رقعة البنشر التيوبلس قيمتها ريال بس ويبيعونها علينا بعشرة لية
 

السلام عليكم
يا اخوان كثير منكم لايعرف سعرها الحقيقي
قبل سنتين اخبرني احد الزملا ورحت محل العدة واخذت علبة فيها عشر رقع للتيوبلس مع اليد اللي تستخدمها لادخال الرقعة بالكفر المبنشر عارفين كم سعرها 15 ريال لي سنتين ولم استخدم منها الا اربع حبات
كل مرة يصير لي بنشر انزل منفاخ الكفر واشبكة بالوالاعة واعبي الكفرة هواء واشوف من وين التنسيم اغلب الاوقات القاة مسمار اشيل المسمار واظع احد الاصابع (الرقعة ) واظعها باليد اللي جت معها واظغطها لتدخل مكان المسمار مايبيلها ذكاء اذا خلصت الرقع تلقونها لحالها الحبة بريال وعند البنشر ياخذ عليها عشرة ريال يعني اللي انتم بتاخذونة 15 ريال للعدة كاملة بيبيعة عليكم 100 ريال 10 رقع ظرب 10 ريال للحبة = 100 ريال

خذها وارميها بشنطة السيارة لازم تحتاجها وخلي 90 ريال بجيبك انت وعيالك اولى فيها

حسبنا الله على هالبنشريين اللي مايخافون الله

مشكور عالمعلومات وجزاك الله خير اخي الكريم

فكرة جديدة علي بصراحة ، الرقعة ضرورية تكون في عدة السيارة وراح اشتريها ان شاء الله

الف شكر لك على المعلومة

مشكورين على المرور

من جد اخوي من الظروري وجودها بعدة السيارة هية ومنفاخ الهواء اللي يشتغل على الولاعة كثير من المرات تسعفني وصار وجودها ظروري بعد اكثر من موقف تعرظت لة بالذات خرجات البر تبنشر اكثر من مرة وانت في الخلا يكون قلبك معك وكمان بعض الاوقات وانت نازل للدوام والا الكفر نايم ما ياخذ 5 دقاييق حتى ينفخ واداوم ولا تغير الاستبنة ويتسخ الثوب وتتاخر ولاهم يحزنون

فكرة سديدة ...

خاصة لأصحاب المشاوير الطويلة و هواة البر و الكشتات.

تسلم ما قصرت اخوي

مشكور على هذه الملاحظه وياليت ان تصور خطوات الطريقة لتكون واضحه للعموم

صح اخوي وانا بعد اتذكر اني اشتريت من ساكو تقريباً بعشرين ريال ولم استخدم الا واحده