شركة STC .. والسرقه قدام عينك
 

السلام عليكم ... مساء الخير أحبائي الكرام ويسعدني إنضمامي إليكم
إخواني أنا أعاني من مشكله في زيادة قيمة الفواتير في جوالي بشكل غير مقبول ولاحظت أن ارتفاع الفاتوره بشكل عالي بسبب ما يسمى برسائل أبواب حيث يكتب في الفاتوره رسائل أبواب بقيمه 150 ريال بالرغم من أنني لم استخدم رسائل ابواب بتاتا ولم اشترك في قناة من القنوات التي لها رسوم ولا حظت أضافتها في كل فاتوره وعندما سجلت اعتراض عليها قالوا سجلنا اعتراضك وسوف نتصل عليك وماعندك أحد ....
وش الحل يا اخوتي الكرام خصوصا أنني سبق وان سددت مبلغ فاتوره خيالي بسبب خطأ الفوتره اللي اصاب شركة الاتصالات قبل فتره ودون أن يمنحوا أي مقابل لهذا الخطأ وما ادري إلى متى يستمر تغافل المستهلك ونهش جيبه بأي طريقه كانت وكأن هذا المستهلك المسكين ليس لديه آجار شقة يرفع سعرها صاحب العقار كل فتره واقساط سياره لو تتأخر شهر سحبوها منك ومصاريف بيت وفواتير كهرباء وماء وبنزين ..وامراض عضويه وسكر وضغط ونفسيه من هالأشياء .ألخ ...
عطوني الحل تكفون الله يعطيكم العافيه لأن راتبي طفسه ومتزوج وحالتي حالة واحرم نفسي أشياء واضحي بها في سبيل تغطيه مصاريف أساسيه وغثتي فاتورة الاتصالات وسرقتها 150 ريال دون وجه حق حيث أن العشرة ريال تؤثر فيني فكيف ب 150 تؤخذ من راتبي دون مبرر ..

الحل الوحيد بطاقات مسبقه الدفع على قدر مصروفك
والله يرزقك وأحتسب وأكثر من الدعاء والاستغفار

غير اي شركه اخرى انا غيرت موبايلي وكل اخواني غيرو الى موبايلي والله مرتاحين

بصراحه فاتورتي مع خدمة البلاك ماتتعدا في الشعر 300 ريال

والله نصيحه مجرب

الاتصالات السعوديه اكبر نصابين
الله لا يوفقهم

الله يعطيك العافيه على توجيهك وأنا الحين لي فتره أستخدم بطاقات مسبقه الدفع لأن جوالي مفصول من فتره ما سددته بسبب سرقات عصابه الاتصالات

سبق جربت موبايلي ومشكلتها أنك لو تتأخر في السداد فتره بسيطه فصلوه عنك والفاتوره بالشهر عكس شركة السرقات حيث ما يفصلون جوالك بسرعه وموبايلي مو بعيده من الاتصالات فيها حقها .... ودي أجرب شركة زين بس ما أعرف أحد جربها .. إذا عندك خلفيه عنها ياليت تكفى تفيدني

هالشهباء المفجوعه ما ادري متى تشبع :j-4:

اقطع رزقهم من طرفك بلا بطاقة مسبقه دفع ,, وبلا رقم مفوتر بنظام سروقي
وارفع عليهم شكوى .. خذ حقك ...

اللي متعود يسرق ما يشبع لو تعطيه مجره التبانه بكبرها :blink:
وبالنسبه للحق فهنا ما فيه شي اسمه تاخذ حقك ... حقك ما يجيك إلا عقب ما ينشف دمك ويجيك الضغط والسكر والمرض لأنها جزء من حقوقك لازم تاخذها إذا جيت تطالب بحقك :think: .. طبعا إلا إذا عندك واسطه فحقك يجيك لباب بيتك للأسف الشديد .. والضعيف يشرب من مويه البحر
يعيطك العافيه على مرورك

لا تعتقد ان البطاقة المسبقة سالمه من السرقة
خذ هالموضوع
جوالاتنا بتكلم من ورانا يا جماعة الخير


عز الله ماراح تكف الشركة عن سرقاتها مادمنا نخشى السكر والضغط ونرتضي بالخضوع ونضع الواسطه مطب صناعي لاخذ حقوقنا ..

والله الحاله .. يعني منهوبين ..منهوبين .. ترى لو تدقق في كل شيء تلقا السرقه موجوه في كل شيء بنسب مختلفه ...بس المشكله أن هالسرقه توصل لحد أنها تضرب الميزانيه وتصير على حساب المصروفات الثانيه فهنا المشكله يعني صارت سرقه ببجاحه....ولا ترانا شعب حبوب نسمح للحراميه يسرقونا زي ما يببون دام أمورنا ماشيه ولا تعطلت ...وهم الحين وصلوا لمرحله أنهم يحرمونك من عيشتك بسبب هالسرقه يعني قويت عيونهم ...
وصراحه صادق في أن الخوف والرضى بالخضوع هي من خلى الشركة وغيرها من الشركات ما تكف عن النهب والسرقه وهذا اللي يخليها تتمادى بس وش نسوي مو ناقصين خساير العلاجات ونهب المستشفيات الخاصه بسبه هالأمراض .. يعني تنحاش من نهب الإتصالات وتفرح بحقك يستقبلك المستشفى الخاص برحابه ويقول مشوارك الجديد عندي ..يعني الوضع صار صعب ومعقد والله يعين وليتها وقفت على الإتصالات وغثاها ...

طلع رقم من شركة زين مفوتر
باقة شهر عليك وشهر علينا
وبترتاح ان شاء الله:tcs: