ظاهرة انتشرت ولبعض ساكت
في ظرف اسبوعين صار لي ثلاث مواقف الاول كنت في بنده في القصيم اشتريت اغراض ب445.38 ريال المحاسب اخذ الفلوس وحاسبني على446 يعني لهف الهلللات الباقيه62 هلله وعطاني الفاتوره قلت له فين يالحبيب حسابك كذا وكذا راح رجع لي باقي الهللات علك قلت له بأي حق تبيع لي بضاعتك مرهتين مره هالمقاضي ومره هالعلوك وبعدين مؤسسة النقد مابعد طلعت عملة جديده اسمها علك المهم حس اني تضايقت قالي شفيك زعلت هاذي اول مره يجي زبون ويطالب بهللات قلت شلون قال لندرة طلب الناس لها صرنا مانجيبها ونستبدلها بعلك عشان الذمه ياسلام!!!!! الموقف الثاني في بلشرف المحاسب سألني بكل ادب تبغى الباقي هللات ولا علك اما الموقف الثالث وهذا البارحه طازج كنت في محل على كيفك حسابي كان 210.50 قالي 211 قلت له ليش فين راح النصف ريال قالي هندي مافي نصف المهم بعد نقاش خفضوا لي ..... طبعا والصيدليات يعطونك مناديل والمطاعم مويه ابو نصف وللاسف الناس ساكته ماتطالب بحقها حتى لو كان طفسه صدقوني لو كل واحد حط له حصاله عند مدخل صالة بيته ورمى فيها هالطفسه شوفوا في اخر الشهر وش يجمع. الله يوفقنا وياكم
|
صدقت والله.. وأنا شخصياً كنت أجمع الهللات_اللي أغلب الناس متهاون فيها_ وبعد فتره طلع المجموع = 458 ريال !!!!!!!! أنا إنسانه ما أخلي هلله وحده عند المحاسب لأني لستُ دلخه :D |
اقتباس:
ماشاء الله عليك ,, أعجبتني ردودك على من حاول الإحتيال عليك ,,,, وانا دائما تحصل لي نفس المواقف وخصوصا عند محطات البنزين (بحيث ان السيارة لما أعبيها فل ) ماتصير القيمة كاملة ,, يعني 31,33 واحد وثلاثين ريال وثلاث وثلاثين هلله !! ويجي ياخذ مني ثنين وثلاثين ريال!!!!!! قلت معصي رد علي البنغالي +++من أوسخ انواع العماله +++ برد وقح وقال (انتم يالسعوديين تشرون بايسن بريالين وتشربون نصفة وترمون الباقي!!) قلت العبها على غيري ! وعمل لي تخفيض ,,,,, أتمنى الجميع مايسكت بهالمواقف . |
كلامك صحيح اخوي
فل نطالب بالهللات قبل الريالات كل الود |
شكرا لمروركم وشرطتكم ودفاع مدنيكم هههه اسف امزح لاتزعل يالمشرف شكرا لكل من تفاعل مع هذا الموضوع شكرا لكل ذيب وذيبه مايسكت عن حقه روحوا برا وشوفوا كيف المحلات يحترمون بلدهم ومواطنينهم ونظامهم وكل شي عارفين ليش لان اصحاب المحلات عاملين حساب اشياء واشياء ممكن تصير لو تلاعبوا.
|
فعلا هذا موضوع يتجاهلة الكثير من المواطنين ولا يدرك أهميتة
أشكركــ أخي الكريم على طرحك هذا الموضوع.. تقبــل تحيـــــاتي |
ضحكت على ( وبعدين مؤسسة النقد مابعد طلعت عملة جديده اسمها علك ) فعلا معاك حق :) |
خويكم حضرمي وربي الربع ريال ما يفر مني اخذه على طول واحيانا يقول المحاسب ما عندنا اقول وقسم لترجع الربع ريال بالقوه والا بالغصب لاني عرفت هذي الهللات بعد سنه توصل اقل شي 500 ريال واللي مو مصدق يجرب الحصاله مثلي ومثل الاخت امرأه لا تنحني وتعرفون قيمة الهلل
|
ياجماعة
هاذي كلها حركات لسلب اموال المستهلكين تم استيراد هذه الحركات مع الوافدين |
اقتباس:
هذه صارت لي اكثر من مرة مع كاشير بلشرف .. وهم احسن من غيرهم اللي يجبرك على العلك |
| الساعة الآن 02:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by