باسكن روبنز يرفع اسعارة 80 %100
رفعت محلات باسكن روبنز للايسكريم اسعارها لدرجة خيالية حيث اصبح سعر الايسكريم الي ب14 ريال 19 ريال تخيلو
|
الناس ما عندها فلوس توكل عيالها وانت رايح باسكن روبنز ؟؟؟؟؟؟؟؟؟؟
|
ايام الطفرة قبل سنين كنا تاكلة ب 7 ريال
وألان ايسكريم ابو ريال من البقالة يوفي ويكفي |
واللة نفسي فجاءة هفت على الايسكريم فرحتلة وياريتني مارحت
|
حتى كواليتي .. 50% .. الكاسة الكبيرة أبو 6 ريال صارت بـ 9 ريال.
بس من السهل مقاطعة هذه الشركات و ضربها بقوة نظرا لأن منتجاتها كمالية و رفاهية. الناس يادوب تلقى حق أكلها .. ماعندها فلوس تضيعها على كاسة إيسكريم بـ 19 ريال. |
اقتباس:
كلامك صحيح وعين العقل |
حتى الايسكريم ابوريال صار بريال ونصف!
|
يوجد أنواع ب ريال وممتازة
لا يخدعوك ؟؟؟؟ |
يمدحووووووون ايسكريم ابو رياااااال
يعني لازم اكل باسكن روبنز يعني شوفوني يا ناس اكل من باسكن روبنز ماضرناا من زماااااان نحط فيمتو في كاس ونحطه في الفريزر وناكله |
يا اخوان انا البارح ماخذ ايس كريم من الباسكن روبنز فرع طريق الملك عبدالله بجدة
وسعر الايس كريم ( 6 ) ريال للكورة ومن قبل كان ( 5 ) ريال طيب شئ طبيعي يرفع السعر البلاستيك ارتفع سعره الحليب ارتفع سعره الشوكلاته ارتفعت ايضا طيب ايش العمل |
مو لازم ناكل ايس كريم
بـ 19 في بريال وريالين |
السلام عليكم
مانا عارف أخوي رحــــال الدولي هل تنقل الموضوع بأمـــانة أم أنك تتهجم لمجرد التهجم أو انك تكتب موضوع لكي تكثر الردود عليه الأسعار في بـــاسكن روبـــنز لم ترتفع بهدا القدر كما دكرت نعم ارتفتعت اساعر باسكن روبنز ولاكن ريــال واحد فقط على بعض المنتجات وليس على كل المنتجات مثلا 1_أبو 5 ريال صار بــ 6 ريال 2_أبو 7 ريال صار بــ 8 ريال 3_ أبو 14 ريال صــار بــ 15 ريال طبــعــا ادا تبي تضيف شي على الأسكريم زيادة ريال واحد فقط الصوص أو الأضافات جميعها بريال واحد فقط يعني الشكولاتة الساخن والبتر سكوتش الساخن والفراولة والأنناس والمكسرات والكريمة المخفوقة والكرز جميعها بريال واحد فقط وهدا الشي من زمان مو من الحين وبعض المنتجات لا يسعني لدكرها ولاكنها ارتفعت فقط ريال واحد فقط الكيك والعلب بالوزن لم ترتفع سبب الزيادة على حسب قول المسؤلين بالشركة أن الأسكريم يجي من كندا والمواصلات ارتفعت والأدوات كلها تجي من امريكا تخيل كم تكلف الشركة أيضا أجار المحلات ارتفعت بشكل خيالي |
المشكله الكوره حقتهم اللي بخمسه ريال تذكرني بحجمها بليمون زهيوي
|
واللة انا ماكتبت هاذا الموضوع من فراغ
انا بالفعل اشتريت منة والي يقول انة ابو 5 صار ب6 فهاذي انا معاه ومو هاذا الي قصدتة الي قصدتة انة عندهم انواع ثانية زي كيك الايسكريم والملك شيك والبراوني هاذي الاشياء الي زودو في سعرها مرة وسيبوكم من اقل نوع الي ب6 |
انا من زمان عن الايسكريمات الغاليه
حدي جمجوم وامشي والمره اللي راحت قلت بشوف باسكن روبنز ،، والله اشتريتها بـ 12 ريال قلت ليش قال الاسعار كذا وتحسبتهم عند الله |
اقتباس:
مانقول غير حسبي اللَّه ونعم الوكيل |
انا اقول لك العمل
اقول و الله يمدحون التوت تحطه في اكياس و تخلية في الفريزر حتى يتجمد و بعدها ابدا مع اولادك في سباق المص من الكيس و التكلفة 3 ريال او 6 ريال قيمة العلبة اكياس نايلون ابو ريال و شويت سكر و عيش حياتك |
أغلى و افشل ايس كريم
|
مشكورين على مروركم
|
السلام عليكم اخواني الكرام انا عضو جديد واحب اوصل للجميع التحية...
اخواني يعني تم اطلاعي على المحلات والمراكز والمقاطعه طيب وشو ناكل ومن وين نشتري ؟!! الكل رافع اسعاره مافيه احد مو نصاب يعني اطلعت على كثير بالموقع يعني بلف على 100سوق علشان اختلاف الاسعار ليش نفس ادارة المنتدى ماتطلع نشرة تعلم المواطنين كل المحلات بالترتيب وتضع البديل لمركز كامل وليس لمنتج داخل مركز علشان الزبون مايلف كل الاسواق علشان يتقضى وشكرا للجميع والله ينصركم وينصرنا على الظلم واسال الله الكريم رب العرش العظيم ان ينزل فيهم غضبه وان يجعل كيدهم في نحورهم وان تكون اخرتهم حصاد جهنم امين يارب العالمين |
| الساعة الآن 10:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by