هايبر بندة والتلاعب على المستهلك
 

صراحة استحي اكتب هالكلام عنهم ولكن مقهووووووورة

مسوين عرض اشتري ب 100 وتحصل على قسيمة شرائية ب 20 ريال

الزبدة مو هنا
الزبدة ان بعض السلع يزيدون على سعرها تقريبا ب 5

فمثلا اضطرينا نمر عليهم ونشترى بعض الاشياء من ضمنها سائل الاستحمام من ديتول وكان سعرالكبير ب 29 وايضا من يولاي ب 25

ومن يومين مرينا كارفور ولقينا نفس المنتجين الاول ب 21 والثاني 20

يعني هالعشرين مرجعينها مرجعينها

هو طبعهم ولا هيشتروة؟؟؟؟

عزيزتي معروفة بندة بالحركات القرعى بس احنا في الشرقية ماعندنا هالعرض
انتي اي منطقة؟
مرة قضيت اغراض معينة عليها عرض لمارحت المحاسب الله يجزاه خير عندة امانة قال اختي
هذا العرض مو مدخل في الكمبيوتر تبغينة قلت جبة ماني ردتة وحسبة بالسعر ياليت المعروف ازود منه

هلا بك بنت تميم
ما بالفار فار طاهر
اغلب متاجرنا واسوقنا تهوي سرقتنا والتلاعب بنا

هلا فيك متفائلة انا بالرياض

وهذي عروض هايبر بندة الرياض

صدقتي جمرة لكن وين الى نسمع عنهم حماية للمستهلك

ووين كلامهم اذا لقيت السلعة ارخص نعوضك

يعني كل ما شريت شي لازم افر الاسواق كلها علشان احدد من وين اشترى الدجاج والبيض والخضار والفاكهه والمنظفات ..... الخ

والله تعب تبي نوفر هالريال ولكن ننصدم

نروح على ريحة التخفيضات والتوفير ونلاقي السلخ

شكرا لك لتبليغنا على غشهم

لنتعظ ياأحبه

بنده خذوا المركز الأول في عمليات التحايل والتلاعب على خلق الله ، اللي بيروح لهم ينتبه مضبوط ويفتح عيونه ويدقق الفاتورة ويتأكد من تطابق السعر عند الكاشير مع السعر على الرف .

هذا التلاعب مشهوره فيه بنده عشان كذا وقت العرض لاتشترون منتجات كثيره عشان تكتشفون التلاعب

سالفه صارت لي في سوبرماكت لما سألت المحاسب يمني ..
ايام ارتفاع سعر الحليب من 6الى 7 ريال قلت له وش السالفه ليش ارتفع سعر الحليب
وغيرالحليب قالي والله ياخي امريكا محوطه ايران !!ياحليله فاهم في السياسه.ههههههههههههههه:lol:

..