أخواني: قدر الله علي واشتركت عند الاتصالات
دام الدعوة كذا والله لا اتصالات ولا موبايلي ولا قو.. كلها في النصب نفس المبدأ
شركات شفط ونهب.. انا عندي موبايلي والاتصالات السعودية.. كلها زفت.. وكل يوم والثاني وانا اتصل عليهم ... ضعف في الشبكة وبطئ تصفح وان صلح ما طول اكثر من شهر ويرجع مثل ما كان... والعلة اللي بيقولوها لك.. جهازك فيه فيروسات او البيت معزول بخرسانة او البيت بعيد عن البرج .. كلام موبايلي والاتصالات يبون انام جنب البرج عشان تجيني اشارة ؟؟؟ اقصد فيها موبايلي بسبب سوء التغطية أما بالنسبة للاتصالات DSL 4MB والله تعبت وأنا أحاول معهم.. بالاخير قالوا انت اشتراكك مو شامل .. قلت نغير ليش لا... وغيرنا شامل.. وبعدها طلعوا لي بموال جهازي فيه فيروسات ... طلبت الفني وطلعت له اجهزة الجيرات كلها .. 4 لابتوبات.. وجهاز مكتبي... وجهاز الفني براسه اللي مافيه الا الغباء... وش قال بعدها؟؟؟ التسليك تعبان.... وغيرت اسلاك البيت خارجية كلفتني 100ريال مع وضع عازل عشان الحرارة والشمس قلت الحين مالهم حيله... !!! طلعوا لي بموالهم الأخير وقالوا المودم مايدعم خطوط الاتصالات... لان المودم لينكسس.. قلت له غيروه لي مودم يدعم .. وطلبت مودم الاتصالات وصار اشتراكي افاق شامل جود برودباند.. وفكرت فكرة حلوة... وقلت من كان له حيله فليحتال... طبعا اللي يطلب المودم لازم يوقع باستلام المودم... انا وقتها قلت للفني باجرب المودم.. قال خلاص... جربت المودم وكانت الفاجعة على الفني ان الاتصال والتصفح والداونلوود نفس اللي بمودم لينكسس...!!! قام يحك راسه.. المهم انا بعدها قلت له كلم المسؤول وقول له ان المودم حقي لينكسس مافيه ولا عيب... ورفضت المودم... وبعدها رجعت السرعة سلام سلام تحميل 450 كيلوبايت نسبيا ممتاز مع انه المفروض يصير 500 تقريبا بعد تقسيم السرعة 4ميقا على على 8 وهذي كل السالفة والآن رجعت نفس المشكلة من جديد ... وفي محاولات لحل المشكلة المتكررة من شركة الانفصالات المتعددة... |
اخوي ..
كنت اشتكي من التقطيع والثقل بالتصفح ومثل ماقالوا لك المشكلة من عندك ياالعميل وهم براءة ! وايضا طلبوا منا تغير المودم ورفضنا مودمهم ,, واصرينا على الصيانه ولما جت الصيانة وكشفت لقوا ان السرعه لم ترفع من عندهم :) يعني مخلينا على السرعه القديمة ويقولون انهم رفعوا السرعه :) الاتصالات شركة حقيرة |
اقتباس:
حياك الله أختي جمرة والله شر البلية ما يضحك انا رفضت فني مايعرف راسه من رجوله وانتم بكرامة وتفاجأت ان الاتصالات ترسل لي رسالة انه تم تشخيص العطل وتبين انه من اعدادات المودم... وقمت اتصل عليهم وانا شاب نار :mad: وش دراكم ان المودم خربان؟؟؟ هاه انتم شركة ؟؟ والا تلعبون علينا وجبتوا الفنيين من الحراج .. الفني مادخل البيت ولا عتب الباب.. ولو ارسلتوه باسوي معه مشكلة ... هذا انذار له .. ههههههههههههه قسم بالله اني ما كملت ساعة الا ورسالة ثانية باسم فني ثاني .. قلت كذا يجون بالعين الحمراء لكن المرة هذي سوف انتجه منهجا آخر ومنحى جديد في علاج هذه المشكلة... وان شاء الله تنفع معهم |
لا أعرف ماهو المشكلة أنا مشترك في الاتصالات السعودية منذ 9سنوات بدأت بأقل سرعة وحتى الآن وصل سرعتي بروباند بلس 4 لم يتقطع ولم يحدث مثلما يحدث لكم هل يرجع إلى القسام فأنا أقيم في وسط البلد (جدة) ولم أشتكي من أي مشكلة منذ بدأت بالتصفح وحت الآن قد يكون القسمات الجديدة المركبة في الأحياء الجديدة يختلف نهائيا عن القسامات القديمة في السابق وكان الفنيين من الأسيويين بعدما سعودة الوظائف بدأت تظهر المشاكل |
اقتباس:
حياك الله أخي هامور.. نفس الشئ عندي .. بدأت من 128 والان 4ميقا.. وفي كل مرة ترقية سرعة يحدث مشكلة.. وفي كل شهر لازم اتصل على 907 او 906 حتى يتم حل التقطيع وسوء الخدمة.. وياليت المشكلة هنا وبس .. لكن المشكلة الأعظم انه لما ترسل الاتصالات فني مايعرف يحل المشكلة.. ووالله ان مرة جاني فني اعتقد انه اثيوبي او حولها لهجته من هذولا اللي يقول لك انتي وانتي وهو يكلمني.. اضطر انه يتصل من جوالي بحكم جواله مخلصه بطاريته .. وعلى من اتصل؟؟؟ على الدعم الفني؟؟؟ دعم فني ويطلب دعم فني!!!!!!!! لهم رقم خاص بالفنيين لما يتورط وما يعرف يصرف العميل... انت ياخوي حالتك شاذة... وانا كل اللي اعرفهم يعانوا من مشاكل الخدمة ... |
Abu_Bader2004: دق على 906 و أطلبهم ينقلون رقمك على كبينة إلكترونية , خلك على الطلب هذا و بتنتهى مشاكلك من تجربه .
يمكن إنك سويتها بس بأذكرها من باب العلم: أسحب سلك خارجي من الدي بي للمودم دايركت . كلام جمره يأكد حركات تلاعبهم اللى ما تنتهى و كلام هامور صحيح .. يزبط الإتصال بمناطق و مناطق لأ . |
اقتباس:
حياك الله LiL CAT ونفس الكلام اللي قلته والله اني سويته إيه تذكرت وش أفضل طريقة لنقل الخط للكبينة الرقمية؟؟ فيه وحده جنب البيت ولا تبعد إلا أقل من 150 متر.. ولكن مشغلينها على ديزل لأن الكهرباء ما وصلها وأخاف بكرة يخلص الديزل وبعدها اقعد بدون انترنت.. يقول المثل خلك على قردك لا يجيك اللي أقرد منه عموما من سبق وجرب نقل خط من كبينة فريم إلى رقمية؟ يعلمنا إجراءاتها لأن الاتصالات ما تبي تشتغل الا بالقوة وانا حاولت فيهم لكن يتعذرون انهم شغالين على الموضوع وانهم راح ينقلوا كل الخطوط بس يبي لها صبر شوي... |
الحقبقه تجربتنا مع شركات الاتصالات متشابهه
بس انا اوقفت "دي اس ال" من ثمانية اشهر وطلبت "وايرليس" بنفس السعر تقريبا في البدايه كان كثير المشاكل ويعلق بس الان لاباس به ولو انه بطيئ في "الداون لوود" انما يمشى الحال المشكله مع الاتصالات سرعة الاستجابه وسوء فهم الموظفين لم يوقفو ال"د اس ال" الا بعد تعب ومراجعه وبعد ما لطشو كم شهر ولم يعيدو المباغ لي مع العلم انهم اعترفو بخطا الفوتره حاولت استخدم "جو" بس مااشتغل عندي في الحاره رجعوا لي فلوسي بعد شهر لم اتعامل مع موبايلي الان طالعين "بجود بلس" و"جود برودباند" كلها دعايه انا ماجربتها ولا ابغى اخاطر معهم و لا ابغى ادخل في معمعة فواتيرهم لان يدهم اليمين ما تعرف وشيدهم اليسار تسوي وياليت نسمع من تجاربكم لان الفائده تعم |
اقتباس:
بعد مده واحد من الربع علمنى فيه قنصل ساكن بجنب البيت و النت عنده ما يفصل ابد ,, بعد التحري عرفت السالفه انه خطه راكب على بوكسيه رقميه , كلمت الانفصالات يحولون رقمي عليه و بعد يوم و نص الخط اتنقل و فرقت العمليه مره وحده , ما اكذب عليك فيه تقطيع بس على خفيف و اوقات يقطع نص يوم و قبل مده قطع يوم كامل . شف الخفيفه: كلم 906 و اطلبهم تحديث البورت تراها تفرق معك بالحيل بس لو نقلت للرقميه رايح يتحسن معك الوضع . |
اقتباس:
- الفاتوره مزبوطه ,, أول شهر بيجيك حول ال 600 لو تأسيس جديد و فوق ال 400 لو اخذت مودمهم ( خذ التفاصيل من موظفهم و سجل المكالمه ):D - اول شهرين الاتصال مره جبار ,, بعد كده تقطيع خفيف "هذا اللى عندهم الدي إي إل ثابت " - اللى الخدمه عنده رايحه فى خرايطها ممكن الوضع يسوء معه لدرجة ان التلفون نفسه يفصل لا اتصال ولا إستقبال . - مودمهم 007 و 011 جيد للغايه عيبه تغطية الوايرلس عاديه و ميزته فتحة اليو إس بي تستخدمها للطباعه لاسلكيه " لى عليها تحفظ " . و إن شاء الله غيري يفيدك أكثر . |
| الساعة الآن 02:46 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by