الراجحي مرة ثاتية بالله فيه حل؟
السلام
انا صار عندي اعتقاد ان هالراجحي يتقصد الناس خاصة كل ويك اند يختار له مجموعة يسبب لهم مشاكل؟؟ ابغى سؤال واحد اذا بغيت اتظلم من البنك من اروح له؟ مؤسسة النقد؟والا الملك والا مين بالضبط؟؟ تحسون اني متسلطة على العالم هاليومين بس والله ن القهر اللي فيني يارب في هالساعة الفضيلة انك تهدي المسلمين وترجع لكل صاحب حق خقه ولا تسلط علينا من هو اقوى مننا |
ام العيال وش فيه ؟؟؟
يعني يوقف البطاقة او يتغير الرصيد التظلم يمكن تتجهين مؤسسة النقد ان ما نفعت الى ديوان المظالم او ارفعي لادارة البنك يمكن المشكلة من الفرع |
http://banksgate.com/vb/
هذا رابط الموقع اللي فوق في الصفحة خاص للبنوك ومشاكلها شوفي يمكن تلقين حل ربي يعينك ويعينا |
شكرا مقاطعتهم
اللينك مايفتح.. تدرين وش السالة هالمرة ماتخصني شخصيا بس لاني انكويت منهم عرفت اساليبهم عشان كذا اناودي اشتكيهم صدق يعني مايحق لهم بحجة اعطال فنية يحجز فلوسنا لو ساعة فمابالك بيوم؟؟؟ قريبتي عندها قسط وسحب البنك اللي يبية اول مانزل الراتب ويوم جت تسحب لقت رصيدها بالسالب تكلم الهاتف المصرفي تلقى رصيدها صح خدمات العملاء يقول عطل فني في النظام سحب القسط اكثر من مرة بكرة تقدرين تسحبين؟؟؟؟؟؟؟؟؟؟؟؟ بالله عليكم فيه احد غير هنا في السعودية يقدر يسوي كذا ولا احد يساله ليش؟؟؟ القصة اعلاه نموذج بسيط والله العظيم انها صحيحة وماكذبت عليهم وانا شخصيا صار لي كذا من كذا شهر تفاجات برصيدي بالسالب نفس الشيء يوم اربعاء؟؟ظ بهالمليارات الي ياخذونها ورا مايحدثون اجهزتهم؟؟ اللي يقهرني اذا جا واحد وقال بس الراجحي احسن من غيره يخاف الله؟؟؟ اجل لو مايخاف الله وش سوى؟؟؟ استغفر الله |
|
اقتباس:
للمطبخ لانك بشوفين النتجية بسرعة |
اقتباس:
|
ام العيال المقاطعة القادمه انشاء الله اتمنى ان تكون مخصصه لبنك الراجحي حسبي الله عليهم قبل فتره سحبت 5000 من صرافهم طلعت لي 4500 وحظي اني طلبت وصل راجعت بنكي وهو البريطاني وقالوا زين ان معك وصل ولا ضاع حقك لاننا نرفقها بمعاملة استرجاع المبلغ من الراجحي وبعد 48 ساعه رجع المبلغ المفقود والحمدلله..
|
المشكلة يالاتدف باللي مبتلش معهم بقرض؟
لا ومن زينهم مكلميني هاليومين يقولون وقع عليك الاختيار لقرض جديد وماتسددين لين ينتهي قرضك القديم؟؟؟؟؟؟؟؟؟؟ قلت لا سلامات عساني افتك منكم :( |
اقتباس:
هذا طبع عنده لكن انت قبل يوم 24 اسحبي اللي بحساب كله خليه يشبع بالسالب حتى يعدل البرنامج يقلون ان البنوك تشتري المديونية مثل بنك الامارات وغيرها بس ما ادري عن حكمها في الشرع وكيف طريقتها وقع عليك الاختيار لقرض جديد وماتسددين هذي لكل العملاء المقبوض عليهم بالاقساط او بس اختيار لبعضهم بس ميزة حلوة :rolleyes:للي يبي يشتري ارض او بيت بس لا يحطها في اسهم:(:mad: وكم النسبة برضوا 4.5% او اقل |
اقتباس:
لالالالالالالالالالالالا تكفين لاتدعين علي ترا والله الحال واحد يعني تحسبين ان الناس مرتاحه انا للحين افحط بديوني مع البنوك من عشرين سنة اطلع من نقرة واطيح بدحديرة كلة للعيال وام العيال الله يعيني وخلص لهم البيت وعقبها اتقرقش كفني ورح لبيتي اسمحولي |
اقتباس:
|
هوني عليك يااختي
المشاكل التقنيه تحدث في جميع البنوك وليس الراجحي وحده روحي للفرع اللي فيه حسابك وقدمي اعتراض وان كان لك حق بيرجع لك ان شاء الله |
اخوي المنعفط ماقلنا شي المشاكل في كل مكان
وحقنا بناخذه بس بعد ايش؟ يعني يوقفون رصيدي بدون اي سبب يومين وبعدين يرجع ولا كانهم سوو شي؟؟افرض كنت بحاسب في مستشفى او بشتري علاج؟؟ او حتى في مطعم مع عيالي بدون ابونا ؟؟؟؟؟؟؟؟ |
الله يعينك اختي الكريمه
دائما اسمع عن اعطال فنيه ببنك الراجحي والحمدالله وبإذن الله ماراح اخذ قرض من اي بنك لو عندي راتب بخصوص الشكوى اقترح تعرضي مشكلتك على مدير الفرع |
والله الراجحي بالذات تعاملات بقاله مو بنك
ولاعندهم اقل درجات احترام العميل......... والمحظوظ اللي يحول راتبه لبنك ثاني |
ام العيال .. ما شاء الله عليتس ما عندتس وقت .. على طول من مؤسسة النقد للملك .. وبعدين وش فيه ابو العيال يوم ما تاخذينه معتس انتي والعيال للمطعم .. أكيد يغثتس (تغطي عن القرسون , لا تبسمين له , ليش يجي من عندتس , شعرتس طالع , والا عشان ما يبصبص , والا سافهتس وشغال بلوتوث) ....
|
هدهد سليمان والله انك صادق وانت ياجباية المستهلك تماما بقاله بس مهوب اي بقاله:)
كاااااااااش كالعادة خارج عن الموضوع ..وبعدين للتوضيح انا اقول لو اني رايحة بدونه على اني مااسويها كثير:) وبعدين من مؤسسة النقد للملك لاني فعلا احس مايقدر على الراجحي الا الملك |
ومن عادات الراجحي السيئه حجز سيولة المحفظه الاستثمارية بالويكند وعدم امكانيةالوصول الى اللنك الخاص بالمحفظه او عدم امكانية التحويل والعذر القديم أن ماخانتني الذاكره هو صيانة للسيرفر وكانت مشكله دوريه بكل ويكند.
وحسب معرفتي بمتنفذين بنفس الشركه وصلني خبر تشغيلهم لسيولة العملاء بالاسواق الخارجيه. هذا عند الحديث عن ايقاف الحساب وعند الحديث عن مشاكل التداول يصعب وصف المعاناة وخصوصا عند حدوث الارتفاعات القوية او الهبوط القوي حينها تجد أنك بلاحول ولاقوه لاتستطيع الشراء ولا البيع والمعاناة تطول. |
الحمد لله يافيتو يعني مهوب انا لحالي الي اقول انهم يسوون شي بالويكند؟؟
الله لا يحللهم |
اقول احمدي ربك يا ام العيال مصيبتك تهون عند غيرك
اعرف موظفين في المنطقة الجنوبيه والخرج يستلموا رواتبهم علي بنك الاهلي الي الان ما نزلت رواتبهم تخيلي كلموا المحاسبين قالوا ما عندنا مشكله المكشله عند بنوككم ووالله العضيم لو يقطعون راتب موظفين الدوله لمدة شهر ولا شهرين ما راح اي شخص يتكلم ،،،، وانا اتوقع ان هذي بداية حركات من البنوك لجس النبض يعني زيهم زي وزارة التجارة في الاهمال والله يتسر من الجاي |
| الساعة الآن 10:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by