هل بنك الراجحي مصرف ام مخبز
 

منذ سنين وانا اشد الكارهين لبنك الراجحي بنك اشتغل على وتر الدين مع الناس للاسف والمصيبه الناس مدري وش شايفين فيه مره رحت اصرف شيك والله العظيم الطابور واصل الباب تخلف في نظامهم لا واسلوبهم في التعامل سئ جدا واغلب موظفيه من الاجانب رخاص الثمن المهم امس لمن كانت الناس تبيع اسهم زين عن طريق الهاتف المصرفي والنت كان واحد من اخواني مرتفع ضغطه مليون .. انا بعت بكل سهوله عن طريق النت وهو مسكين حسابه في الراجحي (زود وسوسه) ولمن بدأت اللحظه الحاسمه تعطلت الخدمه عند البنك جلس يسبهم ويدعي عليهم

http://www.awlup.com/get-3-2008-l5bvy4t7.jpg
والله اني رحمته مسيكين قهرهم البنك المخيس.. انصح للحفاظ على البقيه الباقيه من عافيتك الاقلاع فورا عن الراجحي

مشكلة الراجحي ان بعض مؤسسات العمل تشترط فتح حساب في الراجحي
مثلا كليات التربيه كلها تشترط ان الحساب يكون في الراجحي اعتقد والله اعلم لهم نسبه على كل حساب يفتح والا ليه هالتشرط؟؟؟
مدارس الرواد ايضا تشترط الحساب يكون في الراجحي والا ماتسلمك الراتب!!!!
وغيرها وغيرها

الله يعين عملاء الراجحي

فعلا اللي يشوفه ويشوف خدماته مايقول بنك !!!

في صباح هذا اليوم اعتذرت عن الدوام لاكمال اجراءات فتح الحساب في الراجحي ، وفعلا ذهبت للراجحي ولم اوفق في فتح الحساب

مع العلم انني قد اكملت الطلب عن طريق الانترنت من شهر تقريبا وفي كل مرة اجد تصريفه بشكل جديد
تعال قبل وقت التداول
تعال بعد وقت التداول
مو لازم تعريف عمل
لازم تعريف عمل
اليوم زحمة تعال بكرة


بس أحمد الله انني لم استطع من فتح الحساب لاني قررت ان تكون هذه آخر محاولة فيه لكي لا اتعب مستقبلا

الراجحي ماكول مذموم
<-- بتقولون من وين طلعت هذي؟
انا والله متوهقة معهم بقرض والا كان هجيت من زمان

صار لي معهم موقف هاليومين تخيلوا سكروا حسابي الويك اند بدون سبب مااشتغل الا السبت مدري لين الحين ليه

لو بغيت اشتكي من اروح له؟

انا اشهد

جربت الرياض وجدته ضيعه وضعيف حمايه
جربت سامبا وجدته جيد التعامل معه ماديا فيه شبهات
جربت الاهليوجدته ارفع من الر ياض واقل من سامبا
بس الجزيرة روعة تعاملا وخدمات وحماية وخدمة تصل الى المنزل ان تطلب الامر ذلك

فعلا الفرنسي هو افضل من ناحية التداول

اما غيرة مثلة مثل باقي البنوك

والله انك صادق لا تدف بنك اقل من العادي والناس ماخذين فيه مقلب يقولون فروعه كثير وانا اقول على غير سنع كلمه النظام عطلان لازم تسمعها كل اسبوع مرتين .. وزحمه خدمات سيئه ..

مخبز الراجحي ولا فندق سامبا خمس نجوم


مع احترامي لكم ولكن الراجحي مسلم عربي سعودي نقي
تتعامل معه وانت مرتاح صحيح ان تعاملهم مثل تعامل ( البقالة )
ولكن بعيد عن الربا ان شاء الله

اعرف واحد يتعامل مع فندق سامبا أبو خمس نجوم ولكنهم نتفوا ريشه وخلوه معلق بالحديدة أخذ تمويل وبعدين اعادة تمويل وبعدها بطاقة فيزا - يقولون له اسلامي والله أعلم -
ومع ان راتبه أكثر من 6 آلاف وموظف حكومي ويجي له انتداب كل سنه مرة أو مرتين الا ان سيارته تأجير ومتعثر بالسداد ومملك له 3 سنين واخرتها تزوج مسيار وكل نهاية اسبوع وهو في شقة مفروشة لأنه ما قدر يستأجر بيت ولا يأثث ومتسلف من كثير انا أحدهم سلفته ألف من سنتين سدد 200 وباقي 800 !!
هذي ما هي قصة خيالية بل حقيقية لواحد من الأقارب اللهم لا شماته الله يفرج همه ويسدد دينه

وانا بفضل من الله ومنة راتبي 5 آلاف أخذت تمويل من الراجحي لمرة واحدة فقط وتزوجت وسيارتي ملك ولله الحمد والشكر لأن الله سبحانه وتعالى يقول ( يمحق الله الربا ) دقق في كلمة يمحق ؟!

عشان كذا أردد دائما :
مخبز الراجحي ولا فندق سامبا خمس نجوم