الفرنسي : أسعار المواد الغذائية عالميًا تنخفض .وترتفع في السعودية!
 

الارتفاع هنا والاسعار عالميا تنخفض ! هل نحن فقط من يطبق سياسة السوق الحر !

حراميه مالقوا شرطي يمسكهم !!!

أزمة الحرائق في روسيا، قد ساهمت في ارتفاع أسعار المواد الغذائية، هذا بالإضافة لزيادة الطلب قصير الأجل نتيجة زيادة الاستهلاك في رمضان في ارتفاع الأسعار


وليش الارتفاع الاسعار صاير بس عتدنا !!!!!؟؟؟؟؟ مبررات غير علمية لو قالو اراد التجار تعويض عن التخفيضات التي اجبروا عليها قبل واثناء رمضان كان اقول صحيح ,,,,

واصلو الترشيد والمقااطعة لاي شىء يرتفع سعره ودائما ابحثو عن البديل .... وستجدون اننا باذن الله قادرين على تركيع الاسعار.....

حياكم جميع :)
وين وزارة التجارة عن هالتقرير ؟

الحقيقة ان الواحد ينقهر من ما يحدث عندنا بالذات . لأن الارتفاعات المتواصلة في جميع الخدمات والسلع أصبح شئ مألوف عندنا ، مرة تكون الارتفاعات لسبب وعشر مرات بدون سبب، حتى أصحاب السلع والخدمات اللي ما تأثرت بارتفاع جزء من مكونات تصنيعها او سعر استيرادها او جمركها ، تجد التاجر والموزع يرفعها بحجة أن الاسعار ارتفعت بشكل عام ، يعني مع الخيل ياشقراء ، وتعودنا على الشئ ، حنا كشعب محتاجين لثبات الاسعار على الأقل لفترة من الوقت يصرف لنا خلالها (بدل مصالاة) على ما نشوف.

p.s يعطيك العافية مشرفتنا العزيزة على ارسال رابط للتوقيع ، وكنت حاولت من أول بس ما قدرت لعدم وجود هذه الخاصية ، ولم استطع الرد عليك بالخاص لعدم كفاية المؤهلات الى الآن ، لكن الآن تم التحويل. فلك الشكر والتقدير وكذا احسن سمننا بدقيقنا .

حياك اخوي ..

هل نحن محتاجين لثبات الاسعار ع ماهي عليها الان !
ام من الضرورة خفض الاسعار مع وضع سقف لها !

الرقابة عندنا فقط على المواطنين الضعفاء


لكن التجار والامراء الكبار ما عليهم اي رقابة

!!!!!!!!!!!!!!!!!!!!!!

المشكلة ان اللي بيصير لا هذه ولا تلك .
الاسعار بتستمر بالارتفاع ولن تتوقف .

ولا على قولتك اختي الفاضلة المفترض خفضها وتثبيتها او وضع سقف ، يرحمونا شوي.

أمس جبت لي باكستانيين يبنون لي كم بلكة، توقعت يقولون لي بالكثير 200 او 250 لأن جميع المواد موجودة (بلك، رمل، اسمنت) وزيادة شاهي وماء بارد وغداء مجاني. لكن فاجأوني بقولهم 500 ريال ، يقول : بابا اسعار كله نار . قلت له طيب وش دخلكم بالاسعار ، انا جايب لكم المواد ، يعني شغل ايديكم بس ، قال ايه لكن فلوس قليل ما تجيب شئ . قلت هذي والله النشبه ، صار كل شئ في النهاية على ظهورنا .

مسكين انت يا مواطن ويا مواطنه

بصراحه حن نستاهل

لان اسواق الجملة مسيطرين عليها الحضارم والبنقال والسوريين والمصريين

واتحداكم تقولون فيه سعودي نعم فيه بس الادارة من هي