المستندات المطلوبه لتقديم شكوى لمؤسسه النقد العربي السعودي ضد اي شركه تأمين
 

بسم الله الرحمن الرحيم

اخواني لكل ن يبحث عن طريقه ارسال شكوى لمؤسسه النقد العربي السعودي
ضد اي شركه تأمين هذا الموضوع ان شاءالله راح يساعد ويسهل الهمه دون عناء
كما حصل معي


اولا : لو قدر الله وحصل معك حادث بسيط الله يبعد عنكم الشر جميعا
عليك اولا بتصوير جميع المستندات
حتى لو لم تكن المخطئ
الرقم الموحد لشركه نجم لتخطيط الحوادث هو : 920000560
في حاله رفض شركه التأمين لدفع المبلغ المطلوب لتصليح السياره
بإمكانك الاستعداد لتقديم شكوى ضدهم لمؤسسه النقد
صوره إثبات الهويه
صوره رخصه القياده
صوره استماره السياره او عقد الايجار
صوره وثيقه التأمين لك وللطرف الثاني
صوره تقرير حادث المرور\إذن اصلاح
صور تسعيرات الورش\ او شيخ المعارض اذا كانت السياره تحت موديل 2000
صور من رد شركه التأمين لرفض الدفع ان وجد

هذه صوره من المستندات المطلوبه لتقديم الشكوى

http://i174.photobucket.com/albums/w...92009052-1.jpg


بعد ماتقدم اوراقك راح النقد تسلمك ورقه تعبي فيها بياناتك وبيانات شركه التأمين
وتذكر فيها مشكلتك مع التأمين سواء كانت مماطله او غير ذلك وتذكر اسباب الشكوى
بعدها راح تستلم ورقه موعد
تراجع فيه الشكوى





http://i174.photobucket.com/albums/w...92009054-1.jpg
طبعا خذ بالاعتبار انهم راح يردون عليك بعد شهرين تقريبا او اقل او اكثر على حسب مايجي دور القضيه


بعدها راح تستلم خطاب اجتماع لجنه حكم بينك وبين شركه التأمين
وراح يصدر فيها هل تلزم الشركه بالدفع لك او لا
وماهي المبررات لذلك

هذه صوره من الخطاب

http://i174.photobucket.com/albums/w...0b9694fd-1.jpg


رقم مؤسسه النقد الرئسي في الرياض
014633000
عن طريق هذا الرقم يتم تحويلك من قبلهم لأي فرع -الشرقيه او الغربيه
او فاكس رقم
014662217

اتمنى اني ما ابخلت عليكم بأي معلومه او نقص في المعلومات
اي استفسار عن تقديم الشكاوي انا حاضر ^_^

يجزاك خير أخي علي
يثبت الموضوع لاهميته

والله تتعب انت وياه

مع شركات التأمين

عندها محامين على اعلى مستوى من الكفاءه والجديه

جمره غضا الله يجزاك خير


اخوي ساهر صحيح انا راح اتعب
لكن انا عندي افضل واعلى محامي في الدنيا
وهو الله سبحانه وتعالى


التأمين اخطأت خطأ كبير بأنها لم ترد بخطاب بسبب الرفض
مؤسسه النقد شددت على اصدار خطاب يوضح اسباب الرفض لكن لا يوجد
وهذا سبب رئيسي ودافع يقف بجانبي

جهد مشكور ومعلومات قيمة وتثبيتها لصالح الجميع للأهمية

المشكلة أنهم لايرفضون الدفع ..... ولكن يماطلون بتعال بكرة ...المسؤول غير موجود... الشيك لم يصل من المالية.... باقي توقيع المدير
المشكلة ان تجد في قسم الأشتراك عشرة موظفين ... أما قسم التسديد فتجد موظف واحد لايرد على الهاتف وأذا كلمته يخبرك بأن الموضوع ليس بيده..؟
أحد زملائي قال أنهم بعد أسابيع من المماطلة بدأوا يكاسروه في قيمة التعويض "تقول سوق غنم"

الله يهدهم:mad:

السلام عليكم

انا سجلت جديد بالمنتدى عشان هالموضووع


اعرف بنفسي لكم

انا موظف عسكري في مرور مكه المكرمه
في تسجيل المخالفات في شعبة الحاسب الالي
وطبعا انزل في التقارير واوراق الاصلاح في الحوادث وقت الاستلامات

اخواني كل اللي ذكره اخونا ali3llawi صحيح والله يجزاه الف خير على التوضيح للكثير

ولكن في شيء مهم

اللي هو انه بإمكان اي واحد يطالب بتعويض كل 15 يوم من التامين وقت المماطله من قبل التأمين

طبعاً تقديم التعويض ايضاً في هيئة المنازعات بجده

طبعا للي تابعين لمكه والطائف في جده فيها هيئة المنازعات اما مكه مافيها

اسف لخبطتكم هههههههههه

طيب اي خدمه انا تحت امركم وانا قديم معكم ولكن ما سجلت تابعت اخبار تويوتا اول بي اول

وترى والله حتى المعقبين اللي شغالين في الشركه يشتكون من المشاكل اللي مع الزبائن

واسف على الاطاله


اتمنى لكم التوفيق

وعليكم السلام ورحمه الله
حياك الله اخوي TTT9
طبعا اللي انا ذكرته بواقع تجربه
وبالنسبه لكلامك انك تقول اقدر اطالب بتعويض هذه لسا ما استفسرت عنها اكثر
لكن بعد ما اخلص من قضيه السياره راح اتفرغ للمطالبه بالتعويض عن خمس شهور
انا مانسيت هذا الشي
وهيئه المنازعات زي ماذكرت اكيد لها مقر في الشرقيه او الوسطى
وياريت اذا عندك معلومات اكثر عن المطالبه بتعويض المماطله تخبرني عنه
انا في الشرقيه
واقدر اروح للوسطى لو امكن
بس ياريت تكون الشرقيه تسهل علي المشاوير انا حاليا بدون سياره
طيب تتوقع مماطله 15 يوم كم تقدر تعويضاتها
ياليت تعطي الاخوان فكره عن الموضوع اذا عندك
انا مشواري طويل ولسا بكتب كل شي يصير معي

الله لا يبارك في هالشركات الخايسة
شركات شفط وبس
وين اللي يحمي المواطن من هالنصب والتلاعب

تعبنا وحنا نقول وقفوهم عند حدهم
حسبنا الله ونعم الوكيل فيهم