أقتراح في نظري مهم وضروري
 

السلام عليكم ورحمة الله وبركاتة

كيف حالكم يارب الكل بخير

صراحه اسعدني هذا الموقع ومايطرح فيه بسلوب حضاري ومقنع

وحبيت اسجل فقط علشان اقترح عليكم هذا الاقتراح وانا عارف انه ليسى جديد وكيد فكرتو فيه

بما اني موظف في احد شركات سيارات وحسيت بالمعاناه الي هم يحسون ويفكرون فيها شركات والموزعين لسيارات

وصراحه من كم يوم سألني شخص وكان معي مدير المعرض

قال صحيح سيراتكم عليها عروض من غير دفعه اولا ولا عليها دفعه اخيره ومعها تأمين شامل ومن غير رسوم اداريه وأستخراج لوايح من المرور على المعرض

قاله المدير نعم

فراح شخص وتصل على اخته وقال صحيح كلامهم من غير اي دفعه على كلامه ان اخته مدرسه وكانت بطلع له سياره وحده له ووحده للبيت لهم

وقالو الحمد الله ان احنا شايلين هم الدفعه الاوله

وقال لهم المدير لا بعد في اقساط مريحه اول شهرين مادفعون ولا اخر قسطين وغير كذا 60 شهر اقساط

انبسط شخص وحجزو سيارتين امس استلمو سيارات

والمسكين مايدري ان انظحك عليه

بعدين تعرفو ايش قال لي المدير المعرض قالي الحمد الله ان مايعرفون شي

ولا يشفون عروض ثانيه بالجرايد

وقام يضحك وقال واهم شي مشاف موقع خليها تصدي وقام يضحك ههههههههههه

وانا من هنا انصحكم تسون حمله دعائيه وتسون استكرات لسيارات وفيها رابط موقعكم \\ خليها تصدي

استكر يتلصق في القزاز سياره بالخلف او تكتبون حملة خليها تصدي لسيارات

او اي شي بس اناس تنتبه من نصب ووالاسعار المرتفعه

وسامحوني اذا ضايقتكم بالموضوع

دمتم بود

حياك يا الغاالي

فكرة ممتازة وجزاااك الله كل خير على غيرتك
ووكلاء السيارات والتجار يجيهم يوم اسود

هلا بك بالمنتدى ..
بخصوص الملاصقات فيه
أخ لنا بالمنتدى فعل هذا الإقتراح على سياراته
https://www.mqataa.co/vb/showthread.php?t=14129
0000000000000000000000000000000000000


والله يصعب علينا حال من ينخدع بالعروض الوهمية المقدمة الآن من الوكالات

اجل تاجل أقساط يعتبر عرض !!!!

هنا يأتي دورنا في التوعية والتوضيح
ونتمنى من الجميع المعاونه على نشر المنتدى ورابطه في القوائم البريدية
وهذا قروب المنتدى للاشتراك به
http://groups.google.com.sa/group/almqataa

وايضًا نشر قنوات المنتدى على اليوتبوب فيها فيديوهات توعية وتنبيه
http://www.youtube.com/mqataa

شوف مقترحك حلو والشباب اقترحوه قبلك لكن ماكان في داعي لكل ذي القصه اللي تبي توصل فيها لان المدير فرحان انهم ماشافوا الموقع...

المنتدى مؤثر لكن الى الان تاثيره ماتعدى 5% من العدد اللي مطلوب نوصل له...

بس اللي ابي افهمه بصفتك شغال بنيسان لان العرض اللي قلته ينطبق عليها هو شرح مفصل لكل العروض وعلى اي سيارات نازله العروض...