الظاهر الثلاجة العالمية.. طمعت شوي؟؟!
إلى فترة قريبة كانت الثلاجة العالمية خيارا مناسبا جدا لكثير من البدائل عن مواد غذائية ارتفعت أسعارها كثيرا.. لكن ومع التوسع الحاصل في الفروع وكثرة إقبال الناس عليها بدأت الأسعار في التغير!!
في الماضي كنت أشتري كيسة صدور الدجاج من نوع الريشة البيضاء 2 كيلو بـ 20 ريال,, ومن ثم ارتفعت إلى 25 وقلنا يالله يمكن زيادة من المصدر... الأيام الماضية نقز السعر إلى 35 قلت أكيد الزيادة عالمية,, وكنت بالصدفة في أسواق نستو الدمام وأتفاجأ أن صدور الدجاج ساديا 2.5 كيلو بـ 35 تصوروا!! ناهيك عن أنه يبيع بعض المنتجات الرديئة بأسعار مبالغ فيها مقارنة بجودتها,, أما بقية المواد المعروفة فلايختلف سعره عن أي بقاله؟؟؟!! لكن حتى الآن لم أجد مثل عروض بنده في ما يتعلق بمقاضي رمضان,, ويأتي بعدها العثيم لكن ماندري متى بيفتح في الدمام مع العلم إني توقعت قبل رمضان لكن شكله مابيمديه.. تحياتي |
اقتباس:
من حيث تعددها الكبير وايضا العروض المقدم تكون على السلع المعروفه والمشهورة .. ================= بخصوص الثلاجة العاليمة ما جربت منهم اي منتج غير رز النخبه ورز البخاري بصراحة هالنوعين ممتازين .. لكن باقي منتجاتهم ماجربتها ولا اعرف اسعارها لكن اسمع من الكثيرين انها تقدم سلع باسعار منافسه |
اليوم الصباح كنت فيها ولاحظت ارتفاع اسعارالحوم بشكل عام
لكن انا سألت محل دواجن اعرفها قال حتى الدجاج المجمد ارتفع سعره انا ما ادافع لكني تاكدت من الموضوع |
طيب ليش ساديا ( واللي هو من الممتاز ) 2.5 كيلو بــ 35 ريال؟؟
|
اقتباس:
1 ـ عرض من مركز التسوق 2 ـ عبوات ترويجية من الشركة دون ذكر ذلك على العبوة 3 ـ كميات كبيرة ناشبة في حلق الموزع وعشان كذا تأكد من تاريخ الانتهاء أنا لا أدافع وأتمنى أكون غلطان تحياتي :thumbsup: |
فعلا الثلاجة زودت اسعارهابشكل واضح
وانا لي فترة طويلة كنسلتها من القائمة |
افضل أسعار للتخفيض العثيم وبس بارك الله فيه صاحب خير وأكبر دليل الأكاديميه فاتحها لتدريب الشباب مجاناً لوجه الله من غير الجمعيات الخيريه
انا ادعم العثيم لقربه من الخير نحسبه ولا نزكي على الله أحد |
العثيم ممممممم ليته بس يفتح عندنا ف الدمام.. واضح إنه منافس قوي لبنده؟؟ ماادري من وين يجيبون هالأسعار,, ولا الدعوة محاقر وبس؟!!؟
|
انا اليوم كنت هناك بصراحة اسعارهم مناسبة وحتى لو ارتفعت؟؟
ارتفعت بمقدار ريالين او ثلاثة فقط وخيارات المواد الغذائية فيه زادت اخذت ورق العنب على 7 ريال سبق واشتريت منهم وكان ب5 ريال يعني ارتفع ريالين بس بس لو رحنا الاسواق الثانيه اقل سعر ورق عنب بسعر 13 ريال واحنا بالثلاجة العالمية ناخذ شيئين بسعر صنف واحد في الاسواق الكبيرة اللي يدقق بالاسعار بكل تسوق له بالمتاجر الكبيرة راح يعرف انه كلامي صحيح 100% تحياتي |
تلاقينه نوع ماهو معروف,, ولا المنتجات المعروفة سعرها ثابت. مثل كنافة السنبلة عندهم وعند غيرهم 5 ريال.
مرة لقيت عندهم زيت طبخ بـ 11 ريال وفي واحة المستهلك بـ 9 ريال!! وحاليا علبتين اسكريم جامبو 2 في 2 ليتر بـ 30 ريال ,, وعند بنده أظن 29 أو 28 !!؟؟ بس أنصحكم تلحقوا على عرض أسواق المزرعة 2 في 2 ليتر فاديكو ( واللي أحسن من جامبو ) 25 ريال فقط!!؟ |
الساعة الآن 10:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by