قطع غيار بنصف القيمة ومعتمدة من أكبر الشركات
أحكي لكم قصتي بالأول...
عندي كراسيدا 89 وفجأة تعطل المكيف ، وكنت قبل شهرين حاط فيه كمبروسر مستعمل ، قلت خلاص كفاية مستعمل ، ومع الجو الحار هاليومين قلت خليني أغير كل شي إلى جديد وليس مستعملا... كمبروسر وكلاتش الكمبروسر وعلبة فريون وبلف . سألت محلات قطع غيار تويوتا الأصلية ، وكان صاحب المحل ابن حلال وساعدني. قال.. كل هالطلبات تكلفك حول الـ 3000 ريال ، حرام تحطها في سيارة قديمة . أنصحك تروح للمحل الفلاني في المنطقة الفلانية ، هو الوحيد اللي عنده كل طلباتك من قطع غيار ، وهي ياباني من شركة ( دينسو ) . رحت للمحل وطلبت نفس الطلبات نفسها قال بعد الخصم 1100 ريال ، اخذتها وركبتها عند الكهربائي ، لكن الكهربائي قال.. الثلاجة فيها تنسيم خفيف , إذا ودك تغيرها أو نركبها؟؟ قلت ولايهمك أروح أسأل عنها ، قال الكهربائي تراها غالية حوا الـ 700 ريال . رحت مجدداً لمحل قطع (دينسو) وسألت عن قيمتها ، قال.. ياباني 350 ريال ويوجد صيني لكن تبريدها مو مثل الياباني ، قلت هات الياباني وركبتها مع بقية القطع ، وكانت التكلفة شاملة التركيب بـ 1700 ريال والمكيف ماشاء الله . بقي أن نعرف نبذة عن قطع ( دينسو )... http://www.onesps.com/wp-content/ima...roducts_lg.jpg هي شركة يابانية متخصصة بتصنيع القطع الكهربائية والألكترونية وانظمة التبريد والحقن.. مثل الدينمو- السلف -الكمبروسر- الرديترات - المنظمات ، تم تأسيس الشركة قبل 60 سنة وتمتلك تويوتا نسبة من اسهم الشركة وهي التي تزود الشركات اليابانية وحتى بعض الأمريكية والكورية والألمانية بالقطع اللازمة عند الطلب وهي من افضل الشركات على مستوا العالم في هذا التخصص ولها عدة فروع في عدة دول . عندما نتكلم عن تويوتا او هوندا او سوزوكي فأننا نتكلم عن دينسوا...... ماعدا شركتان لاتتعامل مع دنسوا وهي سوباروا ونيسان . https://www.mqataa.co/vb/uploaded/715_01277455038.jpg |
بارك الله بك ستار على هالموضوع
|
اقتباس:
|
طيب نيساان وش البديل عن الاصلي ويكون معتمد وشكراا لك
|
دينسو وين المحل اللي يجيب قطع دينسو ماوضحت ياستار والمنطقة
|
اقتباس:
للأسف ماعندي خبرة في نيسان ، لكن لاحظت وجود علاقة بين بعض قطع نيسان وبعض أنواع السيارات الكورية ، الأهم إنك تسأل محل قطع غيار نيسان يكون تعز عليه وينصحك بالأفضل والأرخص مثل مانصحني محل تويوتا اللي اتعامل انا معاه |
|
يعطيك العافيه راح اتحراا عن الموضوع شكرا لك
|
طيب صاحب المحل تويوتا ابن الحلال
المفترض ذكر اسمه هنا تكريما له |
بارك الله فيك اخوي
بس وين نلقى المحل بالرياض |
| الساعة الآن 10:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by