مؤشر اسعار عائلي
السلام
اليوم طلعت فكرة خلاقة <== متعوب عليها هالكلمة ولدي الله يسلمة ابو عشر سنين وطبعا كاي طفل في العالم وعنده عطلة ماعمرة مسك القلم لحظة بتقولون روحي منتدى عالم حوا المشاكل الاسرية ؟؟لا اصبروا شوي اعلمكم جبت اليوم كل العروض اللي لقيتها تحت بابنا وعروض الجرايد وقلت له يا وليدي الحبيب انا مااقدر الحق اشوف كل الاسعار وجلست اورية الاختلافات لنوع معين من محل لمحل وطلبت منه يقارن ويدون كل محل وش افضل شيء عنده وارخص سعر هو جالس الحين يسوي اللي قلت له وناديته يقرا معي الموضوع اللي نزلته علشانه ومبسوط وهو يقرا:) مايستفاد 1- تعليم الولد على القراءة والحساب 2- ترجيع مهارات الكتابة المنسية مع اخر يوم دوام 3- توفير اقتصادي لنا 4- ابو عبدالله الصغير يعرض خدماته للمنتدى اي شيء تبونه يوفره لكم بارخص سعر |
ابو عبدالله يخليك لعين ترجيك ****** حاجة رائعه يا ام العيال اول حاجة تدمج الطفل مع الاسرة وتعطية مجال للمشاركة ويشعر ان له رأي وحلو تدريب الاولاد على البحث والترشيد بدل مايقول ابي ابي يقول هنا افضل سعر هنا افضل منتج |
فكرة ممتازة و الله يخلي لك ابوعبدالله.
بس فين نتيجة البحث و التمحيص و الكتابة .. ماشفنا شي. |
السلام
شكرا جمرة غضا وابوهشام افضل سعر مكرونة هالي عند العثيم ب95 هلله والفيمتو الدانوب ب4.5 وراح اليوم ابوه العثيم وشرا اللي قال عليه منه يوم رجع وهو شاري كريم كراميل قال لا يابابا الكريم انا قلت لك في المخازن الكبرى ارخص :) بس العثيم مجرمين تخيلوا مارضوا يحاسبون بس العروض يقولون لازم تاخذ شي ماعليه عرض:( ................. جايتكم اي عروض يلقاها بطلنا بعلمكم |
العثيم معروف بالاعيبه واسلوبه الترويجي للنصب اجل لازم معه شي من غير العرض :rolleyes: علشان يطلع قيمة العرض ومكسب بعد :cool: |
السلام عليكم
والله الفكرة روعة مرة ماتوقعت هالنتائج ، الولد كان الجريدة على طول صفحة الرياضة الحين يمشي شوي شوي يدور عروض :) جمرة غضا وابوهشام ترا الولد يسلم عليكم فرحان بتشجيعكم:) |
الله يوفق ابو عبدالله والله يام العيال ان هذه التجربة سوف تجنين حصادها بعد مايصبح ابو عبدالله رجل يشق طريقه في الحياة الله يحفظه لعين ترجيه |
ابو عبدالله انا انتظر كتابتك والاسعار الي بتسويها عشان اشتري زي ماتكتب لان رايك بيكون صح
الله يوفقك يابوعبدالله احنا بأنتظارك ياغالي لاتتأخر علينا |
شكل أبوعبدالله أنشغل مع المدرسة و مشاكلها.. :)
|
الساعة الآن 08:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by