توضيب ماكينة أفيو 2004-1.8
السلام عليكم ورحمة الله وبركاته
الصراحة بالصدفة كنت أبحث عن الأفضل والأرخص لي بما إني طالب وطبيت في موقعكم الحبيب وقريت موضوع أسرار وخبايا المثبت وبصراحة أول مره أعرف هذي المعلومات القيمة اللي راح تفيدني كثير والله يجزاه خير صاحب الموضوع على هذي التوعية لنا المهم انا اللحين ماكينتي جملت معاي 6 سنوات ومشت 230000 تقريباً الحمدلله لكن اللحين وقفت وقالت خلاص اللحين وين الاقي محل في جدة أو أجمع قطع بسعر حلو وبجودة حلوة اللي يبيله تغيير عندي رأس-سيلكون-سستة-بلوف-جلدة بلوف-وجه كامل-ثلاجة اللي يعرف لي طريقة لا يبخل علي ورمضان كريم على الجميع |
وعليكم السلام ورحمة الله وبركاته
رأس مكينة >> أسأل عن سعره بالوكالة :zy: واذا كان غالي جدا .. مالك إلا " التشليح " والله يعينك يمكن يغشونك و يكون الرأس خربان وانت ما تدري :mad: سليكون >> لازم يكون أصلي سست + بلوف + جلد بلوف + وجه كامل >> لازم تكون أصلية ثلاجة >> تشليح اذا بغيت تشتري من الوكالة ( أطلب خصم ) اذا بغيت تشتري من التشليح ( كاسرهم بقووووة ) :D ----------------------------------------------------------------- الثلاجة وش فيها ؟؟ ليش بتغيرها تقدر تنظفها ببنزين ثم تغسلها وتلحمها اذا فيها شق :blink: --------------------------------------------------------------- أنصحك بشراء القطع الأصلية .. من الوكالة أو وكيل معتمد أو محل قطع غيار مضمون ومعتمد أو من التشليح ----------------------------------------------------------------- تأكد من السبايك الثابتة والمتحركة وطربمة الزيت |
ألف شكر حبيبي
مدري والله ما افهم شي في الماكينة قالي ثلاجة واخوك اول مره تضرب عليه ماكينة إلا على فكرة الثلاجة وش لها دور في المكينة يا طيب؟ |
اقتباس:
نصيحة من أخوك : ( لا لا لا لا تغير شيء إلا بعد ما تتأكد 100% ان القطعة خربانه ) لأنهم نصابين وغشاشين .. لا تنسى تأخذ القطع القديمة :D ( قول لهم يحطونها بشنطة السيارة ) الثلاجة يا طويل العمر .. http://www.jeddahrace.com/vb/uploaded/98_9.jpg يتجمع فيها الهواء المسحوب للمكينة ويتوزع على أسطوانات ( سلندرات ) المكينة ---------------------------------------------------- بشرح لك أول شيء : فلتر الهواء ( يصفي الهواء ) بعدين يجي ( حساس الهواء & تقدر تنظفه بخاخ تنظيف الكترونيات أصلي ) http://www.4x4wire.com/toyota/mainte...RC_cleaner.jpg http://farm5.static.flickr.com/4001/...f499316e57.jpg بس بشرط ( تفصل البطارية .. قبل ما تفصل الحساس وتفكه ) بعدين يجي الثروتل بدي http://www.jhpusa.com/store/pc/catal...tbody-68_d.jpg بعضها يجي ( سلك ) تقدر تفتحه وتنظفه ببخاخ تنظيف الكلبليتر وبعضها الكتروني ( لازم تفتح السويتش بدون تشغيل السيارة وتخلي أي واحد يدعس البنزين وانت تنظف الثروتل بدي " ترش ببخاخ تنظيف الكلبليتر وتمسح بقطعة قماش " ) تقدر تتحكم بمقدار الفتح والإغلاق .. عن طريق الدعس على البنزين :D باختصار : مسار دخول الهواء فلتر الهواء >>> الثروتل بدي >>> للثلاجة >>> راس المكينة >> السلندرات >> يطلع مع الشكمان ----------------------------- افحص كمبيوتر .. وخذ ( برنت ) فكيت المكينة الحين ولا لا ؟ |
التوضيب اللي قالولك رأس المكينة والثلاجة يعني الجزء العلوي للمكينة + الثلاجة باقي ( الشنابر + السبايك + البساتم + الأذرعة ) تأكد منهم وياليت تذكر مشاكل سيارتك بالضبط .. اذا انت ما فكيت المكينة للحين يمكن تقدر تحلها بأشياء بسيطة وتكلفة منخفضة اذا فكيتها انصحك بمنتدى السيارات >> قسم الورشة فيها بعض الخبراء واذا تبغى تسأل واحد خبير نسبياً عن بعض الأشياء محبي هوندا >> العضو ( بلال العلمي ) << أكثر خبرة مني في بعض الأشياء :thumbsup: |
الله يجزاك خير ويوفقك ويتقبل صيامك وقيامك يارب
اللحين فكيت المكينة اللحين وقلت له لا تسوي شي هو قالي القطع اللي يبيها وسألت عليها لقيت التكلفة مكلفة جداً إحتمال أشوف مكينة مستعملة وأستبدل مكينتي رجيع لهم إذا ما لقيت حل بكرا إن شاءالله ارد لجده بس مشغول حالياً في اخر ايام التيرم الصيفي في ينبع الله يوفق الجميع يارب |
اقتباس:
آمين وياك ما دام أن التكلفة عالية جدا .. والتوضيب ممكن ما يضبط 100% مالك إلا مكينة من التشليح وتكون نظيفة وتآخذ ضمان أحذر من المكاين ( المجددة - الموضبة ) ﻷنهم ممكن يركبون قطع تجارية :think: الله يوفقنا وياك |
اقتباس:
استفدت من ما كتبته وخطته يدك المبروكة. بالفعل حساس الهواء قيمته 250 ريال السيارة نيسان صني والبخاخ قيمته 18 ريال . شكراً... |
اقتباس:
واذكر سعر مكينة الأكسنت في صناعية الرياض كاملة بالرجيع 1350 ريال كورية. وضمان شهر. |
| الساعة الآن 11:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by