تريد توفر مقاضي البيت الأساسية بجدة بأسعار مناسبة روح....
السوق الجنوبية بجدة بمنطقة البلد يوجد ثلاجة أو مستودع به كل المواد الغذائية" خضار أجبان لحوم....وغيره" والله انها أقل من سعر البقالة والسوبر ماركت ...بعضها فرق 3 ريال للوحدة
مثلاً شاي ربيع اكسبريس 100كيس ب 10 ريال سكر 10 كيلو بـ19 ريال وزيت مازولا ب14 ريال....وشربة كويكر ب6 ريال وهكذا مكانهم خلف المحكمة الشرعية ,,,,وكمان يوجد في نفس المنطقة محلات تبيع جميع ما تحتاجه ربة البيت من بلاستيك ومنظفات والله أسعار جداً مناسبة ...بلا هايبر بلا بقالة أصلاً أصحاب البقالات البنغالة يشترون منه. ويبيعون علينا بزيادة ... يالله يا أهل جدة وضواحيها مونوا بيوتكم بأرخص الأسعار...والله ينورنا ... وأرجو ممن لديه علم بأماكن أرخص أن يدلنا وله الشكر. |
الله يعطيك العافيه ...
|
السلام عليكم كل الشكر على المعلومه الرائعه جزاكم الله خير |
اسمها ثلاجة الشروق
وبالنسبة للبن والبهارات من باب مكة من عند بافرط اللي في الركن بعد معصرة الزيت ...أسعاره مناسبة وبضاعة ممتازة نظيفة. |
السلام عليكم ورحمه الله وبركاته اخواني الكرام انا اول مره اشارك الموضوع جيد ومهم للجميع من خبرتي بالمحلات وجدت بالأضافه لأخي صاحب الموضوع مكان اخر يجهله كثير منا ورخيص يبيع بالجمله والقطاعي
المكان :وانت متجه جنوب مع طريق مصفاه جده .كأنك متجه الى سوق الصواريخ بعد الدوار على يدك اليمين توجد محلات كثيره اول دخله على اليمين ادخل سيدا الى اخر الشارع على يدك اليسار محل كبير مكتوب عليه (الأسواق السعوديه).وتفرج ياسلام كل شي بسعر الجمله ورخيص جدآ وانت قارن بنفسك ولاتنسونا من دعاكم والي مايشتري يتفرج |
سمعت باسواق النجمة .. هل هي هذه
أيضا يقولون بقالات بجانب الحلقة حي الصفا تبيع مواد تنظيف بالجوالين رخيصة تستخدم لمدة طويلة من يوافينا بالخبر اليقين ؟ |
فعلاً متاجر السعودية سوبرماركت متكامل وأسعاره جداً مناسبة وتقل بريال إلى ثلاثة ريال عن الشروق.وغيرها من السوبر ماركات..جزاك الله أخي خيراً....
|
مشكوررررين وجزاكم الله خير عالمعلومات
|
مشكور ياغالي
|
مشكووووووووورين
|
أنا اليوم رحت للمستهلك في حي البوادي من كثر ما مدحولي فيه صديقاتي......بصراحة شيء خيال رااااائع ومنظم وتحس وانت فيه بالنظافة والجمال والسعة وفوق هذا كله السعر الاقتصادي ...ما يفرق عن متاجر السعودية بل بالعكس مرتب أكثر منها في كل شيء... أجبان وبهارات من كل الأصناف ومجمدات وكل شيء ترتيب ونظام ، ما فيه فوضى وزحمة ولا شاحنات تفزعك فالطريق ولا مناظر تبعث على الأسى والحزن من متسولين عند الاشارة ومطبات وقمائم !!! ولا شيء...أعتقد أنه فعلاً مكان مناسب للشراء وخاصة لمن يسكن شمال جدة ووسطها ...هنيئاً لصاحب المتجر وربنا يديمها عليه مادام بنية واحدة مع الله وخلقه.
|
فعلا متجر المستهلك جيد و اسعارة معقولة و اضف كارفور عنده عروض خيالية و احذر من الدانوب و الراية و المتاجر الكبرى اكبر نصابيين في جدة
|
وين متجر المستهلك هذا اللي بالبودادي فضلا ...
|
اقتباس:
كمان فيه في شارع حائل قبل تقاطع فلسطين وقبل الاشارة فيه مستودعات العلندا مواد جملة ومفرق بأسعار معقولة وصاحبها من الناس المخلصين واللي يخافون الله " سعودي" .هكذا سمعت.. |
تبغ تشتري باسعارتوفرو اقل اذهب سوق اللحم ( باب مكة ) تجد فئتين من الباعة وانت تختار بالسعر الي تناسب وإذا بيتك بعيد لاتذهب ما حتلاقي مواقف اشترتي من اقرب محل وارضى بالسعر .
|
باب مكة زمان كان رخيص الآن اغلب المحلات سعرها زي السوبرماركت ويمكن زيادة شوية إضافة إلى القذارة في الشوارع المحيطة بمحلات الأغذية " اللحم ، التمر ، العيش والجبنة "...وغيرها تجعلنا نتقزز من الشراء منها!!
متاجر السعودية والمستهلك هما اللذان تجد فيهما السعر المناسب وهذا شيء متأكدة منه لأكثر من غرض.. المستهلك كمان فيه العيش لذيذ وخاصة اللي بالجبنة ويكون فقط بعد المغرب ويخلص بسرعة ، السندوتشات الصغيرة بالسمسم 10 بريال والمتوسطة وبدون سمسم 8 بريال ... الكرواسون بالجبنة عند المخبز الفرنسي رااااااااااااااائع كانك جايبه من مخبز في فرنسا!!! ((((((((هذا مو رأي رأي ناس كانوا في فرنسا وذاقوا الكرواسون فيها!!)))) يالله بالهنا والعافية وخااااااااااااااصة مع الشاي! |
شكرا على المعلومات والله يعطي الجميع ألف عافية .... |
اقتباس:
والله يا أختى الكريمة متجر المستهلك عندنا في مكة ( فرع الكعكية ) بالعكس رفع أسعاره من زمان وغير كذه لا تعتبوا المحل الصباح بدري لأنهم ما يحلى عندهم التظيف الا في الصباح بس لازم تنبهوا على ملا بسكم علشان ما ( تتوسخ )ملابسكم من جراء تنظيف العمال .... وغير كذه أوصي اللي يوقف عند الكاشير يخلي باله من الحساب ( الفاتورة ، والباقي ) ترى حصلت معي شخصيا ومع غيري كمان .... والحق يقال انه في السابق كانت أسعاره جدا معقولة ..وعنده البضائع من الإبره إلى الأجهزة الكهربائية .. لكن للأسف طمع مثل غيره ... |
| الساعة الآن 10:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by