الشورما ارتفعت 33 % عند الصاج الذهبي !؟ ..
الشورما الدجاج من 3 الى 4 ريال !؟ ..
الصاروخ من 6 ريال الى 8 ريال !؟ .. |
شكرا على المنتدى الرائع
متى رفعو السعر انا موجود عندهم يوم الثلاثاء الماضي وكانت بــــــ3 ريال فرع التلفزيون حسبي الله عليهم . |
افاااا :mad: |
و الله لي كم سنة عن الصاج، لكن بحكم معرفتي فيه هو ليس بحاجة لرفع الاسعار، كذلك الجحر الذي يعمل فيه ما راح يزيد اجاره!! و يمكن يكون لصاحب المحل؟؟
|
الطمع والتجار هم السبب الرئيسي فالمطاعم اذا ارتفع سعر الدجاج سيرفعون اسعارهم تمشيا مع الطمع والجشع نقاطعهم ومو لازم ناكل شاورما من المطاعم |
وانا اشهد على كلام الرجال عازمه على صاروخ نيههههه
|
مـطعم الصـاج الذهـبي .. له فـروع :-
المعذر - شارع التخصصي بجوار اليورمارشيـه الوشم - شارع التلفزيـون المربـع - طريق الملك فـهد بجوار الجوازات الريان - شارع عنيزة مـقابل مستشفى رعاية الرياض من جهة ( الغرب ) هذي الفروع اللي أعرفها له .. إذا فيه زيادة ياليت يضيف الأخوان لـنا |
من زينا يوم يرفعها اهم شيء سعر الفلافل عنده كم ؟؟؟ لانها احسن شيئ عنده ...
|
اقتباس:
يوم الخميس الماضي فرع الريان .. |
حسبناالله ونعم الوكيل فعلا الصاج زادت اسعاره وبعدهاقاطعناهم صراحه فيه بديله فروج الكروان اهون بالاسعار
|
شكرا للقائمين والقائمات على هذا المنتدى الرائع
ولابد من وضع حد للغلاء في الاسعار الان في ناس مايقدرون يوفرون متطلاباتهم والسبب غلاء الاسعار وشكرا |
شوفو المواد الغذائية في شهر رمضان بتقفز اسعارها شوفو سهم المنتجات الغذائيه طار وصار سعره 50 ريال فلابد من تشكيل لجنة من وزارة التجاره لي مراقبة الاسعار قبل حلولل شهر الخير
|
اقتباس:
|
ياجماعه انتم ستكسبون اثم كبير انتم تريدون قطع ارزاق الناس
الوضع ببساطه ان جميع المواد التي تستورد بالدولار غاليه بسبب ضعف الدولار امام العملات الاخرى والشحن تضاعف الدبل والتاجر يبي يضيف هالزيادات على هالمطاعم والمطاعم تبي تكسب مافتحو يخسرون ياخوي اللهم جيرو الزياده فقط اما الي مايزود تاكد انه يتلاعب في الجوده على حساب معدتك يااخي فثق تمام الثقه ان الحكومه ابخص منك ومني وعلشان تصدق افتح مطعم وحتعرف انك حترفع السعر فنصيحه لاتكن سببا في قطع رزق احد فالمشكله كبيره ووزير التجاره سبق ان صرح في احد مقابلته فاتق الله وابحث عن علاج السبب الرئيسي |
بصراحة انا شريت امس الثلاثاء 27-08-2007 من مطعم الصاج فرع الريان - شارع عنيزة مـقابل مستشفى رعاية الرياض من جهة ( الغرب ) و اسعاره كما هي فنرجو تحري الدقه و عدم الغش بالخبر او اساءة السمعة فهدفنا نبيل و سامي و نقول للمحسن احسنت و للمسئ نقاطعه
|
يا شباب عندكم البديل للصاج الذهبي وبنفس الطعم ان لم يكن افضل
مطعم بيت الشا ورما في السليمانيه شارع الامير ممدوح بن عبد العزيز ولا زالت الشاورما عنده بنفس السعر |
توني شاري منه الصاروخ ب8 ريال
حسبي الله عليهم من فرع المربع بجانب الجوازات وباذن الله اخر مرة |
اقتباس:
شكل الأخ عنده مطعم ..:D |
^^
^^ ليش تاخذه من اول ما يقولك ب 8 ريال قله تعرف تعدهم |
غريبة تجرأ ورفع الشاورما
على الاقل صغرو حجمها .. الصاج الذهبي .. بيروح في داهية |
انا ما ادري انتو ليه تكبرو المواضيع ؟؟؟؟؟؟؟؟؟؟؟؟؟؟؟؟؟؟؟؟؟؟؟:D:D:D:D المقادير للتقديم 2 صدر دجاج خبز ليمونة مايونيز ملعقة ثوم بودرة بطاطا مقلية 1 مكعب خلاصة مرق الدجاج خس 4/1 ملعقة كركم طرشي خيار 2/1 فنجان زيت ذرة ملح الطريقة تقطع صدور الدجاج الى مكعبات صغيرة وتوضع في طنجرة ويوضع عليها المقادير السابقة غير مقادير التقديم، ومن ثم توضع على النار وتحرك قليلا ثم يوطى على النار وتغطي حتى تنضج. .1بعد أن تنضج يؤخذ خبز حجم صغير ويمسح عليه من المايونيز ومن ثم يوضع عليه البطاطا المقلية وطرشي وبعض من الخس (حسب الرغبة) ويوضع بعد ذلك خليط الدجاج وتلف الخبزة وهكذا ومن ثم تقدم. .2 وربك سميع الدعا :p |
عاد كل يوم نطبخ في البيت ملينا وتعبنا نبي نرتاح ونغير جو وش طلبنا كلها شورما اوصبه تقعد على الكبد ماتنهضم
وماشاء الله عليه الحمزه صاحب المطعم قاشط الارضي والعماير في الريان والسلام والحين لف على الشاورماام 3ريال عندكم مطعم الفطيره الشاميه في شارع الزبير بن عوام ولا احلى ولا اروع من الشاورما الى المشوي وسعره ماتغير |
تعشوا في بيوتكم يالمل الغنيمه وش حادكم على المطاعم
|
>> الشاورما برياااااااااااااااااااااااااااااال >>
..... السلام عليكم ...
لمحبي الشاورما ........ العنوان في الرياض .. المطعم الموجود داخل محلات أيكيا .. الشاورما عندهم ريال واحد فقط ....ياليت الأخوان في مدن المملكة الأخرى يفيدونا عن باقي فروع <<<<<<<<<<< أخوكم أبو زياد <<<<<<<< |
اخي روحي معك انا اذا انت كنت الثلاثاء الاسعار ارتفعت يوم الاربعاء لانو انا وصلت من السفر يوم الثلاثاء ويوم الاربعاء رحت على الصاج اللي بالتلفزيون وكانت نزلت الاسعار الجديدة
والمشكلة انو الشاورما عندو مش هالشاورما العجيبة ولا الخدمة الحلوة يعني والمحاسبين نفسيات خصوصا ابو نضارة وبالعلامة اسمو اكرم |
قاهرني مطعم الصاج الذهبي من زمان
من قبل هو المطعم الوحيد اللي الصاروخ عنده ب 6 ريال على إيش... ما أدري؟؟!! والحين يزود سعره إلى 8 ريال عجيب والله |
ياجماعة الخير وش فيها لو قاطعنا " ساندويش المايونيز بالشاورما حقهم "
صراحة انا اشوف ان المايونيز أكثر من الدجاج وبسلامتهم مقاطعهم مقاطعهم |
اي والله كله مايونيز هههههههههههههههه
تمت المقاطعه وبالله التوفيق |
هذه الصور التقطتها اليوم صباحا لفرع الريان وواضح انه مغلق
من قبل البلديه علما انه على هذا الوضع من اكثر من اسبوعين وهنا خبر اغلاقه في جريدةالرياض http://www.alriyadh.com/2009/06/21/article439274.html https://www.mqataa.co/vb/uploaded/12383_11246866731.jpg https://www.mqataa.co/vb/uploaded/12383_11246866767.jpg |
| الساعة الآن 06:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by