والله هذا ماحدث لي شخصياً !!!
السلام عليكم جميعاً
بعد طول غياب أعود .. قبل اسبوع والله ذهبت لصيدلية (العلاج الشافي) بالعقربيه تحديداً واشتريت صبغة شعر رجعت للبيت وسبحان ربي طاحت عيوني على تاريخ الإنتهاء... قسماً بالله لقيتها منتهيه من 6 شهور يعني في June 2007 وإحنا الأن في December 2007 السؤال هو : لو حطيت هالصبغه في شعري وش بيصير وهي كلها مواد كيميائيه ؟؟؟؟؟؟ اترك الجواب لكم رجّعنا الصبغه وكل اللي قدر يقوله البياع المصري: ( أسفين!!!!!!!) بنفس الأسبوع رحت لأسواق المزرعة اللي برضوووو بالعقربيه واشتريت (مُغربيه)هذا قمح مغربي طبعاً كان في كرتون وليس بالكيلو. والله العظيم قريت تاريخ صلاحيته وأنا بالبيت لقيته منتهي من 3 أيام من يوم الشراء !!! برضوووووووووو (أسفين!!!!!!!!!!!) وتستمر المهزله.............. |
تدريجياً .....
|
قال حماية المستهلك قال....
قم بس قم. |
ماينلام المصري وغيره مادام حمايه المستهلك في سبات عميق
قال ايه قال اسفين |
الطاسه ضايعه فى البلد
|
امرأه لاتنحني الحمدلله على السلامه وعودا حميدا.. الحمدلله ان الله فكك من الصبغه وحتى القمح المغربي بصراحه فيه جهه مسؤوله مسؤوليه مباشره عن ذلك وهي بلدية كل مدينه فالمفروض ان فيها مراقبين شغلتهم يفروا على هالمحلات عشان يتأكدوا من صلاحيتها بالدرجه الاولى وخصوصا الاغذيه ولكن حسب مايقولي واحد من اصحابي (تويجر) يقول الفساد متفشي عند مراقبي البلديه انفسهم هذا عندنا بالرياض بس في الشرقيه مدري فليش نستغرب من هذا الحصار الاقتصادي للفرد والمجتمع من العماله والتجار! آخ بس يقول الشاعر : لاتشتكي من جور الايام للناس ........... وادفن همومك فى ثرى الصمت كله
|
حسبنا الله ونعم الوكيل عليهم
اجل ااااسفين وين نصرفها اااسفين اذا غاب الرقيب والحسيب من حق العماله يتلاعبون بالاسعار ويبيعووا مواد منتهية الصلااحية لانه يعرف اقوى شي بيجيه راح يجي الزبون يهاوش شوي وياخذ فلوووسه وعلى فكره اهم بينهم يبيعووا المواد المنتهية الصلااحية بسعر قليل جدا واهو يصرفها على المستهلك عادي خل يبيع نصف الكريتون والنصف الثاني يرجع اهو الكسبان... |
أهلا وسهلا أخيّه ومانبي يطول غيابك عنّا بعد اليوم لأننا نريد ان نستفيد من هذه التجارب أو
المصادفات الغريبه ولكنها واقعيّه . إذاً مسؤليّة كل منا أن يقوم بقرائة الصلاحيه على أي منتج كان دواءً او غذاءً . وأخيرا حمداً لله على سلامتكي إمرأه لاتنحني . |
نرجع ونذكّر ونقول :
من امن العقوبة اساء الادب |
اقتباس:
يبونا نصرفها على صحتنا |
اقتباس:
|
وتستمر المهزلة ..............
|
ليه متقرين التاريخ الا في البيت ؟؟
|
الله يكون بالعون
|
شكراً شكراً للجميع على تكريمي بمروركم
بالنسبه لـ nagos11 وسؤالك ليه ماتقرين التاريخ الا في البيت ؟؟ فعلاً أنا أتحمل جزء كبير من هذا الخطأ فقط لأني (متعلمه) ودارسه لكن على من يقع الخطأ إذا كان الواحد جاهل وأُمي لا يعرف القراءه والكتابه !!! سؤال في محله ! |
السلام عليكم للجميع
الحقيقه كثير منا يعرف يشتكي ويتشكى لكن لا يقوم بدوره كمواطن مع احترامى للمرأه الكاتبه وتحفظى على كلمه لا تنحني اقول اين دورنا كمواطنين يعني كل اللى سويتيه انك رجعتى الصبغه للصيدليه رجّعنا الصبغه وكل اللي قدر يقوله البياع المصري: ( أسفين!!!!!!!) يعني لو اتصلتو عالبلديه او احد راجع البلديه ومعاه فاتوره من الصيدليه بتاريخ الشراء وقدم شكوى ما كان احسن عارف حيجي ردود ان البلديه ما تهتم وان الشغله راح يصير فيها بيروقراطيه ويمكن ما نطلع بنتيجه لكن ممكن برضو نطلع بنتيجه الاصلاح اذا ما بدأنا به في نفوسنا لن نجده فى غيرنا فليقم كل شخص بدوره وشكرا للمراه التى لا تنحنى الا فى صلاتها على حرصها والف سلامه عليها |
قبل لا يتم كتابه ردود غير مرضيه استشهد بموقف احد الاعضاء عندما تعرض لمشكله من هذا النوع
الموضوع بعنوان تسمم غذائي في مطعم راقي-موثق بالصور للكاتب كرامه انسان في نفس المنتدى وشكرا |
الصقر السعودي..... لماذا توقعت كتابه ردود غير مرضيه !! بالفعل كلامك صح 100% وأنا أءكد أني سرت مع الخطأ - كان المفروض أكلم البلدية وأشتكي ربما صوتي يصل لمسامعهم. بس تصدق, لو البلديه عارفه شغلها والله مايكون حصل لي نفس الموقف في خلال اسبوع ! لاترمون علينا اللوم دام الخطأ لم يبدء مننا. هناك أناس (كما أضنهم!!) موظفين بالبلديه وكان عليهم أمانه. لكن الأخوان على ما أضن ماخذينها شاي وقهوه وبلوووت...!! العالم تصيح من فساد الأغذيه وتسمم بشر وانتهاء صلاحيه ....من منهم حرّك ساكن !!!! همسه: دعك من فك طلاسم إسمي ولا تكترث له..فأنا لا أكترث أن ليس كل سعودي صقر ! |
توقعت الردود الغير مرضيه لان هناك من لا يقبل المنطق وتشدق بالمثاليه وقد يكون ابعد الناس هنا
فهناك الكثير لا يريد ان يؤمن بانا لا زلنا فى الحياه الدنيا ولسنا فى الجنه حعلنا الله واياكم من اهل الجنه واما بالنسبه لقولك لا ترمون اللوم علينا دام الخطا لم يبداء منا فاذا لم نصحح اخطاء بعضنا بنقد هادف ونصح مخلص فلن يصحح اى خطا اما قولك العالم تصيح من فساد الأغذيه وتسمم بشر وانتهاء صلاحيه ....من منهم حرّك ساكن !!!! فاعود واقول عودى الى موضوع الاخ كرامه انسان ستجدين انهم حركو اكثر من ساكن بالنسبه للهمسه/اعتذر ان كنت تدخلت في خصوصيات ولكن اعتقد ان الاسما المستعاره مفتاح لكل شخص شكرا |
يا صقر بلادي......
فضلاً لا امراً هل تتكرم علي وتعطيني الرابط لموضوع الاخ كرامه انسان..ربما استفيد من خبرات الغير فما زلت أجهل الكثير بارك ربي مرورك |
ربما استفيد من خبرات الغير فما زلت أجهل الكثير
كلنا نجهل الكثير الكثير وفوق كل ذى علم عليم //// واليك الرابط https://www.mqataa.co/vb/showthread.php?t=5594&highlight=%CA%D3%E3%E3+%DB%D 0%C7%C6%ED |
الصقر السعودي,,,,,,,, صنعت لي معروفاً لن أنساه ما حييت - فشكراً لك |
| الساعة الآن 10:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by