المخازن الكبرى . ... للنصب أصووول
السلام عليكم , تحية للجميع كنت أتسوق دائماً من الخازن الكبرى فرع 71 بالدمام ولاحظت ملاحظة قبل موجة غلاء الأسعار ,, وهي أنهم يظعون عروض بأسعار مذهلة على كثير من السلع ,, ولكن تكون المفاجأة عند الكاشير !!! حيث يتضح أن هذه العروض على الورق فقط !! وعند سؤال المحاسب عن العرض يقول لك راجع الإدارة !! طيب خلاص رجع فلوسي ما ابي السلعة هذي ,, يقول لك ما اقدر دخلناها في الجهاز !!لازم تراجع الإدارة ومعك الفاتورة ! توجهت للإدارة واستقبلني شاب سعودي ((طموح;) )) من أهل القطيف وعند سؤاله عن إختلاف السعر بين المعروض وبين السعر عند المحاسب يتصنع الدهشة :eek: والتعجب الشديد ! وينطلق معك سريعا إلى مكان السلعة وبعد معاينتها تكون الإجابة جاهزة ((أووووه انتهى العرض عليها :cool: )) طيب دامت العرض انتهى ليه ما تشيلون الدعايات اللي عليها للمعلومية هذه الحركة تكررت معي أربع مرات آخرتها قبل اسبوعين وكلها في فرع 71 طبعا أنا قررت بعد هاالحركات (النص كم) مقاطعتهم :mad: تحياتي |
سهله اخوي لا تشتري من عندهم بعدين والله المخازن فاشله
|
أنا اشهد انها فاشلة
تسلم على المشاركة . |
المخازن الكبرى في الرياض او الدمام فاشل وغالي ويستاهل المقاطعه
اقتباس:
|
مقاطعتهم وحارقتهم
أشكرك على المشاركة وفعلاً غالين ولا عندهم زود . |
تقاطع السلع الغاليه لديهم فقط
|
هلا ولد الديرة
المشكلة يالحبيب ليست في الغلاء , المشكلة الرئيسية عندهم انهم يضعون عروض على كثير من السلع بأسعار مغرية , ولما تاخذ السلعة وتروح عند المحاسب تحصل السلعة بسعر أغلى !!!! ولما تقوله خلاص رجعها ما أبيها !! يقولك خلاص حسبناها ودخلناها الجهاز ما أقدر أرجعها !!! لازم تراجع الإدارة ومعاك الفاتورة حتى يتكرم عليك المدير ويرجع لك فلوسك !!!!!! لصوص . |
بارك الله فيك.........
لو كل شخص عمل مثلك حا يعرفوا انهم انكشفوا وما يضحكون عالشعب المعتر مرة ثانية |
اسوأ عروض في المخازن
|
همس الليل
وفيك أخي الحبيب . أشكر مرورك الكريم , وما عاد الواحد يدري يلقاها من مين الله يعين . |
ابو عبودي
يعطيك العافية على المشاركة . |
كلهم زي بعض عروض في الجرايد وكل مكان ولكن اذا جينا للمتجر تحصل اشياء غير اللي في الاعلان تناقض واستهتار في العميل وسبات عميق من لجنة حماية المستهلك<<وهو في لجنه اصلاً يعطيك العافيه خيووو |
المخازن من ضمن المحلات في المقاطعة عندي
وخصوصا بعد النصب علي في حساب الفاتورة |
الأخوة الأعزاء كوكتيل دوت نت أشكر مشاركتكم الكريمة , وبالنسبة للمخازن , هي من أقرب المراكز التجارية إلى بيتي ومع ذلك إذا احتجت أي شي , أدق سلف على أقرب سوبر ماركت ;) طبعاً وزي ما انتو عارفين كل المحلات رفعت أسعارها لكن هناك فرق كبير بين من يرفع أسعاره ويكون صريح :cool: وبين من يلف ويدور ويستهبل على الخلق !! تحياتي لكم . |
الاخوه الفضلاء
صدقوني العروض صحيحه في المخازن الكبرى ولكن المشكله التي تكون أحيانا في بعض الفروع عدم تحديث الاسعار الجديده من خلال ibm فاأحيانا عندما تذهب للكاشير يبقى السعر القديم عنده وذلك لمشكله في الشبكه الألكترونيه فقط وأقسم بالله العظيم أن العروض حقيقيه واصناف كثيره تباع بأقل من التكلفه بكثير :) |
قال رسول الله صلى الله عليه وسلم :
( من غش فليس منّا ) |
والله انكم صادقين
من اسبوعين جانا ورقه بعرض المخازن للبيت"هم جابوها مارحنا ندورها"واعلم ابوي الله يطول عمره ويتحمس لبعض العروض ويلقطني ابيي في نفس اللحظه الظهر اول يوم من تاريخ العرض ولما وصلنا الكاشير يعطينا اسعار غير العرض مع العلم ان الاسعار للعروض موضحة في نفس المحل بالخط العريض. ولما سألناه عن اختلاف الاسعار اجاب ان ماعندهم عرض اصلا؟! طيب , كيف والورقه اللي جت لحد باب البيت وش تصير؟ قال يمكن عرض قديم, بس ابوي عصب وقال له تأكدنا من تاريخ العرض قبل نجيكم,ضحك الموظف على ابوي وهو ملزم ان احنا الغلطانين ,راح ابوي وجاب الورقه من السياره وكانت المفاجأه لما شافوا تاريخ العرض انه بدأ من اليوم :eek: وكلموا الاداره يستفسرون انه كيف العرض يتوزع قبل لا يجي للمحل ؟؟؟؟؟؟؟؟؟!!!!! والله من زين الاداره:mad: لكن ماصار غير اللي في بالي واخذت الاغراض بسعر العرض مع الاعتذار.:D وش رايكم لا تسكتون عن حقكم |
يوووووووووووووووووه على الاستغفااااااااااااال
من اليوم خلااااااااااااص تسلم ياخوي على نصيحتك |
اقتباس:
يعني تبي تقولي شركه مثل المخازن وش كبرها وفروعها ماليه البلد مو قادره تظبط شبكتها وتسوي تحديث كل فتره مع اطلاق حملات الدعايه ؟؟ طيب ليه هالخطاء مايجي من صالح المشتري ومايحدثون معلوماتهم الا على الاسعار الي تشق جيوب الناس من حرارتها ؟ اقول شخبارك ؟؟؟؟ |
جميل الموقع في ناحية الفكره ولكن يبقى الدور على من يطرح رأيه حتى يكون فعلا القول أساس يا جماعة الخير
الوضع مو مثل ما أنتو متصورين اللي ماخذ اعلان قديم ويدور على العروض واللي مو مقتنع ببعض الاسعار ترجو أن تكون هناك جديه في النقد وحتى يعم النفع وعموما المخازن الكبرى من أفضل المراكز وارخصها بشهادة الحكومه ووزارة التجاره ولولا أن التقرير الذي اردت ارفاقه اكبر من المسموح به كحجم لرأيتم الارقام والمقارنات بين كبار الهايبر ماركت شاكرا ومقدرا |
أشكر كل من شارك في الموضوع ابن النبلاء مقاطعهم حارقهم جبيلاوي بلا حدود أخونا ابن النبلاء , أتمنى لو الموضوع مجرد عدم تحديث في الأسعار !! لكن وكما قال أخونا جبيلاوي ليش دائما يكون الخطأ ضد المشتري , ليه ما نشوف أخطاء تكون في صالح الزبون :confused: . |
انت يا ابو النبلاء
الرجاء ارسال التقرير ان كنت صادق ترى حكاية البروشرات هاذي اللي تتوزع من اي نوع من السوبر ماكتات ضحك عالدقون خلاص كافي استغفاااااااااااااااااال بلا تحديث بلا هم معقوله ما تعرفون تحدثون بيانات ما أقول إلا الله يخارجنا بس |
الي يبغى يضحك يروح للمخازن
مسوين عروض اشتر ثلاث حبات بسعر13والمفرق ارخص مسوين بريال اشتر ورق عنب بالكيلو 17 وهو علب يفكونها وارخص العلب وكما قال الشاعر شي ماينشاف شيف |
مطعس الرئيس أشكركم , وأشكر كل من شارك ولا تزال المخازن الكبرى / حي أحد بالدمام تلعب نفس اللعبة الأسعار على الرفوف شي والأسعار عند المحاسبين شيء آخر والمشكلة فينا , نشتري بدون تدقيق لا في الأسعار ولا في التواريخ |
حسبي الله عليهم
|
الله يكون بعون المستهلك
|
| الساعة الآن 08:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by