طلب استشارة قانونية عاااااااجلة
سلام بدخل بالموضوع على طوول انا كنت من ضحايا شركة النصب شركة ابو قبيح لاني اشتريت منهم سيارةة اول ما نزلت موديلات 2007 وكنت مستمر معاهم زي العسل في السداد المهم صار على السيارة حادث ووديتها لهم عشان التامين يغطيها وقعدت عندهم السيارة شهر كامل وطبعا انا ما سددت لهم اجرة ذاك الشهر لاني ما انتفعت بها ولا امنوا لي بديل صار بيننا شد وجذب اني لازم اسدد القسط لذاك الشهر وطبعا انا رضخت في النهاية لحاجتي للسيارة بعدها بفترة صارت علي ظروف وتاخرت عليهم لمدة اربعة شهور متفرقه وكانوا يكلموني وكنت اقولهم اني بمر واسددهم الحاصل واعدتهم اني اسددهم يوم الاحد وقالوا اوكي ويوم الخميس سبقوني وسحبوا السيارة من قدام البيت؟؟؟؟ رحت لهم وقلت لهم اني اتفقت معاكم على السداد يوم الاحد ليش سحبتوا السيارة؟؟ قالوا هاذي الشؤون القانوينة اللي سحبت السيارة ( مش احنا) قلت طيب هاتوا اغراضي وامر عليكم الاحد اسددكم قالوا مش عارفين مكان الحوش اللي سيارتك فيه؟؟؟؟؟؟؟؟؟ طيب واغراضي وبطاقاتي؟؟ قالوا ((معلهش)) سدد واحنا نجيب السيارة لغاية عندك صار شد وجذب بيني وبينهم وقلت اني راح ابلغ فيكم انكم ساحبين السيارة وهو على حد علمي ممنوع بقرار من وزير الداخلية رد المصري بكل بجاحة اثبت ان احنا اللي سحبناها؟؟؟؟؟؟ عن طريق احد معارفي عرفت مكان الحوش ورحت واخذت اغراضي من السيارة وخلاص النفس عافتها والله يعوض علي في اللي دفعته فيها اتفاجا انهم يكلموني ثانية ويقولون تعال سدد وخذ السيارة قلت ما ابيها والدفعة الاولى والقسطين اللي الزمتوني فيها حلال على قلوبكم + الشهر اللي الزمتوني فيه وانا ما انتفعت بالسيارة قالوا ( معلهش) يبقى لازم تدفع رسوم فسخ عقد وهي مبلغ وقدره.......... سؤالي هو // وش الاجراء االلي يقدرون يسوونه ضدي وهل يعرضني للسجن على قولتهم؟؟ هل يعتبر العقد لاغي لان من شروط العقد سحب السيارة وهو ما الغاه وزير الداخلية لاحقا بقراره؟؟ ارجو افادتي بالرد وما هي الخطوات اللي اقدر اخارج نفسي منهم باللتي هي احسن مشكورين مقدما |
السلام عليكم
اخوي من الافضل استشاره قانونيه عن طريق محامي هذي شركه واموالها حرام في حرام ومظفيها من فئه ولا بلاش المهم المحامي افضلك دمت بخير |
سؤال
هل العقد الموقع اللي فيه شرط السحب قبل ، أم منع وزير الداخلية قبل ؟ |
قبل قرار المنع
|
أخي الكريم
1- أقراء جيداُ العقد المبرم بينك وبين الشركة لأبد أنه يوجد فقرة تفيد أن في حالة عدم سداد لمدة كذا تسحب السيارة .
2- بادر في التبيلغ عن السيارة إذا لم يتضح أنهم سحبوها عن طريق الجهات المختصه. 3- هل أنت موقع على كمبالات أو سند أمر. 4- كم المدة التى ضلت السيارة في الورشة وهل لديك مستند بذلك؟ 5- نعم لهم الحق اللجوء الى المحكمة والمطالبة في باقي قيمة العقد + عدد الشهور التى لم تدفع لأنك لم تقفل العقد. |
مثلما تفضل الأخوة الفضلاء .
تثبّت من موقفك وإقرأ العقد ، وفعلا لاذمة ولا ضمير حسبي الله وكفى ، وأنا رأيي أنك تستلم سيارتك يا أخي ، وتكمل السداد والله المستعان . |
لو انا مكانك.. ومن القهر..
لأدعيت ************************************************** ***** و الا بلاش لأن من سن سنة سيئة فعليه وزرها ووزر من عمل بها.. كان الله في عونك.. |
الله يعينك ..............
أول شي العقد مكتوب فيه أن للشركة الحق في سحب السيار ة بعد شهر و5 أيام من كل شهر ميلادي لأن القسط يحل يوم 1 من كل شهر والشركة غير مسئولة عن أي غرض داخل السيارة ولا يحق للعميل مطالبتها بذلك والتأمين أو الورشة ما تعطي سيارة بديلة الا إذا كانت مدت التصليح أكثر من 45 يوم وأيضا يحق للشركة رفع دعوى قضائية عليك لأن كل سيارة فيها كمبيالات وموقع عليها ..... ((((((عيبنا ما نقرأ العقد ))))) شوري عليك ؟؟؟؟ تروح وتسدد المتأخر وتطلب منهم مبلغ التصفية وتأخذ السيارة وتنزلها المعارض وتبيع السيارة وتروح انت والشاري للفرع وتسوي له تنازل وراح بلغى العقد وتنقل ملكية السيارة بإسم الشاري ؟؟؟ والله يعوضك ((( منقول من قريب لي ))) |
الله يخارجك منهم
وعليك بالدعاء ان الله يخلصك منهم على خير تحياتي لك |
كبر الوســــــــاده وحط راسك
ماعندهم ماعند جدتي ؛ يخوفون العميل علشان يسدد انا لدي مشكله مع شركة تأجير مخرج 10 بسبب التامين ولعبت بسيارتهم 9 شهور بدون سداد (مخبيها في البيت) وفي يوم من الايام وبخطأ مني وقفت برا وسحبوها... الزبده رحت لهم وقلت وين السياره قالوا في المستودع ادفع المتاخرات وخذها....قلت ابي اغراضي..قالوا ابشر والسياره ماتبيها قلت لهم لا..... بيني وبينكم (طاح اللي في راسي والسياره معدومه) والا الان لم يطالبوني بريال واحد مع العلم بأن لي سنه و3 شهور عن المشكله <<< وسع صدرك الدنيا بخير >>> |
| الساعة الآن 09:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by