- ماركة اليكتا ولكن 220 فولت فقط
2- ماركة بيك ويوجد 110 فولت
3- ماركة بيسك ويوجد 110 فولت
4- ماركة هوم ماستر ويوجد 110 فولت

ولااعرف منها او عنها شئ سوى بيك BEAC

ارجو المعاونه بالدعم والنصح ولك الشكر مقدماً

فيه نوع تركي جيد اسمه luxell .. منه احجام كبيرة .. وتحصلها بعد في هايبر بنده..
والسيف عندهم فرن يجي شكله دائري مش مستطيل هذا جيد ايضا ..

سبقتيني ياجمره الافران التركيه الصغيره هي الافضل وهناك عده انواع بمروحه او بدون

على فكرة بعض الافران بها ساعه توقيت ,,هذي بصراحة ما افضلها ,,,
افضل اللي فقط بها زرارين تشغيل ,, اللي فوق و اللي تحت ..

اعرف فيه افران يجي معها سيخ الشوايه .. وفيه افران عادية فقط صياني ..
لكن اول مرة اعرف ان فيه انواع بمراوح .. بصراحة هذي مميزة جدا ممتازة :thumbsup:

مشكور جدا ً على الرد الطيب

ولكن الافران التركيه تباع وليس عليها ضمان وليس لها وكيل هنا بالمملكه
وهذه اكبر مشكله
حيث تشتريها بدون ضمان حتى لو تعطلت بعد ساعة واحدة من شرائها ( المستهلك ) الذي يتحمل المشكله .

وهنا المشكله

والله الموفق

عطونا حل وش نشتري البارح رحت ساااااااااااكو
بغيت اطق واحد بــ 400 بس خفت يكون سيء وناسي اسمه والله

*
*
طيب بالنسبة لالفرن مع مكروويف سوا ..كويس ولا لا
انا عجبتني الفكرة عشان مطبخي صغير وودي بالاثنين
واذا احد مجربة ياريت الماركة والسعر

الفكرة جذابة لكني جربت نوع مماثل زمان .. بصراحة .. ما ناسبني لأن السخان حق الفرن من فوق بس .. يعني حق تحمير فقط.

أنا شخصيا أفضل كل نوع لحاله .. الميكرويف ميكرويف و الفرن فرن ..

مع ملاحظة الحرص على التأكد من قوة تحمل التوصيلات الكهربائية في حال الرغبة في تشغيل الإثنين في وقت واحد.

استخدمه هالنوع من كم سنة ..
يجي نوع يسمى 3 في واحد
يحوي على 3 انظمة
ميكروويف + فرن + شواية
يعني
1-يستخدم كامكروويف
2-تقدر تطبخ في مثل صواني المكرونات , فطائر, بيتزا , تشيز كيك , كب كيك ,كوكيز, الخ تطلع الصواني مستوية من فوق وتحت
3-تقدر تشوي فيه يشتغل الهيتر اللي فوق ..
لكن سعره غالي يوصل لالفين او الثلاثه على حسب الشركة وحجم الجهاز .. شخصيا مثل هذه الاجهزة(ثلاجات فريزرات افران غشالات تلفزيونات )
افضل اكبر حجم وافضل شركة +ضمان لان الواحد مش راح يشتري كل شوي
ابحث بالسوق الحين ربما تجد شركات جديدة اسعارها جيدة نزلت افران ذات 3 انظمة


-------------------
مطبخ صغير وامكانياتك قليله .. تقدر تدخل على دولاب المطبخ رفين فوق بعض واحد للميكروويف وواحد تحط فيه فرن كهربائي من الافران التركية او الصينية هذي اسعارها جد معقوله .. الرفوف تشيل ولا تاخذ حيز .. وتوفر لك مكان على رخامه المطبخ




ابو هشام يمكن اللي عندك فقط نظام شواية +ميكروويف ..

*
*
جمرة غضا وابو هشام ما قصرتم جزاكم الله الف خير
انا سألت عنه من زمان وزي ما قلتي كانت الاسعار غالية بس كم بالضبط ما اذكر
المهم فوق الالف
بس لما رحت اخر مرة اي ماكس لقيت السعر اقل من اول
اذا هو تمام وكويس السعر مو مشكلة اهم شي الجودة
وفعلا كلام ابو هشام لقيت كمان مكروويف مع شواية بس
ولقيت اللي قلتي عليه يا جمرة غضا بس خفت اشتري واتورط وضعت بين الشركات
ايش الماركة اللي عندك؟
انا عندي الفرن الغاز جليم غاز كبير وكويس بس في رمضان احتاج لواحد ثاني بالذات
لما يجيني ضيوف احوس مرررة
.
.
اختكم ليمون بالنعناع