مطلوب محلات خاصة بأثاث العرسان (سعرها معقول)
 

سؤال وصلني أرجو أن يجد صاحبه منكم فائده :)
مادام تبي أفضل الأسعار يعني نبعد عن المحلات الغالية ولن نذكرها هنا ...
المحلات المعتدلة سعرها مع جوده
اول خذ لفة على المحلات اللي تعمل تخفيض هالايأم منها اشوف القفاري للسجاد تصل إلى 70 %
وفيه محلات على طريق خريص شرق الرياض مسويه تخفيضات
وعندك مستودعات الفيصلية مليانه اثاث وتحف واشياء جد جميله
(لا تتوقع انها مستودعات :confused:..هي معارض محترمة وأنيقة لكن عاد الإسم تجاهله :D)
عندهم معرض الامارات وبيت الانجال ومحلات كثيرة رح وشفها
شارع أحمد بن حنبل شرق الرياض كله أثاث
سوق عويس بعد ... وأن كانت الفيصلية عندها فروع نفس المحلات والسعر يفرق بعد

اما ان كنت من سكان جده فأرى
ان افضل وارخص اسعار الاسوق

سوق البدو..
سوق الصواريخ..
سوق السورين...

مشكورين على الردود ماقصرتوا .. بصراحة الأخ السائل لم يذكر باي مدينة
تقصد محلات بن قاسم اللي داخله عن الشارع العام قيصريات متغطيه صح... أو إلا من أوله .
<القفاري جودة :o>

8
8
8
هذا سلمك الله قريب من الحراج حراج بن قاسم وفعلاً مثل ماذكرتي محلاتهم في قيصريات ..

لو اشكل عليكم اوصف وصف ادق :)

منكم نستفيد
واتمنى يا عميده لو تحطي موضوع خاص للأثاث مثبت تكون الصفحه الاولى (الثانيه أذا أحتجنا )محجوزه بالكامل تقسم المدينه والأسواق والمحلات اللي فيها تختص بالاثاث واسعارها والنصايح المهمه في اختيار الاثاث والجوده والاسعار والصفحات اللي بعدها تكون بمشاركة الأعضاء من مختلف المدن بأسماء المحلات والاسواق والاسعار واذا في منتج سيء ننصح غيرنا بالابتعاد عنه (ياليت في صور ) والعكس وكل مشاركه ينظر لها وتنحط في الصفحه الاولى أو الثانيه ولا ننسى تحديث المعلومات (علشان لا تكون المعلومات قديمه ) علشان الزائر أو العضو يستفيد و يلاقي كل شيء متوفر في صفحتين ومحصور بدل البحث في الصفحات الثانيه والطويله بكذا وفرنا للمستهلكين أشياء كثيره واتمنى من الأعضاء النيه الحسنه وتجنب الدعايه والتعاون للمصلحه وحب الخير وتطبق الطريقه هاذي بكل اقسام المنتدى مثل الاجهزه الالكترونيه ....الخ

ونتمنى تفاعل الاخوان

حياكم جميع
عنيد اقتراحك ممتاز وياليت يتعاونوا الاعضاء بذلك لنحقق الفائدة .. لكن تثبيت المواضيع وغيرها من اختصاص الاشراف انا فقط "عضوة "

الله يوفق صاحب الرساله بزواجه
والله يعينه على التأثيث