تخفيضات ..لايفوتكم
 

السلام

بعد مشاورات واخذ وعطا قررنا انا وجمرة غضا ان نفتح هنا موضوع عن التخفيضات..
والموضوع مفتوح كلن يدلي بدلوه وياليت يصير فيه "فيدباك" على قولتهم يعني اذا رحتوا وماصار مخفض او مهوب زين تخفيضهم تعلمونا ...

نبدا..
دبنهامز ونكست مخفضين بس مهوب مرة ،
سيتي بلازا مارحت بس يكفي تمرون جمبه تدرون انه يوزع بلاش زحمة مرررررررررررة

وفي عطلة نهاية الاسبوع كثير محلات تسوي خصم 25%


تحياتي واذا ذكرت شيء كملت

تذكرت الماجد للعود بس بعض الاعضاء يقولون المعيقلية بدون تخفيض احسن:)

هلا يام العيال اب الماركات التخفيض الحقيقي يبداء من شهر 7 وبعضهم يسبقون بشهر
الحين عروض اللي كم يوم
بالنسبة ستي بلازا
عروضهم هي نفسها من رمضان لا يغرونكم

اكيد التخفيضات اخر شهر 7 ، بس اللي يبي شيء ملزوم هاليومين بتفرق معه 25%

سيتي بلازا زحمة غير طبيعية يمكن اروح اليوم العصر او بكرة الظهر واجيب لكم الخبر الاكيد

عاد لاتبخلون علمونا بالتخفيضات:)

حراء افينيو بجدة مسوي تخفيضات وفيه محلات 50%(أحذية /ملابس عبايات)

شكرا محاربة الغلاء للاضافة،
سيتي بلازا رحت الخميس الظهر والله تخفيضات حقيقية لايفوتكم بجامات واشياء مواليد حنى الاولاد من 8-12

عموما يستاهل مرور،،

يعطيك العافيه

السلام رجعت لكم لعروض جديدة
محلات السواني "ديرهي ويو تو " اللي في لي مول مخرج5 مسوين خصم للانتقال المحل تخفيض حلو,,

في هالسوق كذا محل مكتوب عليها انماط الخليج شكلها بقايا ماركات عندهم خصم 90 % اللي بيصير فاضي بيلقى شيء حلو:)

الله يجزاكم خير

اكسسوريز الي في التحلية تخفيض 30%
اتوقع باقي الفروع بعد تخفيض

زرت مكتبة العبيكان قبل يومين
عندهم عروض كتيبات من ريال الى 15 بعضها قديم لكن فيه فايده

يسلمووووووووووووووو

اتام 25%
ثنائيات 50%
في رمال سنتر

نيولوك عنده عروض خاصة ، النسائي يعني بس الاطفال عروض حلوة، في حياة مول والرياض جليري ومدري وين بعد؟

نظارات البركات عندهم عروض وتخفيضات تصل الى 50%
وشارع العليا العام اغلبه عروض

باكو مرسل لي عنده عروض ميغا ، مارحت والله بس ودي

فتيحي مرسلين يقولون بكره عندهم سربرايز بس في الملز عاد مدري وش سربرايزهم:)

العالمية المجوهرات وساعات الماس اللي في اسواق طيبة لها كم يوم
عامل تخفيضات روعه الساعات ام 2000 ريال حاطها بــ 900وشوي
وتوصل التخفيضات من 50% الى 70%

اليوم راح تبدا تخفيضات سبازيواكاز الإيطالية بعماير السيركون شارع العليا
توصل الى 30% 50%


وبعد محلات روكو لاين لاحذية الاطفال والرجالية والنسائية تخفيض يوصل30% الى 50%
برضوا عماير السيركون

ليمون تخفيض 50%

العثيم مول اللي على الدائري الشرقي اغلب محلات الاطفال عليها تخفيض
(اوكايدي حاط 5 ايام تخفيضات كبرى)
محل باراتس للاحذية اللي في العثيم مول تخفيض زين

مكس 50%

تيرانوفا مسوي خصم مرة كثير مدري بيصفي بضاعته والا وش قصته ،

بمبكن باتش ملابس اطفال 50% على جميع المعروضات ،،
رحت له مرة حلو

موضوع رائع جداً شكراً لكم

يعطيكم العافية
بانتظار المزيد منكم

مغاسل سحاب مسوين عرض حلو
اذا غسلت منهم مثلا بقيمة 100 ريال المرة الجاية الغسلة بي 100 ريال مجانية بس بشرط احضار الفاتورة

الحين الدنيا كلها تخفيضات

فرصة للتقضي لهالبزارين وتضييع الدراهم

هذا هو الزين بس عساني ألحق ؟؟!
أظني تأخرت ولكني بروح ان شاء الله واجرب حظي

مشكورين

معليش اختي باس ما يجوز تضيع الدراهم
اذا عندك دارهم زايدة أعطينا أأأأأ اقصد روحي لأقرب فرع للندوة العالمية للشباب الاسلامي
يستقبلون تبرعات لغزة
لأن أطفال غزة اذا جاء العيد بعضهم ما عنده ملابس جديدة
الله يرزقهم هذي السنة ويعيدون مثل باقي الأطفال في العالم قولوا آآآآمين

الله يرزقك الجنة اخي احمد ، انا اقصد موضوع لي قديم في المنتدى كان اين تضيع دراهمك؟ هي مهيب المسالة دراهم زايدة لكن مصاريف لازمة وتضيع فيها الدراهم وانت ماتحس


شكرا على النصيحة والله يجعلنا من اللي في اموالهم حق معلوم للسائل والمحروم

ياناس عندي اقتراح وش رايكم تكتبون التوارييييخ؟؟

عشان نشوف راحت علينا او لا فهمتممم؟

ياليت ينفتح موضوع جديد بعنوان تخفيضات 2009

هلا ..التاريخ مكتوب فوق بس انا يالحريم من يجي طاري تخفيضات ندرعم ونضيع معد نشوف :)
هذا وانتي بنت الياي وشلون حنا الطبقة الكادحة :d

فيه ياي وفيه وحده ثانية بنت الهاي
يالله اهم شي الصحة يا ام العيال:o
جبال نجد ابشري