أفيدوني في كفرات السيارات
السلام عليكم
أخواني الكرام ... كلنا نعرف اللعب اللي قاعد يصير في أسعار كل شي .. قبل فتره لا حضت ان الكفر الامامي عندي يمسح من جوه والخلفي يبغى له تغيير قلت اروح اوزن واغير كفرات الموقف الأول: الوزن رحت لسوق الكفرات والوكالات في طريق مكه بجده ورحت لحقون الوزن بالكمبيوتر طبعا اغلبهم ابو يمن دخلت السياره في الجهاز وبدأ شغله وبعدها الطامة .. قال الكفرات الامامية لازم لها وزن...قلت عارف ... كم تكلف؟ ... قال عشان انك اول زبون 350 واوزن لك كل شي .. عطيته كلمتين وقلت فكك الاجهزة ونزل السياره تبي بـ 50 ريال ؟؟؟؟ رحت لواحد ثاني وطلب 250 ريال ... وهكذا حسيت ان الموضوع فيه لعب ... دقيت على احد الزملاء ووصفني بمحل كبير في طريق مكه كيلو 11 اسمه القحطاني ( عماله فلبينيه ) وشغلهم مره نظيف ورحت لهم وسويت السياره وضبطتها وماكلفتني الا 120 ريال بفاتورة وضمان بعد الموقف الثاني: الكفرات انا متعود اركب كفرات ممتازه (الفرامل والمفرات مهمه جدا) واتذكر اسعار الكفرات ميشلان 280 - 350 فايرستون 280 - 350 بريجستون 250 -290 قوديير 240 - 280 وتفاجأت بأسعار لا تصدق الميشلان 450 ريال الفايرستون 380 ريال القوديير 540 ريال البريجستون 330 ريال حتى التويو اللي كان رخيص 290 ريال طبعا الأسعار هذي لمقاس 225-60-16 بتاريخ 20/10/1431هـ معقوله هذي أسعار ... وهل فيه نوعيات ممتازه وأسعارها معقوله؟ |
بصراحه الاسعار نار وفي استغلاليه من اصحاب المحلات وبالذات الاخوان اليمنيين
اذكر اني اعاني اذا جيت ابحث لي عن كفر نفس مقاس اللي عندي 215-50 17 واذكر اني حصلت منه حبتين بس ومع اني زرت اكثر من 100 محل ومن مناطق مختلفه شريت الاطار 320 ورجعت لنفس المحل بعد كم شهر وكانت عنده حبه قال لي 500 ريال صدمني بالسعر عرفت انه يبي ينصب علي وقلت له انا اخذت منك كفر من قبل وهذه فاتورتك ... قال خلاص اعطيك نفس السعر رفضت اشتري من عنده وبعدها ارسلت لي ابن عمتي في الدمام وارسل لي كفرين 500 سعر الواحد 250 ريال ومعاه ضمان سنه اسم شركه الاطار TRIANGLE ألماني مصنع في الصين بصراحه نوعيه ممتازه وراسيه على السياره وهذه فاتوره المحل مع اسمه http://img227.imageshack.us/img227/2320/01102010144.jpg |
تبي نصيحتي يا صاحبي اشتري ميشلان
ضمان مفتوح افضل اطارات بالسوق انا اخذته قبل 7 اشهر بـــ 400 ريال للحبه كلفني 1600 + الوزن 130 ريال = 1730 ريال بس بصراحه اطارات صح |
انا مركب هانكوك قبل سنة تقريباً 4 كفرات مقاس 205 \ R16 \ 60 92H بـ 1000 ريال بعد المكاسر .. من الوكيل بدون تركيب .. لأنهم ما يركبون كفرات وركبتها عند يماني جنبهم بـ 80 ريال .. مع ترصيص لاصق بصراحة كفرات هانكوك كويسة بس اهم شيء تختار نوع ممتاز وتكون رموزه AA .. وتشتري من وكيل هانكوك .. وتاريخه يكون جديد لا تشتري إلا من الوكيل .. لأن فيه كفرات مغشوشة ( مقلدة ) |
| الساعة الآن 03:52 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by