أجهزة تلفزيون بلازما .!؟!
السلام عليكم ورحمة الله وبركاته بغيت آخذ رايكم في أجهزة تلفزيون (بلازما) اي نوعيه احسن والمميزات جيت مسجل بالمنتدى علشان آخذ منكم الاستشاره ولا أقع ضحيه للبائعين والشركات . ولكم جزيل الشكر |
سوني وبس , نصيحه لا تلف وتدور كثير , بتطلع لك مليون الف شركه , كل وحده تقول الزود عندي ...
روح محلات تصليح التلفزيونات , وقول لهم : وش اشتري ؟ بيقولون لك سوني وبس لا تشتري غيرها , ماعمر واحد منهم جا له سوني , السوني مايعرفونها بورش الصيانه ... حط نقطه نهاية السطر ولا تفكر كثير بالأجهزة المعمره ! |
اقتباس:
صحيح سوني لكن لاتنسى ان مو كل قادر يدفع ثمنه وبعدين لازم ننظر للخبار الثاني والتالث والرابع... الخ حتى لانتهم باننا نسوي دعاية رخيصة لمنتج معين |
بويكت , والله ودي , واكره من قلبي الإحتكار , واني اسوي دعايه لهامور من هوامير السوق ماهمه احد بس مصلحته وجيبه ... وعارف انهم عصابه شلة جميل والناغي والعرفج والفيصليه تبع سوني , بس صدقني بدون توجه شعبي واسع , راح واحد ورا الثاني ...
غير كذا سوء جودة منتج معين حتى لو صب في مصلحة هامور آخر , مش مطالب انا كمواطن سعودي اني اتحمله واعطل حياتي في سبيل "النضال" ضد هذا المحتكر او ذاك ... مش مطالبين اننا نتحمل رداءة الشاشات الصينيه نكالاً في سوني او غيرها ... انا معك ووالله اموت كل يوم من القهر وانا اشوف المطلق والعرفج وبقية الناس الدمار هذي وهي تلعب بالسوق والسعر , بس وش الحل ؟ اني اشتري منتج رديئ يعطل حياتي في تصليحه ؟ |
شوف اخوي من خلال خبرتي البسيطه وبعد البحث الطويل:
الافضل : 1- LCD سوني ........ سامسونج ........... ال جي 2- PLASMA باناسونيك ..... ال جي ..... سامسونج لازم تحدد تريد ال سي دي او بلازما وتحدد مواصفاتك الحالية ومتطلباتك المستقبليه والسعر بالتحديد حتى نستطيع خدمتك والله الموفق |
نعم lg مجرب وسعرة ارخص من سوني
|
لاتغفل التباين ... كل مازد هذا المطلوب
والباناسونيك جيد |
طبعا بحسب الميزانية، لكن اذا قارنت بين الاجهزة بنفس المواصفات انا شخصيا اجد ال جي الوانه احلى وفيها حياة اكثر، سواء ال سي دي او بلازما، لكن كل عين الها نظرة، ونصيحتي روح السوق وتطلع عالاجهزة اللي تناسب ميزانيتك، دون موديلاتها وارجع عالبيت اقرأ عنها في الانترنت كم ساعة، بعدين ارجع تطلع عالصورة، ويا حبذا تلاقي اجهزة موصولة برسيفرات عادية وليس اجهزة تبث هاي دفنشن، بعد ما تستقر على جهاز تجي الخطوة الاخيرة بالطواف على كم سوق لتحديد السعر الارخص،،، نصيحة لا تستعجل واتبع هالطريقة وما رح تندم ان شاء الله :thumbsup:
|
الساعة الآن 09:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by