اسبيلت ElECKTRA وش رايكم فيه
السلام عليكم ورحمته الله وبركاته وتقبل الله منا ومنكم صالح الاعمال انا صراحه احترت في مكيفات السبيلت مابين lg وسامسونج و gree واسعارها غاليه :eek: ولقيت مكيف اسبيلت نوع ElECKTRA 18 وحده بارد ب 1750 ريال وعلى كلام صاحب المحل يقول الكمبروسرهيتاتشي وهو تجميع صيني ويقولي ضمانه على المحل خمس سنوات :confused: وماادري عن جودته تكفوووووون اذا احد مجربه يقولي |
اخي الكريم والله ماعرفه
لاكن الغالي افضل لانك راح تستخدمه فتره طويله وجونا يحتاج مكيفات جيده |
حياك اخوي
لو تتصفح هالقسم تجد مواضيع عديدة بها تجارب الاخوان مع المكيفات .. انا جربت ال جي واشوفه جيد والاهم وكيله شاكر يعد من الوكلاء المحترمين .. يعني تبي تشتري اي جهاز مثل ما تشئل عن الجهاز بعد اسئل عن وكيله وتعامله مع العملاء .. |
يا عزيزي عن تجربة الـ جي ممتاز جداً
وحتى لو كان سعره مرتفع لكن يكفي بإنه كوري كوري وخذ الفريش لأنه في نوع تجميع سعودي أو ماليزي على ما اظن |
السبيلت كله قوي بإذن الله , بس انت ودك شغله عمرها طويل بالإضافه الى هدوئها لأن فيه سبيلت مروحته تقول سامري من الطقطقه ...
مدري ترا المكيفات ياناس حاجه تجلس معنا العمر كله , شف لك مكيف معروف سنع واشتره , ترا السبيلت عله في تركيبه وعله في تصليحه وعله في صيانته , يعني مهوب نص ساعه تركيب مثل الشباك , هذي حاجه تعل القلب لين تركب ... اترك عنك الإلكترا مع ان جاري مجربها ولا اشتكى منها بس مركبها من سنه ونص , يعني توه ... يقول لي بس صوت المشكله و صوت خفيف ... وكل المكيفات تبرد , لو تشتري ايش ماتشتري , وشهوا الي يصبر معك ويخدمك في موجات الحر ... ودك بنصيحتي , تاخذها وتكمل عليها ؟ اول شي انت من وين ؟ اذا الرياض عطيتك طريقه تركب فيها مكيفك ماتخرش الميه ... |
pass2love, جمرة غضا, حمايه التجار . ماقصرتوا وعسى الله ان يبارك لكم في مالكم و اولادكم خبير مكيفات,نعم انا في الرياض ومشكور وماقصرت وابشرك شريت مكيفين سبيلت 18وحده بارد من نوع gree ب1925ريال ولي صاحب موزع وهو اللي نصحني فيه كذلك شفت اغلب الاعضاء في المنتدى يمدحونه مشكورين وماقصرتوا |
يابلاش عندنا بشرقية الطن ونص ب1300 والطنين ب2700 واشتريت واحد قبل رمضان
|
| الساعة الآن 03:31 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by