استشاره بخصوص عيادات الأسنان
 

مساكم الله بالخير جميعا

لاحظت مؤخرا من خلال اعلانات الصحف والبوسترات والرسائل الجوال وغيرها اختلافا كبيرا وتفاوتا في أسعار الخدمات المقدمة من عيادات الأسنان...

فمثلا لاحظت أسعار تركيب سن واحد بالبورسلين-تلبيس- (crown) تتفاوات من 280 الى 480 ريال

فهل هذا الاختلاف بسبب اختلاف المواد الخام والطبية المستخدمه؟ أم أن أيدي أطباء الاسنان تختلف.....؟

سؤالي للجميع وخصوصا أهل جده

أين أجد عيادة أسنان شغلهم نظيف ويخافون الله وأسعارهم معقوله لأني أبحث عن طبيبة أسنان لزوجتي

وبالتوفيق للجميع

في أي منطقة من جده؟؟

مساك الله بالنور

عياده بحي الجامعه اعرفها من انا وصغير حتى اهلي يرحون لها وزوج اختي ايضاً الحمدالله بالنسبه للأسعار يمديك تتفاوض معهم ويأخذون منك دفعات كمان هيا بألاصل عياده دكتور محمد أحمد شربط (سوري الجنسيه) حالياً اللي شغالين فيها دكتوره فلبينيه + ولد الدكتور ايضاً
شوف الفلبينيه بالاول العنوان على حسب ما مكتوب بالكرت شارع الجامعه - عمارة عجيب- فوق بنك الراجحي - الدور الأول شقه 1 تليفون 6894765 الدوام (اتصل علشان تتأكد) روح الصباح احسن علشان لاتكون زحمه.

وصف العياده وانتا جاي لحي للجامعه من خط السريع حيكون على يمينك جامعة الملك عبدالعزيز وبوجهك دوار الجامعه تأخذ الدوار وتروح يسار حيكون على يدك اليمين وقتها سوق جامعه بلازا ويمينك ريدان تطول تتعدى الدوار الثاني لين ما يكون على يسارك بالضبط بنك الراجحي وبنفس العماره حلويات هناء هيا ذي العماره مدخلها من الخلف لا تستغرب من شكل العماره:D بدون كشفيه على حطول تدخل وتقلك بكم تسوي السنون بالنسبه للتلبيس 500 ريال البورسلان اما خلع السن 100 ريال وشيل العصب وحشوا السن بـ300 ريال ( السنين اذا عندك لا سمح الله تقدر تؤصلها معى الدكتوره 550 ريال على دفعات وجلسات ) وان شاء الله تكون استشارتي بمحلها وقدامكم العافيه لا تنسى تتكاسر معها

ألف ألف شكر اخوي

والله يعطيك العافية

معقول مافي الا شخص واحد رد علي؟؟

ما حددت لي في أي منطقة أنت .. لكن أعطيك معرفتي بشمال جده .. ما اعرف الأسعار لكن أعطيك فكرة عن الخدمات.

مستشفى غسان فرعون .. شغل نظيف و دكاترة على مستوى بس موسهم حاد.

و عندك في شارع حراء شرق دوار الجواد الأبيض مركز الأمجاد لطب الأسنان .. شغل نظيف بأسعار متوسطة .. لا غالي و لا رخيص .. جربتهم في علاج أسنان الأطفال و عمل تقويم لبنتي (التقويم كلف 7000 ريال و بالتقسيط كل شهر دفعة لحين فك التقويم).

و هناك أيضا مستوصف هاني رقبان شمال ميدان التاريخ في حي النهضة .. أسعاره متوسطة و مستوى شغلهم جيد.

الله يعطيكم العافية جميعا

سلام

عندك مستوصف بحلس بحي السلامة د/ طارق قطفاني استشاري كان بجدة الوطني ت : 6398685/02 تحويلة 228
اتعامل معاة من 12 سنة
لا تنسونا من صالح دعائكم .
ابو عبدالله

عملت تلبيسه في جدة وسافرت للخارج ..

قال لي الدكتور اللي وضع لك التلبيسه ثور بقرنين ..

قلت له ليش .. قال التلبيسه تتحرك والأكل داخل فيها وبيسبب لك تسوس ..

ويشيلها وأحط واحدة ثانية ..

أسناني كلها عملتها في أمريكا .. صحيح دفعت مبالغ كبيرة بس شغل نظيف ولك وللزمن ..

لذلك نصيحة لوجه الله لا تسترخص في أسنانك ..

لك