رأي مجلس الشورى...!!
كما صرح احد اعضاء مجلس الشورى المهندس أسامه كردي. بان تخفيض الاسعار في الوقت الحالي يفيد كبار التجار فقط ولا يفيد الغالبيه العظمي من الناس. ويقول بان المجتمع يصنف الى صنفين: 1- نسبة 20% من الناس هم كبار التجار والهوامير ويستهلكون 80%من السوق. 2- والباقي 80% هم عوام الناس (احنا).ويستهلكون 20% من السوق................ لذلك فان تخفيض الاسعار يصب مباشرة في مصلحة الصنف الاول اللذي لا يحتاج لمساعده. وانهم (في مجلس الشورى) يبحثون عن حل للصنف الثاني. (يقصد حل يفيد الصنف الثاني) واشار الى الابتعاد عن كل مايغلو سعره. حتى يقل الطلب عليه ومن بعدها ينزل سعره باذن الله. فهل هذه النظريه 20% و80% صحيحه.؟؟ واما قوله : ( لذلك فان تخفيض الاسعار يصب مباشرة في مصلحة الصنف الاول اللذي لا يحتاج لمساعده. ) فاقول له وايش المشكله يعني اذا استفاد الصنف الاول.بالاضافه الى الصنف الثاني. ياخي حسد هو؟؟ تقبلو جميعا تحياتي |
ياخي مجلس الشورى
هذا مجلس سوالف وما يهم إلا مصلحتهم وجوده مثل عدمه وقراراتهم كلها فاشلة......ولم تحل مشاكل الأساسية من بطالة و تضخم الأسعار وعدد السكان في ازدياد أضعاف والوضع نفس ما هو عليه ما عندنا إلا النفط نبيعه ومع ارتفاع سعره ولكن المواطن ما شاف شي بل بالعكس الوضع صار أسوأ |
جلسات مجلس الشورى المفروض تعرض في رمضان بعد الفطور بدل طاش ما طاش علشان يرفهون عن الموطنين. لأنه والله يا مداخلاتهم انه تفطس ضحك.
مره سمعت مداخلة واحد منهم يقول الاراضي الفاضيه لازم يعمرها ملاكها من المواطنين والا يدفعون رسوم سنويه للبلديه رسوم النظافه!!! مايدري ان البلديه مخلينها مزبله ( هو المواطن لقى ياكل علشان يعمر بيت يامعالي عضو المجلس الموقر!!!) |
"تخفيض أسعار المواد الاستهلاكية الآن يفيد التجار وليس المستهلك العادي"
ما أقول إلا ..................كيف الحال؟!!! هذا أقل ما يقال عنه إنه رأي أحد نزلاء شهار , ويخب بعد |
اقتباس:
:D حسبنا الله ونعم الوكيل |
هههههههههههههه (كونت)
بصراحة مجلس الشورى من جد يفشل انا قبل فترة والي اعرفه إن المجلس يعالج مشكلة الفقر وما شفنا اي حلول ومافي تركيز في مشكلة وحدة يدرسونها كل يوم يدرسون مشكلة حتى لو تجي تسئلهم ايش الي سويتوه وايش المشاكل الي حليتوها يقلولك ما حلينا شي احنا نجتمع حنا والربع ودقة حنك واخر الشهر احط اربعين الف في جيبي واجي ما شي اما المواطن يدبر نفسه...!!! لا والله من زين الدراسة 20% و 80% يعني فاهمين واخر شي يقولك ابتعد عن كل شيء يرتفع سعره طيب انتم الله يهديكم ليه تخلوه يرفع سعره من البداية ليه ما يكون هناك وقفة من المجلس ضد هؤلا التجار الطماعين...!!! المفروض هناك برقيات من مجلس الشورى لهؤلا التجار بعدم رفع الاسعار وإلا سوف نعلن الماقطعة على المواطنين وسوف يكون هناك اعلانات على المقاطعة في جميع وسائل الاعلام وبذلك حتى الشركات الخارجية لا تتعامل معا هذا التاجر وتبحث بديل عن هذا التاجر بسبب الخسائر التي حصلت... وضع مجلس الشورى لخدمة المواطن وارجو الحزم من ارائهم وقرارتهم والوقوف مع المواطنين وحل مشاكلهم.. مقاطع مقاطع |
اصلا ماورطنا الا كلامه هذا
يشوف ان الي قربين منه والا كلهم شبعانين فلوس ودراهم يحسب الناس اكثرهم كذا قام يقول ثمانين في الميه من الاغنياء هم الي يستهلكون اكثر ياخي اكثر الشعب ماعنده بيت وراتبه على قده واكله كله رز والبان والا الفئه القليله الي تعاني من التخمه ياكلون اكثر من ثلاث ارباع الشعب اصحاب الدخل المحدود ياخي قول كلام نصدقه واحترم عقولنا |
والله ما ضيعنا الا مجلس الشورى هذا
وزي ماقال ابو ثامر ( يخلون جلسات مجلس الشورى بدل طاش ما طاش للترفيه عن النفس ) ليش مجلس الشورى ما يجبر التجار على تخفيض الاسعار |
يا شباب هو الى الحين يجتمعون هذولا حقين الشورى ؟؟
|
اقول خوش مجلس من وين جاب هالارقام والله انه يفطس من الضحك ياخي 80/100 من الشعب مايصرفوا الا20/100 اقسم بالله مهزله
|
| الساعة الآن 11:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by